سینیٹر روبینہ خالد چیئرمین بینظیر انکم سپورٹ پروگرام، ڈاکٹر روڈیگر لوٹز جرمن قونصل جنرل، نجم احمد شاہ چیئرمین پلاننگ اینڈ ڈیویلپمنٹ بورڈ، ماریا حوزے کنٹری ییڈ جی آئی زیڈ پاکستان، محترمہ نوید اکبر ڈی جی بینظیر انکم سپورٹ پروگرام سمیت دیگر اہم شخصیات کانفرنس کے اختتامی سیشن میں شریک تھیں
کانفرنس کے اختتام پر تمام اسٹیک ہولڈرز نے مشترکہ پالیسیوں ڈیٹا پر مبنی موثر اور پائیدار مالی تعاون کے ذریعے سماجی تحفظ کو فروغ دینے کے عزم کا اعادہ کیا۔
سندھ کے وزیر توانائی و منصوبہ بندی و ترقیات سید ناصر حسین شاہ نے کانفرنس کے اختتامی سیشن میں خطاب کرتے ہوئے کہا کہ صوبہ سندھ کمزور طبقات کی بحالی اور بحرانوں کا مقابلہ کرنے کے لئے سماجی تحفظ کو یقینی بنانے کے لئے پر عزم ہے۔ سیدناصرحسین شاہ نے سندھ حکومت کے اقدامات پر روشنی ڈالی جن میں سندھ سوشل پروٹیکشن اتھارٹی ممتا پروگرام، وویمن ایگریکلچر ورکرز پروگرام، بھوک مٹائو ہروگرام اور سندھ پیپلزہائوسنگ انیشیایٹو شامل ہیں۔ یہ اقدامات ماحولیاتی اور سماجی تحفظ کو یکجا کرتے ہیں۔ وزیر توانائی کا مزیدکہنا تھا کہ اس کانفرنس کو اختتام کے طور پر نہ دیکھا جائے، بلکہ یہاں سے سماجی تحفظ کے لئے پائیدار تعاون اور اقدامات کے نئے باب کا آغاز یونے جارہا ہے۔ سیدناصرحسین شاہ نے یورپی یونین اور جرمن ڈیویلپمنٹ کارپوریشن کو آفات سے نمٹنے اور مستحقین کے رجسٹریشن کے نظام میں تعاون پر روشنی ڈالتے ہوئے کہا کہ سندھ ان اصولوں کے نفاذ اور ایک جامع مستحکم اور ہم آہنگ پزیر سماجی تحفظ کے نظام کے فروغ کے لئے اپنا کردار ادا کرنے کے لئے پرعزم ہے۔ سیدناصرحسین شاہ نے مذید کہا کہ پاکستان پیپلزپارٹی نے عورتوں کی معاشی ترقی اور استحکام کے لئے منصوبے شروع کئے جس کے تحت بارہ لاکھ سے زیادہ خواتین استفادہ کر رہی ہیں۔ چیئرمین بلاول بھٹو ذرداری کے وژن کےطمچابق عوام کو زیادہ سے زیادہ سہولیات فراہم کرنا سندھ حکومت کی اولین ترجیح ہے۔ سیلاب سے متاثرہ لوفوں کت لاکھوں گھروں کی تعمیر کی گئی اور مزید کی تعمیر جاری ہے۔ سولر پروگرام شروع کیا گیا ہے۔ چیئرمین بلاول بھٹو زرداری کی ہدیات پر خواتین کو مالکانہ حقوق دیئے جارہے ہیں۔ سولر پینل دینے کا منصوبہ شروع کیا ہے جس کے تحت دولاکھ سولر پینل دیئے جارہے ہیں جلد پانچ لاکھ سولر ڈسٹری بیوشن کا ہروگرام بھی شروع کیا جارہا ہے۔ سندھ حکومت تمام اسٹیک ہولڈر کو یقین دلاتی ہے کہ وہ ہر ممکن مدد فراہم کرے گی۔
