کراچی ( اسٹاف رپورٹر )سہراب گوٹھ جمالی پل کے قریب گزشتہ روز گولی لگنے سے جاں بحق ہونیوالے جامعہ کراچی کے ملازم 59سالہ طارق سعید ولد سعید خان کے قتل کا واقعہ پر اسرار ہو گیا، پولیس کی جانب سے بتایا گیا تھا کہ مقتول ڈاکوؤں کی فائرنگ سے ہلاک ہوا ہے تاہم مقتول کے بھائی اختر سعید نے مقدمہ میں موقف اختیار کیا ہے کہ ڈاکوؤں اور پولیس کا مقابلہ ہو رہا تھا کہ اس دوران میرے بھائی کو ایک گولی لگی، دوسری جانب سہراب گوٹھ پولیس کا کہنا ہے کہ واقعہ کے وقت کوئی پولیس مقابلہ نہیں ہوا تھا،مدعی نے مقدمہ میں جو موقف اختیار کرنا چاہا پولیس نے وہی الفاظ لکھے ہیں۔
لانڈھی، مبینہ ڈکیتی مزاحمت کے دوران فائرنگ سے زخمی نوجوان اسپتال میں دم توڑ گیا
کراچی(اسٹاف رپورٹر) لانڈھی میں مبینہ طور پر ڈکیتی مزاحمت کے دوران فائرنگ کے واقعے میں زخمی نوجوان عبداللہ زخموں کی تاب نہ لاتے ہوئے اسپتال میں دوران علاج دم توڑ گیا۔
کراچی ( اسٹاف رپورٹر ) گذشتہ شب یونیورسٹی روڈ موسمیات کے قریب فائرنگ سے ہلاک شخص مبینہ طور پر ڈکیت نکلا۔پولیس کے مطابق ہلاک ڈاکو کی شناخت عدنان کے نام سے ہوئی ہے۔ہلاک ڈاکو کے قبضے سے چھینی گئی موٹر سائیکل ملی ہے،پولیس نے بتایا کہ ہلاک ڈاکو نے موٹر سائیکل ساتھی کے ہمراہ صدر سے چھینی تھی۔ملزم موسمیات کے قریب فلائی اوور پر شہری کو لوٹنے کی کوشش کررہا تھا کہ شہری نے ڈاکوئوں پر فائرنگ کی جس سے ڈاکو عدنان مارا گیا جبکہ اس کا ساتھی فرار ہوگیا۔ہلاک ڈاکو عدنان پر پہلے بھی مقدمات درج ہیں اور اس کا تعلق رحیم یار خان سے ہے۔
