11 فروری 2025
لاہور ()
آل پاکستان چائنیز اوورسیز یوتھ فیڈریشن کے زیر انتظام پاکستان کے فنکاروں کی خدمات کو خراج تحسین پیش کرنے کے لیے الحمراء آرٹ سینٹر میں خصوصی لیجنڈ ایوارڈ تقریب کا انعقاد کیا گیا۔جس کی میزبانی آل پاکستان چائنیز اوورسیز یوتھ فیڈریشن کی صدر عاصمہ اسماعیل بٹ نے کی ، جب کہ تقریب میں مسلم لیگ نواز کی مرکزی رہنما نگہت خان، غلام حسین شاہد،اے این پی پنجاب کے جنرل سیکرٹری امیر بہادر خان ہوتی،نعیم پاشا، گوشی خان،خالدبٹ،شرجیل،شیر میانداد قوال، صدر پی یو جے نعیم حنیف، صدر نیشل لیبر فیڈریشن جماعت اسلامی لاہور ملک عدنان،ٹک ٹاکرنعیم ملک ، چیئرمین پاکستان گلوبل فاؤنڈیشن اوورسیز
ظہیر مہر، طاہرہ شریف ،ارشد ، سلیمان ملک ،نعیم پاشا ،ملک فیصل،کنول نعمان ،ہنی شہزادی اور دیگر نے خصوصی شرکت کی ۔میلوڈی کوئین شاہدہ منی اور گلوکارہ میگھا کی پرفارمنس نے تقریب کو چار چاند لگ دئیے۔آل پاکستان چائنیز اوورسیز یوتھ فیڈریشن کی روح رواں عاصمہ بٹ نے تنظیم کے چیئرمین شجاعت علی مرحوم کی خدمات کو خراج عقیدت پیش کیا ۔ تقریب میں فلم اسٹار شاہد ،ہدایتکار سید نور،سینئر اداکار آصف خان،پرویز کلیم،غلام محی الدین ،راشد محمود ،اچھی خان،صفدر ملک ،مسعود بٹ،کلیم خان،راجو جمیل،فلم اسٹار نغمہ،ہدایتکارہ سنگیتا،دردانہ،رحمنٰ ،امروزیہ،شیبا بٹ،جرار رضوی،نشو بیگم،روبی انعم ،نغمہ نگار خواجہ پرویز مرحوم، موسیقار ذوالفقار علی عطرے مرحوم کو لیجنڈ ایوارڈ سے نوازا گیا۔سینئر صحافی صدر پی ایف یو جے افضل بٹ، صدر لاہور پریس کلب ارشد انصاری،نگہت خان،غلام حسین شاہد،ملک عدنان نے شوبز شخصیات میں ایوارڈ تقسیم کئے۔آرٹسٹ نرمل ،فلک محمود،الماس میگھا، ماہم نے بہترین پرفارم کیا،فلم اسٹار دردانہ رحمنٰ،اداکار آصف خان ،افضل بٹ،نعیم حنیف ،غلام محی الدین ،شاہد ،سید نور ،ارشد انصاری نے عاصمہ بٹ کو شاندار تقریب منعقد کرنے پر مبارکباد پیش کی۔خواجہ پرویز کا ایوارڈ سینئر صحافی مجاہد شیخ نے فلم اسٹار شاہد،سید نور،پرویز کلیم،سنگیتا،غلام محی الدین ،صفدر ملک،مسعود بٹ سے وصول کیا۔ذوالفقار عطرے کے بیٹوں بلاول عطرے اور میثم عطرے کو ہدایتکار سید نور، شاہد ،صفدر ملک، عاصمہ بٹ نے ایوارڈ دیا۔فلم باپ کے ہدایتکار ندیم چیمہ،عمران احمد اور شاعر نعیم وزیر کو گلدستہ پیش کیا ۔غلام حسین شاہد اور نگہت خان نے ہدایتکار سید نور ،فلم اسٹار شاہد ،کلیم خان،شاہدہ منی اور نغمہ بیگم کو ایوارڈ دئیے۔عاصمہ بٹ اور ماجد نذیر نے میزبانی کے فرائض انجام دئیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
11 فروری 2025
اسلام آباد
وفاقی تعلیمی بورڈ کے ممبر بورڈ آف گورنرزکی تعیناتی،من پسند امیدوار کی شکست کاخوف یا کوئی اور وجہ،تین سال سے خالی نشست پر کالجز کا ممبرچننے کے لیے ہونے والے انتخابات ملتوی کردی گئے۔بورڈ کی جانب سے 16 جنوری2025 شیڈول جاری کرنے کے بعد ملک کے تقریبأ1300 سرکاری و نجی کالجز کی نمائندگی کے لیے مختص نشست پرچناؤ میں شرکت کرنے والوں نے الیکشن مہم شروع کردی تھی تاہم ایک ہفتہ قبل ہی یہ انتخابات ملتوی کردیے گئے ہیں۔
ذرائع کے مطابق وفاقی تعلیمی بورڈ میں بورڈ آ ف گورنرز کے لیے سرکاری و نجی کالجز سے لیے جانے والے بورڈ ممبر کا انتخاب جو کہ ہر تین سال باقاعدگی سے ہوتاہے، یہ نشست گزشتہ تین سال سے خالی پڑی ہے، اور فیڈرل بورڈ کے سابق چیئرمین قیصر عالم نے بھی یہ الیکشن نہیں کرائے تھے۔بعد ازاں قائم مقام چیئرمین نے الیکشن کا شیڈول جاری کردیا ،جس کے مطابق 16جنوری کو الیکشن ہونے قرار پائے تھے، تاہم موجودہ چیئرمین نے یہ الیکشن ایک ہفتہ قبل ہی ملتوی کرا دیے ہیں۔ ذرائع کا کہنا ہے کہ ممبر بورڈ آف گورنرز کے لیے الیکشن کا شیڈول جاری ہو گیا تھا اور لوگوں نے انتخابی مہم شروع کردی تھی 1300کے قریب کالجز لیول کے ووٹرز سے ملنا اور ووٹ مانگنے کے لیے جانے پر لاکھوں روپے خرچ ہو چکے ہیں اس کے باوجود ایک ہفتہ قبل ہی الیکشن کے انعقاد سے انکار کرنے کے فیصلہ نے بہت سے سوالات کو جنم دیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
