پنجاب پیرا میڈیکل سٹاف ایسوسی ایشن کی جانب سے گزشتہ روز سروسز ہسپتال کے نئے ایم ایس ایڈمن ڈاکٹر خالد حسین، صوبائی صدر پنجاب پیرا میڈیکس محمد ارشد بٹ اور ریٹائرڈ ہونے والے سینئر کلرک مقصود الٰہی کے اعزاز میں ظہرانہ دیا گیا۔ جس میں صوبائی صدر پنجاب پیرا میڈیکس محمد ارشد بٹ، اے ایم ایس ایڈمن ڈاکٹر خالد حسین، اے ایم ایس ڈاکٹر قذافی، اے ایم ایس سیکیورٹی ڈاکٹر ساجد حسین ، میاں ارشاد، سپرنٹنڈنٹ اجمل بخاری، راشد محمود، راشد گجر، اکبر علی، چودھری وسیم، وقار ، محمد عثمان، فیصل جارج، مرزا شہباز، یونس اعوان، عامر مسیح، رفیق سہوترا ،شیر افگن، جاوید احمد و دیگر ملازمین کی بڑی تعداد نے شرکت کی۔ اس موقع پر ڈاکٹر خالد حسین کو بطور اے ایم ایس ایڈمن تعیناتی ، محمد ارشد بٹ کو دوبارہ واپسی اور صوبائی صدر پنجاب پیرا میڈیکل ایسوسی ایشن برقرار رہنے پر مبارکباد دی گئی ۔ محمد ارشد بٹ کوسرکاری ہسپتالوں کے ملازمین کے حقوق کے لئے انکی جدوجہد اور خدمات پر خراج تحسین پیش کیا گیا جبکہ سینئر کلرک مقصود الٰہی کی شعبہ نرسنگ کے لئے گرانقدر خدمات کو سراتے ہوئے کہاکہ مقصود الٰہی نے اپنی پوری سروس نہایت ایمانداری اور فرض شناسی کے ساتھ سرانجام دی۔قبل ازیں مہمانان خصوصی کا پھولوں کے ہار پہنا کر شاندار استقبال کیا گیا اور گلدستے پیش کئے گئے.
