وزیر اعلی پنجاب مریم نواز شریف اور چیف اف دی آرمی سٹاف جنرل عاصم منیر نے پنجاب (چولستان) میں گرین پاکستان انشیٹیو(جی پی آئی) کے تحت گرین پاکستان منصوبے کا افتتاح کیا، جس تحت گرین مال اینڈ سروسز کمپنی،سمارٹ ایگری فارم، زرعی تحقیق کا قیام عمل میں لایاگیاہے -جو اس خواب کی تعبیر ہے جو وزیر اعلی پنجاب،وزیر اعظم اور چیف اف دی آرمی سٹاف نے دیکھا تھا
کسانوں کو تمام زرعی سہولیات سیڈ،پیسٹی سائیڈ،فرٹیلائز اور ماڈرن ایگری مشینری ایک چھت تلے فراہم کی جائے گی
چولستان کا علاقہ جو صحرا تھا،اب سراب ہو گا اوروہاں پر کسانوں کو تمام زرعی اشیاء کی سرکاری ریٹ پر دستیابی کے ساتھ ہائی ٹیک مشینری رینٹل بنیادوں پر فراہم کی جائے گی
پنجاب حکومت نے ایک سال سے کم عرصہ کے دوران تمام محکموں میں 80انشیٹیوز شروع کئے جو پایہ تکمیل کے قریب ہیں
ملکی فوڈ سیکورٹی کے چیلنج سے نبردآزما ہونے کے لیے ہمیں کوپراٹیو فارمنگ کو متعارف کرانے کی ضرورت ہے
صوبائی وزیر زراعت و لائیو سٹاک سید عاشق حسین کرمانی کا وزیر اعلی پنجاب کی جانب سے ڈی جی پی آر آفس میں منعقدہ پریس کانفرنس میں خطاب
لاہور15 فروری:-وزیر اعلی پنجاب مریم نواز شریف اور چیف اف دی آرمی سٹاف جنرل عاصم منیر نے پنجاب (چولستان) میں گرین پاکستان انشیٹیو(جی پی آئی) کے تحت گرین پاکستان منصوبے کا افتتاح کیا۔ جس تحت گرین مال اینڈ سروسز کمپنی،سمارٹ ایگری فارم، زرعی تحقیق کا قیام عمل میں لایاگیاہے جو اس خواب کی تعبیر ہے جو وزیر اعلی پنجاب،وزیر اعظم اور چیف اف دی آرمی سٹاف نے دیکھا تھا۔ جس سے کسانوں کو تمام زرعی سہولیات سیڈ،پیسٹی سائیڈ،فرٹیلائز اور ماڈرن ایگری مشینری ایک چھت تلے فراہم کی جائے گی۔چولستان کا علاقہ جو صحرا تھا،اب سراب ہو گا اوروہاں پر کسانوں کو تمام زرعی اشیاء کی سرکاری ریٹ پر دستیابی کے ساتھ ہائی ٹیک مشینری رینٹل بنیادوں پر فراہم کی جائے گی۔پنجاب کی ہر تحصیل میں رینٹل سروس کا آغاز کیا جائے گا۔جی پی آئی، وزیراعلی پنجاب مریم نواز شریف کے وژن کی عکاسی کرتا ہے جو زرعی شعبے کو ٹرانسفارم کرے گا –
ان خیالات کا اظہار صوبائی وزیر زراعت و لائیو سٹاک سید عاشق حسین کرمانی نے وزیر اعلی پنجاب کی جانب سے ڈی جی پی آر آفس میں منعقدہ پریس کانفرنس میں کیا۔انھوں نے کہا کہ پنجاب حکومت نے ایک سال سے کم عرصہ کے دوران تمام محکموں میں 80انشیٹیوز شروع کئے جو پایہ تکمیل کے قریب ہیں اور اس کا کریڈٹ وزیر اعلی پنجاب مریم نواز شریف کی کرشماتی لیڈرشپ کو جاتا ہے۔زراعت کے شعبہ میں کسان کارڈ،گرین ٹریکٹر پروگرام، زرعی ٹیوب ویلز کی سولرآیزیشن اور سموگ کی روک تھام کے لیے سپرسیڈرز کی فراہمی جیسے متعدد منصوبے شامل ہیں۔ان منصوبوں کا مقصد زرعی سیکٹر میں انقلابی اصلاحات ساتھ جدید ٹیکنالوجی کو متعارف کرانے ذریعے ملکی معیشت کو بہتری کی جانب گامزن کرنا ہے –
جس کے مثبت نتائج مرتب ہوں گے۔ صوبائی وزیر نے کہاکہ آج ضرورت اس امر کی ہے کہ ہم زراعت میں جنیٹک و موسمی اثرات سے محفوظ سیڈ،بہتر آبپاشی کے نظام اور جدید زرعی مشینری کے استعمال کو یقینی بنائیں جس سے ہماری فصلوں کی فی ایکڑ پیداوار میں اضافہ ہو گا اور نقصانات کم ہوں گے۔صوبائی وزیر زراعت نے کہا کہ ملکی فوڈ سیکورٹی کے چیلنج سے نبردآزما ہونے کے لیے ہمیں کوپراٹیو فارمنگ کو متعارف کرانے کی ضرورت ہے۔ جس کے حصول کے لیے تاریخ میں پہلی بار زرعی شعبہ سے منسلک صوبائی، وفاقی اور آرمی کے اداروں کے تحت اجتماعی کاوشیں کی جا رہی ہیں۔انھوں نے مزید کہا کہ لائیو سٹاک سیکٹر میں لائیو سٹاک کارڈ اور جنوبی پنجاب کی بیوہ و مطلقہ خواتین میں اثاثہ جات کی تقسیم جیسے تاریخی اہمیت کے حامل منصوبے شامل ہیں۔لائیو سٹاک کارڈ کے ذریعے ایک لاکھ جانور رجسٹرڈ ہو گئے ہیں۔ جانوروں کی ٹیگنیگ اور ٹرسبلیٹی کا نظام شروع کیا گیا ہے جس سے بریڈ ایمپوروئمنٹ ہو گی اور کیپسٹی ایمپورئمنٹ ہو گی-
٭٭٭٭٭
پنجاب میں زراعت کو ماڈرن اورجدید بنانے کے انقلابی پروگرام کے تحت کسانوں کو تمام زرعی سہولیات ایک چھت تلے فراہم کرنے کا منصوبہ شروع کردیا گیا ہے، چولستان میں ” گرین پاکستان پروگرام“ منصوبہ کا آغازکردیا گیا ہے، کنڈائی اور شاپو کے علاقوں میں منصوبوں کی افتتاحی تقریب کا انعقاد کیا گیا، جس میں گرین مال اینڈ سروس کمپنی، سمارٹ ایگری فارم، زرعی تحقیق اور سہولت مرکز کا افتتاح کیا گیا، وزیراعلی پنجاب مریم نواز شریف اور چیف آف آرمی سٹاف جنرل سید عاصم منیرنے تقریب میں شرکت کی۔
نیشنل فوڈ سکیورٹی و تحقیق کے وفاقی وزیررانا تنویر حسین، وفاقی وزیر آبی وسائل ڈاکٹر مصدق ملک بھی شریک تھے۔ سینئر صوبائی وزیر مریم اورنگزیب، وزیر زراعت اینڈ لائیوسٹاک سید عاشق حسین کرمانی، وزیر آبپاشی محمد کاظم پیرزادہ کے علاوہ متعلقہ وفاقی اور صوبائی سیکرٹری بھی موجود تھے- تقریب میں بتایا گیاکہ ”گرین ایگری مال اینڈ سروسز سروس کمپنی“کسانوں کو ان کے گھر کے دروازے پر معیاری بیج، کھاد، کیڑے مار ادویات رعایتی قیمت پر فراہم کرے گی- کسانوں کو ڈرونز سمیت زرعی مشینری رعایتی کرائے پر دستیاب ہو گی -ایک چھت تلے، ایک کمپنی کے ذریعے کسانوں کو زراعت سے متعلق تمام سہولت میسر ہوں گی- پانچ ہزار ایکڑ پر مشتمل جدید زرعی فارم کا بھی آغاز ہو گیا ہے، فارم جدید زراعت کی مثال بنے گا، جدید زرعی طریقے اور آبپاشی کا جدید نظام استعمال کیا جائے گا- پانی کے کم استعمال اور لاگت اور لاگت سے زیادہ پیداوار حاصل ہوگی-زرعی تحقیق اور سہولت مرکز میں زراعت کے شعبے سے متعلق تمام اشیاء اور سہولیات دستیاب ہوں گی- زمین کی جانچ سمیت تحقیق سے متعلق لیبارٹری کی تمام خدمات بھی فراہم ہوں گی -یہ ادارہ زرعی تعلیم اور تحقیق کرنے والے ملک بھر کے تمام اداروں کے ساتھ رابطے میں ہوگا، وزیر اعلی مریم نواز شریف نے تقریب سے خطاب کرتے ہوئے کہاکہ چولستان اور پنجاب میں جدید زراعت کے انقلاب کی بنیاد رکھ دی ہے-ان منصوبوں کا آغاز پنجاب کے کسانوں کی ترقی کے ایک نئے سفر کا آغاز ہے، زراعت کی ترقی کسان کی ترقی اور پاکستان کی خوشحالی کی ضمانت ہے۔
وزیر اعلی مریم نواز شریف نے کہا کہ گرین پاکستان جدید زراعت کے فروغ کا انقلاب ہے۔ وزیراعلی مریم نواز شریف نے شہداء کے بچوں اور زخمی ہونے والے غازیوں کو زمین کی الاٹمنٹ کے خطوط بھی دیئے۔ آرمی چیف جنرل سید عاصم منیر نے تقریب سے خطاب کرتے ہوئے کہاکہ پنجاب پاکستان کا زرعی پاور ہاؤس بن گیاہے- جدید زراعت میں صوبہ پنجاب اور یہاں کے کسانوں کاقائدانہ کردار قابل تحسین ہے- گرین کارپوریٹ منصوبے کے تحت مختصر وقت میں یہ کامیابیاں حوصلہ افزااور ترقی کی نویدہیں -آرمی چیف جنرل سید عاصم منیر نے کہاکہ فوج ملک کی معاشی ترقی کے عمل میں بھرپور حمایت جاری رکھے گی۔
آرمی چیف جنرل سید عاصم منیر نے مختصر وقت میں پنجاب حکومت کے گرین کارپوریٹ منصوبے کے تحت کاوشوں اور حاصل ہونے والی کامیابیوں کو سراہا-
