قائمہ کمیٹی برائے داخلہ کا مصطفیٰ عامر کے قتل کا نوٹس
آئی جی سندھ کو متعلقہ حکام کے ہمراہ قائمہ کمیٹی میں پیش ہونے کی ہدایت
تازہ ترین خبروں اور تبصروں کیلئے ہمارا وٹس ایپ چینل جوائن کریں
قومی اسمبلی کی قائمہ کمیٹی برائے داخلہ نے کراچی میں مصطفیٰ عامر کے قتل کا نوٹس لے لیا۔
قومی اسمبلی کی قائمہ کمیٹی برائے داخلہ نے مصطفیٰ عامر کے قتل کے معاملے پر آئی جی سندھ کو جمعہ کے روز طلب کر لیا۔
کمیٹی نے آئی جی سندھ کو متعلقہ حکام کے ہمراہ قائمہ کمیٹی میں پیش ہونے کی ہدایت کی ہے۔
کمیٹی کی جانب سے کہا گیا ہے متعلقہ حکام پیش ہوکر ارمغان کی منشیات فروشی اور دیگر جرائم کی تفصیلات سے آگاہ کریں۔
=======================
پولیس ڈیفنس میں چائے شائے -چائے کے ڈھابے کے بارے میں تحقیقات کر رہی ہے اور اب کچھ طاقتور ناموں سے تفتیش جاری ہے۔
راول , مصطفیٰ یا ارمغان کا دوست نکلا؟ کونسے ڈی آئی جی کا بیٹا ڈرگ ڈیلر ہے.. تنویر مراد 55 لاکھ
دوامی شو سے اہم انکشاف
(133) RAWAL MEMON MUSTAFA OR ARMAGHAN KA BUDDY NIKLA.? KONSY DIG KA BETA DRUG DEELAR HI..?تنویر مراد 55لا – YouTube
مصطفیٰ قتل کیس کے ملزم ارمغان کے گھر چھاپے کے وقت کیا ہوا؟ پولیس نے رپورٹ جمع کرادی
پولیس کی جانب سے ملزم کو بلند آواز میں سرنڈر کا کہا جاتا رہا مگر وہ وقفے وقفے سے فائرنگ کرتا رہا، رپورٹ/ اسکرین گریب
کراچی: پولیس نے مصطفیٰ قتل کیس کے ملزم ارمغان کی گرفتاری اور اسلحہ برآمدگی کی رپورٹ عدالت میں جمع کرادی۔
کراچی پولیس کی جانب سے عدالت میں جمع رپورٹ میں بتایا گیا کہ مصطفیٰ عامر کی بازیابی کے لیے ملزم ارمغان کے گھر پر چھاپا مارا تھا، ملزم کی جانب سے دروازہ نہ کھولنے پر سرکاری موبائل کی ٹکر سے گیٹ کھولا اور پولیس بنگلے میں داخل ہوئی۔
رپورٹ کے مطابق چھاپے کے دوران ملزم ارمغان نے پولیس پر جان سے مارنے کی نیت سے جدید اسلحے سے فائرنگ کی جس سے ڈی ایس پی احسن ذوالفقار اور کانسٹیبل محمد اقبال زخمی ہوئے۔
پولیس رپورٹ میں مزید بتایا گیا ہے کہ ملزم کو بلند آواز میں سرنڈر کا کہا جاتا رہا مگر وہ وقفے وقفے سے فائرنگ کرتا رہا، پولیس نے پیش قدمی کرتے ہوئے ملزم کو گھیرے میں لےکر گرفتار کیا، ملزم ارمغان سے جدید اسلحہ بھی برآمد کیا گیا تھا۔
مصطفیٰ عامر کیس: ملزم ارمغان کا ریمانڈ نہ دینے والے اے ٹی سی جج سے اختیارات واپس لینے کی سفارش
کراچی: سندھ ہائیکورٹ نے مصطفیٰ عامر قتل کیس کے ملزم ارمغان کا ریمانڈ نہ دینے والے انسداد دہشتگردی عدالت کے منتظم جج سے انتظامی اختیارات واپس لینے کی سفارش کردی۔
سندھ ہائیکورٹ کے جسٹس ظفر راجپوت کی سربراہی میں 2 رکنی بینچ نے تفصیلی فیصلہ جاری کردیا۔
قائم مقام پراسیکیوٹر جنرل کے مطابق عدالت نے ریکارڈ ٹیمپرنگ کے الزامات کے بعدجج سے اختیارات واپس لینے کی سفارش کی ہے۔
===========================
عدالتی حکم نامے میں کہا گیا ہےکہ تفتیشی افسر کے مطابق 10فروری کو دوپہر 12بجے منتظم جج کے پاس کسٹڈی پیش کی اور جج نے تفتیشی افسر کو 3 گھنٹے انتظار کروایا، منتظم جج نے تفتیشی افسر کو ملزم کے میڈیکل معائنے کے زبانی احکامات دیے جب کہ منتظم جج کے پاس ملزم کے مختصر ریمانڈ کا مناسب طریقے کار موجود تھا۔
حکم نامے میں مزید کہا گیا ہےکہ منتظم جج ملزم کے پولیس ریمانڈ کے ساتھ میڈیکل معائنے کا حکم دے سکتے تھے، میڈیکل رپورٹ میں تشدد کے شواہد کے بعدہی تفتیشی کے خلاف کاروائی کی جاسکتی تھی، مجسٹریٹ اور منتظم جج بے ضابطگی کی صورت میں ہائیکورٹ کو جواب دہ ہیں۔
حکم نامے کے مطابق منتظم جج کے احکامات ہاتھ سے نہیں لکھے گئے بلکہ ٹائپ شدہ تھے، منتظم جج نے ملزم کے جسمانی ریمانڈ کا حکم دیا لیکن بعد میں وائٹو لگا کر ریمانڈ کو جوڈیشل کسٹڈی کیا گیا، قائم مقام پراسیکیوٹر جنرل نے بتایا کہ ریمانڈ کے وقت ملزم کا باپ منتظم جج کے چیمبر میں رہا۔
حکم نامے میں مزید بتایا گیا ہےکہ کسی بھی فریق نے جوائنٹ انٹروگیشن ٹیم بنانے کی درخواست نہیں کی تھی، منتظم جج کے پاس ایسے احکامات جاری کرنے کا اختیار نہیں ہے، منتظم جج کا پولیس ریمانڈ کی جگہ جوڈیشل ریمانڈ کا فیصلہ غیر قانونی ہے اور جے آئی ٹی بنانے کا منتظم جج کا فیصلہ دائرے اختیار سے تجاوز ہے،کیس کو مد نظر رکھتے ہوئے مناسب ہو تو جج کے اختیارات کسی اور عدالت کو دیے جائیں۔
جسمانی ریمانڈ نہ دینے کا معاملہ
سندھ ہائیکورٹ میں مصطفیٰ عامر قتل کیس میں پراسیکیوشن نے اے ٹی سی کے منتظم جج کے خلاف 4 درخواستیں دائر کی تھیں جن میں مؤقف اپنایا گیا تھا کہ اے ٹی سی کے منتظم جج نے ملزم ارمغان کے جسمانی ریمانڈ کی درخواست مسترد کی تھی۔
گزشتہ سماعت پر رجسٹرار اے ٹی سی نے کیس کا ریکارڈ عدالت میں پیش کیا اور موجودہ تفتیشی افسر نے بتایا کہ ٹرائل کورٹ میں پہلے پولیس ریمانڈ دیا گیا تھا اور شام 7 بجے جیل کسٹڈی کی گئی۔
اس پر جسٹس ظفر نے ریمارکس دیے تھے کہ پولیس کسٹڈی ریمانڈ پر وائٹو لگا کر اسے جیل کسٹڈی کردیا گیا ہے، پولیس ابھی تک لکھا ہوا ہے،عدالت نے ملزم کو دوبارہ اے ٹی سی میں پیش کرنے کا حکم دیا جہاں اے ٹی سی نے ملزم کو 4 روزہ ریمانڈ پر پولیس کے حوالے کردیا تھا۔
===================================
وہاڑی: جوا ہارنے والے شخص نے جیتنے والے 2 افراد سے بیوی کا ریپ کروا دیا
ڈان اخبار شائع February 25, 2025
ضلع وہاڑی کے علاقے ساہوکا تھانے کی حدود میں جواری نے ہارنے کے بعد جیتنے والوں سے اپنی اہلیہ کا ریپ کروا دیا۔
ڈان اخبار میں شائع رپورٹ کے مطابق معلوم ہوا ہے کہ مبینہ طور پر ریپ کرنے والے شخص نے اس قبیح فعل کی ویڈیو بھی بنالی اور دھمکی دی کہ اگر خاتون نے اس کا انکشاف کیا تو وہ اسے سوشل میڈیا پر اپ لوڈ کر دے گا۔
رپورٹس میں بتایا گیا ہے کہ مشتبہ ’اے‘ اپنے دوستوں ’کیو‘ اور ’آئی‘ سے شرط ہار گیا اور انہیں اپنے گھر لے آیا، جہاں ’کیو‘ نے مبینہ طور پر خاتون کو زیادتی کا نشانہ بنایا اور اس واقعے کی ویڈیو بنائی۔
خاتون کے والد کی شکایت پر ساہوکا پولیس نے اس کے شوہر سمیت تینوں ملزمان کے خلاف مقدمہ درج کرلیا، تاہم ملزمان کو اب تک گرفتار نہیں کیا گیا۔
ایف آئی آر (139/25) میں جوئے کا کوئی ذکر نہیں، لیکن خاتون اور اس کے والد نے میڈیا کو بتایا کہ یہ جوا تھا، جس نے ان کی زندگی تباہ کردی۔
واضح رہے کہ فروری 2023 میں پنجاب کے شہر بہاولپور سے 20 کلومیٹر دور خانقاہ شریف کے علاقے میں 2 افراد نے بندوق کی نوک پر 15 سالہ لڑکی کو اس ماں کے سامنے گینگ ریپ کا نشانہ بنایا تھا۔
ڈان اخبار کی رپورٹ میں بتایا گیا تھا کہ لڑکی کی ماں کی شکایت پر نامزد ملزم اور اس کے ساتھی کے خلاف ریپ کا مقدمہ درج کیا گیا تھا۔
شکایت کنندہ خاتون کا کہنا تھا اس کا شوہر روزگار کے سلسلے میں لاہور گیا ہے، وہ اپنے گھر میں بچوں کے ہمراہ رہتی ہے۔
متاثرہ لڑکی کی والدہ نے پولیس کو بتایا تھاکہ ہفتے کی رات ملزم نے اپنے نامعلوم ساتھی کے ساتھ مل کر اس کے گھر میں گھس کر اسے تشدد کا نشانہ بنایا اور اس کی موجودگی میں بندوق کی نوک پر اس کی 15 سالہ بیٹی کے ساتھ گینگ ریپ کیا۔
ملزمان جرم کرنے کے بعد فرار ہوگئے، بعد میں ماں اور بیٹی کے رونے کی آوازیں سن کر اہل علاقہ وہاں پہنچے تھے۔
https://www.dawnnews.tv/news/1253860/
=============
نشے میں دھت دولہے نے ورمالا دلہن کے بجائے سہیلی کو پہنا دی، پھر کیا ہوا؟
سر پر وگ میں چھپا کر منشیات اسمگل کرنے کی کوشش کیسے ناکام بنی؟ ویڈیو دیکھیں
سونے کا ٹوائلٹ کیسے چوری ہوا؟ فوٹیج سامنے آ گئی
نشے میں دھت دولہے نے ورمالا دلہن کے بجائے سہیلی کو پہنا دی
بھارتی ریاست اتر پردیش کے شہر بریلی میں شادی کی تقریب میں اُس وقت افراتفری مچ گئی جب نشے میں دھت دولہے نے غلطی سے ورمالا دلہن کے بجائے اس کی سہیلی کو پہنا دی۔
انڈین میڈیا کی رپورٹس کے مطابق دولہے کی انوکھی حرکت پر دلہن نے سب کی موجودگی میں اس کو تھپڑ جڑ دیا اور فوراً شادی منسوخ کرنے کا اعلان کیا جس کے بعد دونوں خاندانوں کے درمیان بھرپور جھگڑا شروع ہوگیا۔
دلہن والوں کی طرف سے درج کروائی گئی ایف آئی آر کے مطابق 26 سالہ رویندر کمار کے گھر والوں نے شادی سے پہلے کی رسومات کے دوران 2.5 لاکھ روپے جبکہ تقریب کی صبح مزید 2 لاکھ روپے لینے کے باوجود اضافی جہیز کا مطالبہ کرنا شروع کر دیا۔
ذرائع نے بتایا کہ رویندر کمار کسی اور سے شادی کرنا چاہتا تھا اور جان بوجھ کر شادی میں خلل ڈالنے کیلیے اس نے مذکورہ حرکت کی، ورمالا پہنانے سے قبل وہ دیر تک شراب پیتا رہا۔
ایف آئی آر کے مطابق جب رسم شروع ہوئی تو رویندر کمار اس قدر نشے میں تھا کہ اس نے غلطی سے دلہن کی سہیلی کو ورمالا پہنا دی جو ساتھ ہی کھڑی تھی، 21 سالہ دلہن رادھا دیوی نے غصے میں آ کر دولہے کو تھپڑ مارا۔
پولیس حکام نے رویندر کمار اور اس کے دوستوں کو حراست میں لے لیا، ان پر دلہن کے خاندان کی توہین کرنے اور امن عامہ کو خراب کرنے کا الزام عائد ہے۔
ملزمان کے خلاف جہیز کا مطالبہ کرنے پر الگ مقدمہ درج کیا گیا۔ تحقیقات سے پتا چلا کہ اس کے دوستوں نے اسے شراب فراہم کی تھی، فروخت کرنے کے الزام میں ایک شخص کو گرفتار کیا گیا تھا۔
===========================
سرگودھا: 16 سالہ لڑکی گن پوائنٹ پر اغواء، 3 روز تک زیادتی
سرگودھا میں 16 سالہ لڑکی کو اسکول سے چھٹی کے بعد گن پوائنٹ پر اغواء کر لیا گیا اور 3 روز تک زیادتی کا نشانہ بنایا گیا۔
اس حوالے سے پولیس کا کہنا ہے کہ 21 فروری کو اغواء ہونے والی لڑکی 24 فروری کو ملزمان کے چنگل سے فرار ہو کر گھر پہنچی۔
پولیس کے مطابق ملزمان نے زیادتی کے دوران لڑکی کو تشدد کا نشانہ بھی بنایا، میڈیکل میں لڑکی سے زیادتی ثابت ہو گئی ہے۔
گوجرانوالہ: زیادتی کے بعد 5 سالہ بچی کے قتل کا ملزم مبینہ مقابلے میں ہلاک
پولیس نے لڑکی کے والد کی مدعیت میں مقدمہ درج کر کے ملزمان کی گرفتاری کے لیے کارروائی شروع کر دی۔
پولیس نے بتایا کہ ملزمان کی گرفتاری کے لیے چھاپے مارے جا رہے ہیں۔
=============================
لودھراں: شوہر کے ہاتھوں بیوی کا مبینہ قتل،، مقدمہ درج
لودھراں کے علاقے کمال پور جتیال میں شوہر نے بیوی کو مبینہ طور پر قتل کر دیا، پولیس نے مقدمہ درج کر لیا ہے۔
پولیس کے مطابق بیوی نے زمین بیچ کر 14 لاکھ شوہر کو دیے تھے، پیسے واپس مانگنے پر شوہر نے تشدد کیا۔
کراچی، بیوی اور ساس کا قاتل 4 سال بعد گرفتار
خاتون کے ورثاء نے الزام لگایا ہے کہ ملزم نے تشدد کے بعد اپنی بیوی کو زہریلی چیز پلا کر قتل کیا ہے۔
پولیس نے بتایا ہے کہ انہوں ملزم کو گرفتار کر کے مقدمہ درج کر لیا ہے، زیرِ حراست ملزم نے اپنے بیان میں کہا ہے کہ اُس کی بیوی نے خودکشی کی ہے
====================
