بہاولپور (محمد عمر فاروق خان) سیکورٹی ایکسچینج کونسل اف پاکستان نے حکومت پاکستان فنانس ڈویژن کے جاری کردہ نوٹیفکین اور انتباہ کے باوجود میڈیا میں جاری خبروں کے مطابق تین عدد لینڈنگ(قرضہ ایپلیکیشنز) کولائیسنس جاری کیے ہیں جبکہ ایس ای سی پی کی ویب سائٹ پر موجود ان ایپلیکیشنز کی تعداد ذیادہ ہے۔ ایس ای سی پی نے ان ایپلیکیشنز کو لائسنس جاری کرکے پاکستانی عوام پر شدید ظلم کیا ہے ۔ یہ ایپ نہ صرف عوام کا ڈیٹا نکال لیتی ہیں ستم یہ کہ یہ معمولی رقم کئی گنا ذیادہ سود پرچند دنوں کے لیے مہیا کرتی ہیں جو کہ سٹیٹ بنک کی پالیسی کے بالکل منافی ہے اور یہ ڈیو ڈیٹ سے قبل ہی یہ عوام کو پریشان کرنا شروع کردیتے ہیں ۔راتوں رات امیر ہونے اور عوام کو بدحالی کی طرف دھکیلنے کے چکر میں یہ نام نہاد کمپنیوں کے مالکان اندھے ہوے بیٹھے ہیں اور ان کی بدمعاشی اس حد تک بڑھ چکی ہے کہ جیسے یہ پاکستان کے شیڈولڈ بینکس سے بھی ذیادہ معتبر اور ملک کی معیشت کو کاندھوں پر اٹھائے کھڑے ہیں ان کے پیچھے پورا مافیا کام کر رہا ہے ۔ ایس ای سی پی اور حکومت
نے عوام کو ان کے رحم وکرم پر چھوڑ دیا ہے یاد رہے ان قرضہ ایپس سے لون لینے پر اور ان کی بدمعاشی کی وجہ سے کئی لوگ اپنی ذندگی ہار بیٹھے ہیں ۔ شعاع ویلفیئر آرگنائزیشن کے صدر سردار ابرار حسین خان ڈاہر ایڈووکٹ سپریم کورٹ نے میڈیا سے بات کرتے ہوے کہا کہ وہ اس سلسلے میں پہلے سٹیٹ بنک کو لیٹر بھیجیں گے کوئی کارروائی نہ ہوئی تو اس مسلئے پر عدالت سے رجوع کیا جائے گا ۔ عوام کو اس طرح ان کے ظلم کا نشانہ نہیں بننے دیا جائے گا۔
