چیئرمین ناظم آباد ٹاون سید محمد مظفر کی ہدایت پر افسران کا اجلاس

شب برات کے حوالے سے کئے جانے والے انتظامات کاحتمی جائزہ
ناظم آ با د ٹاؤن کے قبرستانوں میں شب برات سے قبل صفائی ستھرائی کا عمل جاری
قبرستانوں،مساجد، امام بارگاہوں کے اطراف اور عوامی اجتماع کی جگہوں پر صفائی کے کاموں کو جلد مکمل کر نے کی ہدایت۔اطہر سعید
ٹاون انتظامیہ کی جانب سے قبرستان آنے والے زائرین کی سہولت کے لئے کیمپس لگائے جائیں گے: نعمان صدیقی
مورخہ: 11،فروری2025
کراچی ( )ناظم آ با د ٹاؤن کے قبرستانوں میں شب برات سے قبل صفائی ستھرائی کا عمل جاری، چیئر مین ناظم آ با د ٹاؤن سید محمد مظفر کی ہدایت پر افسران کا اجلاس،جس کی صدارت وائس چیئر مین نعمان صدیقی،میونسپل کمشنر اطہر سعید نے کی اجلاس میں شب برات کے حوالے سے کئے جانے والے انتظامات کا تفصیلی جائزہ لیا گیا۔اس مو قع پر ڈائریکٹر سینی ٹیشن ظہیر احمد،XENواٹر اینڈ سیوریج بورڈ ظفر ملک،ڈپٹی ڈائریکٹر ایڈمنسٹریشن حماد،سندھ سولڈ ویسٹ منجمنٹ کے فسران و عملہ،یو سی چیئر مینز و وائس چیئر مینز سمیت دیگر متعلقہ افسران بھی موجو د تھے۔ وائس چیئرمین نعمان صدیقی نے قبرستانوں میں کئے جانے والے اقدامات کا جائزہ لیتے ہوئے کہا کہ ماہ شعبان کے آتے ہی ناظم آ با د ٹاؤن کی جانب سے قبرستانوں میں صفائی ستھرائی کا عمل جاری ہیہر سال کی طرح اس سال بھی شب برات کے موقع پر اپنے پیاروں کی قبروں پر فاتحہ خوانی کے لئے آنے والے افراد کو بلدیاتی سہولیات کی فراہمی کے لئے اپنے تمام دستیاب وسائل برؤے کار لارہی ہے اس سلسلے میں ناظم آباد ٹاون کے متعلقہ محکمے شعبان کا چاند نظر آتے ہی ناظم آباد ٹاون میں قائم قبرستانوں میں صفائی ستھرائی اور جھاڑیوں کی چھٹائی سمیت قبرستان آنے والے راستوں کی صفائی ستھرائی،گڑھوں کی بھرائی،استرکاری اور روشنی کے بھر پور انتظامات کو ممکن بنانے کے لئے شب وروزمصروف ہے۔انہوں نے متعلقہ محکموں کے افسران کو ہدایت دیتے ہوئے کہا کہ مساجد، امام بارگاہوں، قبرستانوں اور روحانی محافل کے اجتماعات کی جگہوں پر صفائی ستھرائی اور روشنی کے خصوصی انتظامات کئے جائیں،اس موقع پر میونسپل کمشنر اطہر سعید نے کہا کہ قبرستان پرعوام کی سہولت کے لئے کیمپس قائم کئے جائیں گے جہاں عوام کی تواضع ٹھنڈے پانی اور مشروبات سے کی جائے گی، ان کیمپس پر میڈیکل ٹیم کا عملہ طبی امدا کی فراہمی کے حوالے سے موجود ہوگا، ساتھ ہی ریسکیو کا عملہ کسی بھی قسم کی
نا خوشگوار صورتحال سے نمٹنے اورٹریفک کی روانی کو بحال رکھنے کے فرائض انجام دے گا۔
جاری کردہ
فہیم مصطفی
ڈائریکٹر انفارمیشن
ناظم آباد ٹاون