وزیر اعلی پنجاب مریم نواز شریف کی ہدایت پر الائیڈ ہسپتال فیصل آباد کی بہتری کیلئے اقدامات جاری ہیں۔ سیکرٹری صحت پنجاب عظمت محمود کا سروس ڈیلیوری کا جائزہ لینے کیلئے الائیڈ ہسپتال کا دورہ۔ کمشنر فیصل آباد ڈویژن مریم خان اور وائس چانسلر فیصل آباد میڈیکل یونیورسٹی ڈاکٹر ظفر چوہدری بھی ہمراہ تھے۔ سیکرٹری صحت پنجاب عظمت محمود کی ہسپتال انتظامیہ کو ڈاکٹرز کے ڈیوٹی روسٹرز ایل ای ڈیز تمام وارڈز میں لگانے کی ہدایت کی۔ رش کنٹرول کرنے کیلئے داخلی راستوں پر موئثر حکمت عملی اپنانے کی ہدایت کی گئی ہے۔ سیکرٹری صحت نے سرجیکل ایمرجسنی،شعبہ بیرونی مریضان،کینسر وارڈ،سمیت مختلف شعبہ جات میں طبی سہولیات کا جائزہ لیا۔ انہوں نے وارڈز میں جاکر مریضوں سے ملاقات کی۔ عظمت محمود نے مریضوں سے
ادویات کی دستیابی اور ڈاکٹرز کے رویہ بارے استفسار کیا۔ فارمیسی میں ادویات کے سٹاک کی بھی جانچ پڑتال اور ایم ایس سے بریفنگ لی۔ سیکرٹری صحت پنجاب عظمت محمود نے ایم ایس آف میں کمشنر کے ہمراہ ہسپتال میں طبی سہولیات بارے اجلاس کی صدارت بھی کی۔ اس موقع پر انہوں نے کہا کہ صحت کا شعبہ حکومت پنجاب کی خصوصی توجہ کا مرکز ہے۔ سروس ڈیلیوری میں غفلت پر کوئی سمجھوتہ نہیں کیا جائے گا۔
