وائے ڈی اے میو اسپتال لاہور کی روایت جاری ,ڈاکٹر احمد کمال گجر بلا مقابلہ صدرمنتخب.تفصیلات کے مطابق سابق صدر وائے ڈی اے میو اسپتال، ڈاکٹر راشد ورک نے اپنی مدت صدارت کامیابی سے مکمل کی۔ انہوں نے جمہوری اقدار کو برقرار رکھتے ہوئے نئے صدر کے لیے انتخابات کا اعلان کیا۔انتخابی عمل میں کھلے عام درخواستوں کی وصولی کی گئی، لیکن صرف ڈاکٹر احمد کمال گجر نے صدارت کے لیے درخواست دی۔ پوری وائے ڈی اے میو کمیونٹی اور کابینہ نے ان کی حمایت کی، اور کسی نے ان کے خلاف مقابلہ نہیں کیا اور
ڈاکٹر احمد کمال گجر بلا مقابلہ وائے ڈی اے میو اسپتال لاہور کے نئے صدر منتخب ہو گئے۔
اس موقع پر ہال روڈ ہاسٹل گراؤنڈز میں ایک شاندار تقریب کا انعقاد ہوا جس کے بعد روح پرور قوالی نائٹ کا اہتمام کیا گیا۔تقریب میں وائس چانسلر
پروفیسر ڈاکٹر محمود ایاز ،
پروفیسر خالد مسعود گوندل،میڈیکل سپرنٹنڈنٹ
پروفیسر فیصل مسعود،چیف ایگزیکٹو آفیسر میو ہسپتال
پروفیسر احسن نعمان،
ڈاکٹر عاطف مجید چوہدری،
ڈاکٹر شعیب نیازی،
ڈاکٹر سلمان حسیب چوہدری،
ڈاکٹر مدثر نواز اشرفی،
ڈاکٹر حسیب تھنڈ،
ڈاکٹر عدیل قریشی،
ڈاکٹر سلیم نیازی،
ڈاکٹر حمزہ نذیر چوہدری،
ڈاکٹر ریحان بھی موجود تھے۔تقریب کے دوران اپنے خطاب میں ڈاکٹر احمد کمال گجر نے تقریب سے خطاب کرتے ہوئے کہا کہ میں اپنی وائے ڈی اے فیملی کا شکریہ ادا کرتا ہوں جنہوں نے مجھ پر بھروسہ کیا اور اعتماد دیا،اورمیں وعدہ کرتا ہوں کہ سفید کوٹ کی عزت کی حفاظت ہمیشہ میری اولین ترجیح ہوگی،جبکہ میں 24/7 اپنی کمیونٹی کے لیے دستیاب رہوں گا اور ڈاکٹروں کے حقوق کے لیے ہر فورم پر لڑوں گا۔
اس لیے میں خود کو وائے ڈی اے کمیونٹی کی خدمت کے لیے وقف کرتا ہوں اور وعدہ کرتا ہوں کہ اپنے سابقہ قائدین کی مثبت روایات کو آگے بڑھاؤں گا۔
