سندھ کی اکثر شوگر ملز سندھ ہائی کورٹ کے احکامات کی خلاف ورزی کرتے ہوئے مزدوروں کو سماجی تحفظ کے فوائد سے محروم کر رہی ہیں
ڈائریکٹر سوشل سیکیورٹی نے، جو کہ اسسٹنٹ کلیکٹر ریونیو بھی ہیں، نے ڈیفالٹر شوگر ملوں بشمول تھرپارکر شوگر ملز اور ڈگری شوگر ملز کے خلاف قانونی کارروائی کا آغاز کر دیا ہے۔
ذرائع کے مطابق، تھرپارکر شوگر ملز 40.69 ملین اور ڈگری شوگر ملز 46.04 ملین کی عدم ادائیگی میں ملوث ہیں۔
میرپور خاص [26 فروری] – معزز سندھ ہائی کورٹ کے آئینی درخواست نمبر 1734/2020 اور 6712/2020 میں دیے گئے واضح احکامات کے باوجود، سندھ کی بیشتر شوگر ملز سوشل سیکیورٹی کنٹری بیوشنز کی ادائیگی سے مسلسل گریز کر رہی ہیں، جس کی وجہ سے ہزاروں مزدور بنیادی سماجی تحفظ کے فوائد سے محروم ہو رہے ہیں۔
ایک اہم اقدام کے تحت، میرپور خاص ڈائریکٹوریٹ کے ڈائریکٹر، جو کہ اسسٹنٹ کنٹرولر گریڈ ون
لینڈ ریونیو بھی ہیں، نے تھرپارکر شوگر ملز اور ڈگری شوگر ملز کے خلاف لینڈ ریونیو ایکٹ 1967 کے سیکشن 81 کے تحت نوٹس جاری کیے ہیں۔ یہ نوٹس بقایا واجبات کی وصولی اور مزدوروں کو ان کے جائز سماجی تحفظ کی سہولیات کی فراہمی یقینی بنانے کے لیے قانونی اقدام کے طور پر جاری کیے گئے ہیں۔
ان صنعتی اداروں کی جانب سے اپنی ذمہ داریاں پوری نہ کرنے کے باعث ہزاروں مزدور صحت کی بنیادی سہولیات، مالی امداد
اور دیگر سماجی تحفظ کے فوائد سے محروم ہو چکے ہیں۔ ڈائریکٹر سوشل سیکوریٹی میرپور خاص ڈائریکٹوریٹ نے اپنے اس عزم کا اعادہ کیا ہے کہ وہ تمام نادہندہ اداروں کو جوابدہ ٹھہرانے اور مزدوروں کے حقوق کے تحفظ کو یقینی بنانے کے لیے ہر ممکن اقدام کریں گے۔
سیسی کے حکام نے خبردار کیا ہے کہ اگرشگر ملز عدالتی احکامات پر عمل نہیں کرتیں تو ان کی جائیدادیں قرق کرنے کے لئے قانونی چارہ جوئی سمیت مزید قانونی نتائج کا سامنا کرنا پڑ سکتا ہے۔سیسی حکام کی جانب سے اس قسم کی کارروائیاں صنعتی شعبے میں مزدوروں کے حقوق کے نفاذ کے لیے جاری جدوجہد کو اجاگر کرتا ہے، اس کے علاوہ اس ضمن میں اعلیٰ عدالتی احکامات بھی بالکل واضح ہیں۔
