ٹھٹہ(رپورٹ: علی گوہر قمبرانی)ایس ایس پی ٹھٹہ کی جانب سے کمیونٹی پولیسنگ کو فروغ دینے کے لیے تھانہ جھرک پر کھلی کچہری کا انعقاد، ایس ایس پی ٹھٹہ ڈاکٹر محمد عمران خان کی جانب سے عوامی مسائل کو مدنظر رکھتے ہوئے تھانہ جھرک میں کھلی کچہری کا انعقاد کیا گیا کھلی کچہری میں جھرک اور جھمپیر کے رہائشیوں نے بڑی تعداد میں شرکت کی۔ کھلی کچہری میں عوام نے اپنے مسائل SSP ٹھٹہ کو بتائے۔ ایس ایس پی ٹھٹہ نے عوامی مسائل کو بغور سنا اور ان کے حل کیلئے متعلقہ افسران کو موقع پر احکامات جاری کیے۔ شہریوں نے ٹھٹہ پولیس کے اس احسن اقدام کو بے پناہ پزیرائی دی ۔ ایس ایس پی ٹھٹہ نے اس موقع پر کہا کہ کھلی کچہری سے کمیونٹی پولیسنگ کو فروغ ملے گا اور اس مثبت قدم سے کافی مسائل سنے گئے اور انکے حل کیساتھ پولیس کارکردگی کو مزید بہتر کرنے کا بھی موقع ملا۔ ضلع ٹھٹہ کے شہریوں کو تحفظ کی فراہمی کیساتھ انکے تمام مسائل کو حل کرنا ہمارا اولین فرض ہے انشاء اللہ منشیات کے ساتھ ضلع ٹھٹہ کو ہرقسم کی سماجی برائی سے پاک کرکے دم لیں گے اور اس طرح کی کھلی کچہری کا آئندہ بھی انعقاد کیا جائیگا۔
