یونیورسٹی اف ایجوکیشن لاہور میں سالانہ المنائی ڈنر کا شاندار انعقاد ہوا۔ تقریب کی صدارت وائس چانسلر پروفیسر ڈاکٹر عاکف انور چوہدری نے کی ۔ یونیورسٹی کے سابق وائس چانسلر پروفیسر ڈاکٹر طلت نصیر پاشا اور پروفیسر ڈاکٹر منور سلطانہ مرزا نے بطور مہمان خصوصی شرکت کی۔ تقریب سے خطاب کرتے ہوئے وائس چانسلر یونیورسٹی پروفیسر ڈاکٹر عاکف انور چوہدری نے کہا کہ یونیورسٹی گزشتہ 23 سال میں تقریبا دو لاکھ سے زائد گریجویٹس پیدا کر چکی ہے جو کہ ملک کی ترقی میں اہم کردار ادا کر رہے ہیں۔ یونیورسٹی اساتذہ اور انتظامیہ کو اس بات پر فخر ہے کہ اس ادارے سے فارغ و تحصیل طلباء میں ستارہ امتیاز اور ہلال امتیاز شخصیات بھی موجود ہے۔ تقریب سے خطاب کرتے ہوئے ڈائریکٹر المنائی ڈاکٹر اعجاز احمد تتلہ نے کہا
یونیورسٹی اف ایجوکیشن لاہور گزشتہ 23 برس میں انٹرنیشنل اور نیشنل رینکنگز میں نمایاں مقام حاصل کر چکی ہے جو یونیورسٹی کے طلبہ و طالبات اساتذہ اور انتظامیہ کی انتھک محنت اور لگن کا ثبوت ہے۔ تقریب میں یونیورسٹی کے فارغ و تحصیل طلبہ و طالبات نے صوفیانہ کلام شاعری اور رنگا رنگ کارکردگی کا مظاہرہ کیا۔ تقریب میں یونیورسٹی ڈائریکٹرز پرنسپلز فیکلٹی اور طلبہ کی کثیر تعداد نے شرکت کی۔
