سندھی شاعر آکاش انصاری جاں بحق: واقعے کی تحقیقات کیلئے 5 رکنی ٹیم تشکیل

سندھی شاعر آکاش انصاری جاں بحق: واقعے کی تحقیقات کیلئے 5 رکنی ٹیم تشکیل
معروف سندھی شاعر ڈاکٹر آکاش انصاری کے جھلس کر جاں بحق ہونے کے واقعے کی تحقیقات کیلئے 5 رکنی ٹیم تشکیل دے دی گئی۔

حیدر آباد میں ڈاکٹر آکاش انصاری گھر میں شارٹ سرکٹ کے سبب جھلس کر جاں بحق ہوئے۔

معروف سندھی شاعر آکاش انصاری آگ سے جھلس کر جاں بحق

معروف سندھی شاعر کے جاں بحق ہونے کے واقعے کی تحقیقات کےلیے ایس ایس پی نے 5 رکنی ٹیم تشکیل دی ہے۔

ٹیم کی تشکیل کا نوٹیفکیشن جاری کیا گیا ہے، جس کے مطابق تحقیقات کی سربراہی ایس پی ہیڈ کوارٹر مسعود اقبال کریں گے۔

صوبائی وزیر ثقافت اور سیاحت سید ذوالفقار علی شاہ نے واقعے پر افسوس کا اظہار کیا اور پولیس سے واقعے کا تمام پہلوؤں سے جائزہ لینے کی ہدایت کی تھی۔

انہوں نے مزید کہا کہ ڈاکٹر آکاش انصاری ادب اور شاعری میں بڑا مقام رکھتے ہیں۔
=====================
سندھی کے نامور شاعر اور ادیب ڈاکٹر آکاش انصاری گھر میں آگ لگنے کے بعد جھلس کر جاں بحق ہوگئے، واقعے سے متعلق ان کے منہ بولے بیٹے لطیف آکاش کا بیان سامنے آگیا۔

ڈاکٹر آکاش انصاری کے منہ بولے بیٹے لطیف آکاش کا کہنا ہے کہ صبح ساڑھے 8 بجے کے درمیان آگ لگنے کا واقعہ پیش آیا، کمرے کا دروازہ کھولا تو ڈاکٹر آکاش بیڈ سے نیچے گرے ہوئے تھے۔

لطیف آکاش نے کہا کہ اندر جانے کی کوشش کی تو میرے پاؤں جل گئے۔

معروف سندھی شاعر آکاش انصاری آگ سے جھلس کر جاں بحق

دوسری جانب پولیس کا کہنا ہے کہ حیدرآباد کی سٹیزن کالونی میں واقع آکاش انصاری کے گھر میں آگ شارٹ سرکٹ کے باعث لگی، واقعے کی تحققیات کے لیے 5 رکنی پولیس ٹیم تشکیل دے دی گئی، لاش کا پوسٹ مارٹم بھی کیا جائے گا۔

سول اسپتال حکام کے مطابق جب انہیں اسپتال لایا گیا وہ دم توڑ چکے تھے۔

آکاش انصاری کے انتقال پر وزیر اعلیٰ سندھ مراد علی شاہ اور کراچی آرٹس کونسل کے صدر احمد شاہ نے اظہار تعزیت کیا۔

ڈاکٹر آکاش انصاری کے شعری مجموعوں میں ’ادھورا ادھورا‘ اور ’کیئین رھان جلا وطن‘ شامل ہیں، ڈاکٹر آکاش انصاری کو شیخ ایاز اور استاد بخاری کے بعد جدید سندھ شاعری میں سب سے زیادہ عوامی مقبولیت پانے والا شاعر بھی قرار دیا جاتا ہے۔

==================

حیدرآباد میں معروف سندھی شاعر آکاش انصاری آگ سے جھلس کر جاں بحق ہو گئے۔

پولیس کے مطابق آگ سے جھلس کر جاں بحق شخص کی شناخت معروف سندھی شاعر آکاش انصاری کے نام سے ہوئی ہے۔

ذرائع کے مطابق ڈاکٹر آکاش انصاری گھر میں شارٹ سرکٹ کے سبب جُھلس کر جاں بحق ہوئے۔

ریڈیو کے عالمی دن پر کراچی آرٹس کونسل میں کانفرنس

صوبائی وزیرِ ثقافت اور سیاحت سید ذوالفقار علی شاہ نے واقعے پر افسوس کا اظہار کرتے ہوئے کہا ہے کہ پولیس واقعے کا تمام پہلوؤں سے جائزہ لے۔

سید ذوالفقار علی شاہ نے کہا ہے کہ ڈاکٹر آکاش انصاری ادب شاعری میں بڑا مقام رکھتے تھے۔
======================