میئر کراچی کی ہدایت شبِ برات کے موقع پر فراہمی و نکاسی آب کے انتظامات کیے گئے ہیں
کراچی( )میئر کراچی بیرسٹر مرتضیٰ وہاب کی ہدایت پر عملدرآمد کرتے ہوئے واٹر کارپوریشن نے شبِ برات کے حوالے سے فراہمی و نکاسی آب کے تمام انتظامات مکمل کرلیے اس حوالے سے ایم ڈی واٹر کارپوریشن انجینئر اسداللہ خان کا کہنا تھا کہ شہر بھر میں پانی کی فراہمی بلا تعطل جاری ہے اور قبرستانوں مزاروں عبات گاہوں اور مساجد کے اطراف میں خصوصی انتظامات کرتے ہوئے فراہمی و نکاسی آب کی تمام شکایات کا مکمل خاتمہ کیا گیا ہے
انہوں نے کہا شہر بھر کے تمام قبرستانوں میں پانی فراہم کیا جارہا ہے جبکہ وادی حسین میواہ شاہ عیسیٰ نگری سخی حسن محمد شاہ نیو کراچی لیاقت آباد خاموش کالونی سچل گوٹھ پہلوان گوٹھ کورنگی شاہ فیصل اور ماڈل کالونی کے قبرستانوں میں پانی فراہم کیا گیا ہے اور قبروں کے اوپر پانی ڈالنے کے لیے رات بھر بلا تعطل پانی کی فراہمی جاری رہے گی انکا کہنا تھا کہ قبرستانوں میں پانی فراہم کرنے کے لیے واٹر ٹینکرز کے ذریعے خصوصی انتظامات کیے گئے ہیں اور قبرستانوں کے اطراف میں شہریوں کو پینے کے پانی کی فراہمی کے لیے سبیلیں بھی لگائی گئیں ہیں انہوں نے مزید کہا کہ انچارج ہائیڈرنٹس سیل سید سردار شاہ تمام انتظامات کی خود نگرانی کر رہے ہیں اور فوکل پرسن ٹو ایم ڈی برائے ہائیڈرنٹس سیل شہباز بشیر قبرستانوں اور مساجد میں پانی کی دستیابی کو یقینی بنانے کے لیے آپریشن کی جگہ موجود ہے۔
