رپورٹ رضوان خان فرینکفرٹ جرمنی۔
فرینکفرٹ جرمنی میں صائمہ اردو اینڈ کلچرل کلاس کے زیر اہتمام اردو کلاسز کا اجراء۔ شریف اکیڈمی کے وفد کا اردو کلاس کا دورہ۔
جرمنی کے شہر فرینکفرٹ میں اردو کلاس کا اجراء کیا گیا جس کا انتظام و انصرام صائمہ احسن نے کیا جو اردو زبان کو زندہ رکھنے کے لیے ایک اہم قدم ہے ۔
شریف اکیڈمی کے وفد نے اردو کلاس کا دورہ کیا جس کی قیادت شریف اکیڈمی جرمنی کے چیف ایگزیکٹو شفیق مراد نے کی جبکہ ان کے ہمراہ نائب صدر محترمہ عائشہ طارق اور اسد اللہ طارق ممبر ایگزیکٹو کمیٹی تھے اس کے ساتھ خواتین ونگ کی صدر محترمہ صائمہ کنول اور پروگرام آرگنائزر شاہد مقبول بھی شامل تھے۔ دورے کا مقصداردو زبان کے فروغ کے لئے کی جانے والی کاوشوں کو سراہنا اورکلاس میں آنے والے بچوں اور ان کے والدین سے ملاقات کرنا تھا
اس موقع پر اسداللہ طارق اور مسز عائشہ طارق نے بچوں کو اردو کے قاعدے دیے ۔شفیق مراد نے صائمہ احسن کی کاوشوں کو سراہتے ہوئے کہا کہ انہوں نےاردو کلاس کا اجراء کر کے نئی نسل کو اردو زبان و ادب سے آشنا کرنے کی جانب ایک اہم قدم اٹھایا ہے
