ہمارا وژن شہر میں پانی کی قلت کو دور کرنا ہے


کراچی( )میئر کراچی بیرسٹر مرتضیٰ وہاب نے کہا ہے کہ صدر آصف علی زرداری اور چیئرمین پاکستان پیپلز پارٹی بلاول بھٹو زرداری کے وڑن کے مطابق سندھ حکومت عوام کو بہتر سہولیات فراہم کرنے کے لیے بھرپور اقدامات کر رہی ہے اور سندھ حکومت شہر کے مسائل حل کرنے میں دن رات مصروف ہے کراچی میں سب سے بڑا مسئلہ پانی کی قلت ہے جس سے دور کرنے کے لیے پاکستان پیپلزپارٹی کی اعلیٰ قیادت کی ہدایت اور سندھ حکومت کے تعاون سے بھرپور اقدامات کیے جارہے ہیں کیونکہ ہمارا وژن شہر میں پانی کی قلت کو دور کرنا ہے سندھ حکومت نے کراچی میں پانی کی ضروریات کو پورا کرنے اور نکاسی آب کے نظام کی بہتری کے لیے مختلف منصوبے شروع کیے ہیں جن کے مکمل ہونے سے شہر میں کافی بہتری آئے گی اور سندھ حکومت تمام منصوبوں کی بروقت تکمیل کے لیے پر عزم ہے جبکہ وفاقی حکومت کو چاہیے کہ وہ کے فور منصوبے کو فوری طور پر مکمل کرنے کے لیے تمام فنڈز جاری کرے تاکہ کراچی میں پانی کا مسئلہ جلدی حل ہوسکے ان خیالات کا اظہار میئر کراچی بیرسٹر مرتضیٰ وہاب نے نئی حب کینال کی تعمیر اور پرانی حب کینال کی بحالی کے منصوبے پر جاری کام کا معائنہ کرتے ہوئے کیا دورے کے دوران ایم ڈی واٹر کارپوریشن انجینئر اسداللہ خان اور پروجیکٹ ڈائریکٹر حب کینال سکندر علی سمیت دیگر اعلیٰ حکام انکے ہمراہ تھے

میئر کراچی کا کہنا تھا کہ سندھ حکومت نے کراچی شہر میں پانی کے فوری اضافے کے لیے نئی حب کینال کی تعمیر اور پرانی حب کینال کی بحالی کا منصوبہ شروع کردیا ہے جس پر تیزی سے کام جاری ہے نئی حب کینال کی تعمیر اگست 2025 اور پرانی حب کینال کی بحالی کا منصوبہ دسمبر 2025 تک مکمل کرلیا جائے جائے گا حب کینال منصوبے میں حب پمپنگ اسٹیشن رائزنگ مین اور حب فلٹر پلانٹ کو 80 سے 100 ملین گیلن تک اپگریڈ کیا جائے گا منصوبے کی 12.72 بلین فکس لاگت ہے جو سندھ حکومت خود ادا کر رہی ہے انہوں نے کہا حب کینال منصوبہ مکمل ہونے کے بعد کراچی میں پانی کا مسئلہ کافی حد تک حل ہو جائے گا منصوبے سے ضلع غربی اور کیماڑی میں پانی کی فراہمی میں کافی بہتری آئے گی میئر کراچی نے کہا منصوبے کا بنیادی مقصد کراچی میں پانی کی ترسیل کے نظام کو مزید بہتر اور پائیدار بنانا ہے شہر میں پانی کی قلت کو دور کرنے کے لیے حب کینال منصوبہ انتہائی اہم ہے کیونکہ یہ منصوبہ شہریوں کو پانی کی فراہمی کے نظام کو مزید بہتر اور ان کی ضروریات کو پورا کرنے کے قابل بنائے گا میئر کراچی کا مزید کہنا تھا کہ ہمارا مقصد صرف شہر کی بہتری ہے پاکستان پیپلز پارٹی عوام سے کئے گئے ایک ایک وعدے کو پورا کر رہی ہے اور اس سلسلے میں سندھ حکومت شہر میں سڑکوں اور انفراسٹرکچر کی بحالی سمیت فراہمی و نکاسی آب کے نظام کو مزید بہتر بنانے کے لیے دن رات کوشاں ہے۔