مور خہ28فروری 2025
پبلک پروکیورمنٹ (AGPP) پر ایڈوائزری گروپ کے 10ویں اجلاس میں پروکیورمنٹ اصلاحات کے حوالے سے باہمی تعاون کی کوششوں کا احاطہ۔۔
کراچی 28 فروری ۔سندھ پبلک پروکیورمنٹ ریگولیٹری اتھارٹی (SPPRA) کے ذیر اہتمام کراچی کے ایک مقامی ہوٹل میں ایڈوائزری گروپ برائے پبلک پروکیورمنٹ (AGPP) کے 10 ویں اجلاس کا انعقاد کیا گیا۔اجلاس میں وفاقی اور صوبائی PPRAs کے معزز مندوبین کے ساتھ ساتھ ورلڈ بینک اور ایشیائی ترقیاتی بینک کے نمائندوں نے بھی شرکت کی۔وزیر داخلہ سندھ/چیئرمین SPPRA ضیاء الحسن لنجار کی سنجیدہ کاوشوں اور اقدامات کے نتیجے میں پبلک پروکیورمنٹ ناصرف جدت ترقی پسند نقطہ نظر سے آراستہ ہوگئی ہے بلکہ باقاعدہ ایک سسٹم سے بھی روشناس ہوگئی ہے۔اجلاس میں اس بات پر زور دیا گیا کہ پروکیورمنٹ کے بدلتے ہوئے منظر نامے میں ایک لچکدار اور جوابدہ پروکیورمنٹ سسٹم تیار کرنے کے لیے ڈیجیٹل تبدیلی، مضبوط تعمیل اور استعداد کار میں اضافہ کی ضرورت ہے۔ملاقات کے دوران ہونے والی بات چیت میں باہمی دلچسپی کے اہم شعبوں بشمول پیش رفت کا جائزہ،چیلنجز اور مختلف اقدامات کے لیے مستقبل کی حکمت عملی کا احاطہ کیا گیا۔اجلاس کو بتایا گیا کہ چیئرمین SPPRA ضیاء الحسن لنجار کے رہنما ہدایات اور سنجیدہ فیصلوں سے متعلق ای-پاک ایکوزیشن اینڈ ڈسپوزل سسٹم (e-PADS) کے نفاذ، تربیتی پروگراموں، پائیدار پروکیورمنٹ پالیسی کی ترقی، PPRA سے باہم تعاون اورنیشنل پروکیورمنٹ حکمت عملی کے جائزہ اور اسےاپ ڈیٹ کرنے پر خصوصی توجہ دی گئی اور تمام PPRAs کی اجتماعی کوششوں کو ملک بھر میں خریداری کے عمل کو بہتر بنانے کے عزم کے لیئے سراہا گیا۔ شرکاء نے مشترکہ مقاصد کے حصول کے لیے تمام PPRAs کے درمیان ہم آہنگی کو مضبوط بنانے پر اتفاق رائے حاصل کیا، جس میں ای-PADS کی ترقی، متحد تربیتی ماڈیولز، ایک ای لرننگ سسٹم،پائیدار خریداری کی پالیسیاں اور ضابطہ اخلاق شامل ہیں۔
ہینڈآؤٹ نمبر 266۔۔۔ایس اے جے
