راولپنڈی ( )
ان خیالات کا اظہار حسن وقارچیمہ ڈپٹی کمشنر راولپنڈی نے زاہد بختاوری صدر طلحہ رانا نائب صدر مرکزی تنظیم تاجران کنٹونمنٹ رجسٹرڈ کی قیادت میں ملنے والے وفد سے ملاقات میں کیا۔ حسن وقار چیمہ نے کہا کہ مال روڈ کو انڈر پاسز کے ذریعے سگنل فری کرنے کا منصوبہ 42 دنوں میں مکمل کر لیا جائیگا،انھوں نے تعمیر کے دوران مریضوں اور عوام کو ادویات کے حصول کےلئے ملٹری و دیگر ملحقہ ہسپتالوں اور الامین پلازہ تک رسائی فراہم کرنے کی یقین دہانی بھی کرائی تا کہ تعمیر کے دوران کاروباری مراکز تک عوام کی رسائی اور جان بچانے والی ادویات اور علاج معالجے کی سہولیات کی فراہمی کو ہر ممکن طریقہ سے بحال رکھا جاسکے، انہوں نے مزید کہا کہ وہ ذاتی طور پر ورکس ڈیپارٹمنٹ اور ٹریفک پولیس سے رابطہ کر کے مسائل بہتر طریقہ سے حل کرنے کے لئے بات کرینگے۔ ملاقات میں ڈپٹی کمشنر نے مال روڈ پر انڈر پاسز کی تعمیر میں درپیش مسائل سے آگاہی دینے پر زاہد بختاوری کا شکریہ ادا کیا۔اس موقع پر زاہد بختاوری نے راولپنڈی سٹی اور کینٹ میں جاری ترقیاتی کاموںاور تجاوزات کے خاتمے پر حکومت پنجاب اور شہر و کینٹ کی انتطامیہ کے اقدامات کو خراج تحسین پیش کیا اور امید کا اظہار کرتے ہوئے کہا کہ مال روڈ پر جاری ترقیاتی کام مقررہ مدت میں مکمل کر لیا جائیگا، انھوں نے کہا کہ مال روڈ کی بندش کے دوران تاجروں کی کاروباری سرگرمیوں کو بحال رکھنے، کینٹ کی عوام اور مریضوں کو علاج اور ادویات کے حصول میں درپیش مسائل اور تکالیف کو بہتر اور باہمی مشاورت سے حل کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
