مصطفیٰ قتل کے ملزم ارمغان کا گھر خالی کروانے کیلئے پڑوسیوں کا خط
مصطفیٰ قتل کیس کے ملزم ارمغان کا گھر خالی کروانے کے لیے پڑوسیوں نے متعلقہ حکام کو خط لکھ دیا۔
خط کے متن میں کہا گیا ہے کہ کامران قریشی اور اہلِ خانہ متعلقہ اتھارٹی کے ضوابط کی خلاف ورزی کر رہے ہیں، کامران قریشی نے 2023ء سے 2024ء کے دوران خلافِ قانون 3 شیر گھر پر رکھے۔
خط میں کہا گیا ہے کہ گھر میں رات بھر بلند آواز میں موسیقی بجائی جاتی ہے، جس سے آرام میں خلل پڑتا ہے، کامران قریشی کے بیٹے ارمغان نے 100 سے زائد نجی سیکیورٹی گارڈز رکھے ہیں۔
مصطفیٰ قتل کیس کے ملزم ارمغان کے منشیات استعمال کا معاملہ سامنے آنے پر متعدد افراد زیر حراست
پڑوسیوں نے خط میں کہا ہے کہ ارمغان کے نجی سیکیورٹی گارڈز خواتین اور گھریلو ملازمین کو ہراساں کرتے ہیں، 8 فروری کو کامران اصغر قریشی کے گھر پر پولیس نے چھاپہ مارا اور فائرنگ کی گئی۔
خط میں یہ بھی کہا گیا ہے کہ گھر سے غیر قانونی ہتھیار برآمد ہوئے، اطراف کے رہائشی اپنے گھروں میں محصور رہے، بے امنی اور غیر قانونی سرگرمیوں کے پیشِ نظر رہائشیوں کی حفاظت کو یقینی بنایا جائے، کامران اصغر قریشی کو اس گھر سے نکالا جائے اور اصل مالک کی شناخت کی جائے۔
اس حوالے سے ڈی آئی جی ساؤتھ اسد رضا کا کہنا ہے کہ گھر کا مالک دبئی میں ہے، مالک کے درخواست وصولی کے لیے قونصل جنرل یو اے ای کو خط لکھا ہے۔
ڈی آئی جی ساؤتھ نے کہا کہ مالک سے رابطہ ہونے پر ارمغان کے پڑوسیوں کے تحفظات اور چھاپے کا بتائیں گے، مالک کی منظوری سے گھر خالی کرانے کی کارروائی آگے بڑھائیں گے
کاشف مشتاق
=============================
مصطفیٰ قتل کیس: ملزم ارمغان سے متعلق پولیس چالان میں ہوشربا انکشافات
کراچی: مصطفیٰ قتل کیس کے ملزم ارمغان سے متعلق پولیس چالان میں مزید انکشافات ہوئے ہیں۔
کراچی کی انسداد منشیات کی عدالت میں مصطفیٰ قتل کیس کے ملزم ارمغان کے خلاف منشیات کے 2 کیسز کی سماعت ہوئی۔
سماعت کے دوران تفتیشی حکام کی جانب سے عدالت میں کیس کا چالان اور مقدمات کی تفصیل پیش کی گئی جس کے مطابق ملزم ارمغان 8 سال سے ویڈ منگوا کر نشہ کررہا تھا۔
مصطفیٰ قتل کیس: ملزم ارمغان کی سہولتکاری کس نے کی؟ تحقیقات میں انکشاف
چالان کے متن میں کہا گیا ہے کہ ملزم نے یکم جولائی 2017 سے 24 اپریل 2019 تک 9 پارسل منگوائے جب کہ ملزمان نے یہ پارسل اپنے اور اپنے والد کے نام پر منگوائے تھے۔
چالان میں یہ الزام بھی لگایا گیا ہے کہ مقدمے میں دیگر ملزمان بھی شریک ہیں جو کیفے اور پارٹیوں میں نشہ کرتے رہے ہیں۔
عدالت نے ملزم ارمغان کو منشیات کیس میں 18 مارچ کو پیش کرنے کا حکم بھی دیا۔
=============================
مصطفیٰ عامر قتل کیس: ارمغان کے گھر سے ملنے والے لاکرز سے کیا نکلا؟
مصطفیٰ عامر قتل کیس
کراچی : مصطفیٰ عامر اغوا اور قتل کیس میں تفتیشی ٹیم نے ارمغان کے گھر سے ملنے والے لاکر کھول لئے۔
تفصیلات کے مطابق مصطفیٰ عامر اغوا اور قتل کیس میں اہم پیش رفت سامنے آئی ، تفتیشی ٹیم نے ارمغان کے گھر سے ملنے والے لاکر کھول دیے۔
تفتیشی ذرائع نے بتایا کہ گھر سے ملنے والے دونوں لاکرز خالی نکلے، ملزم نے ڈیجیٹل لاکرمیں کاغذات رکھے ہوئے تھے۔
پولیس ذرائع کا کہنا تھا کہ ملزم ارمغان نے گھر بھی کرائے پر حاصل کیا ہوا تھا۔
مزید پڑھیں : مصطفیٰ عامر کا قتل : علاقہ مکینوں کا ارمغان کے والد سے گھر خالی کرانے کا مطالبہ
اس سے قبل علاقہ مکینوں نے آئی جی سندھ اوردیگرحکام کو خط لکھا تھا جس میں مطالبہ کیا تھا کہ ارمغان کے والد کامران قریشی سے گھرخالی کروایا جائے۔
علاقہ مکینوں کا کہنا تھا کہ ارمغان کے گھرسے متعدد بارہوائی فائرنگ کے واقعات پیش آئے، 2023 سے 2024 کے دوران بنگلےمیں غیر قانونی شیروں کوبھی رکھا گیا۔
بعد ازاں ڈی آئی جی ساؤتھ اسد رضا نے خط کے معاملے پر کہا 21 فروری کو رہائشیوں کا خط موصول ہوا، خط ملنے کے بعد مزید اقدامات شروع کردیے گئے ہیں۔
اسدرضا کا کہنا تھا کہ رولزخلاف ورزی پر متعلقہ اداروں سےمشاورت کے بعد ایکشن لیں گے اور ارمغان کے زیراستعمال رہنے والے بنگلے کو خالی کروایا جائے گا۔
