چیئرمین لیا قت آ با د ٹاؤن فراز حسیب کا مختلف یوسیز کا دورہ۔ شاہراہوں کی خوبصورتی میں اضافے اور عوام کوصحت مند ماحول کی فراہمی کو ممکن بنا رہے ہیں:فراز حسیب

پریس ریلیز
مورخہ29 /جنوری2025ء
کراچی( ) لیا قت آ با دکی عوام کو خوشگوارماحول فراہم کرنے کیلئے لیا قت آ با د ٹاون کی انتظامیہ شب و روز کوشاں ہے،شاہراہوں کی خوبصورتی میں اضافے اور عوام کوصحت مند ماحول کی فراہمی کو ممکن بنا رہے ہیں۔ان خیالات کا اظہار چیئرمین فراز حسیب نے یو نین کمیٹی نمبر 6اور 4ڈاکحانہ کی گلیوں میں جاری پیور بلاکس کی مدد سے پختہ کرنے کے کام کا معائنہ کرتے ہوئے کیا۔اس موقع پر وائس چیئر مین اسحاق تیموری،کورڈینیٹر صغیر احمد، ڈئریکٹر پارکس ریحان ہمدانی،ایکس ای این B&Rقمر ودیگر افسران بھی موجو دتھے۔ چیئرمین نے کہا کہ لیاقت آباد ٹاون کی تباہ حال سڑکوں اور گلیوں کو تعمیر و مرمت کر کے بحال کیا جارہا ہے، دستیاب وسائل میں منصفانہ بنیادوں پرعوام کو ذیادہ سے ذیادہ بلدیاتی سہولیات فراہم کرنے کی کوشش کر رہے ہیں، فراز حسیب نے متعلقہ عملے کوہدایت دیتے ہوئے کہا کہ گلیوں کو پختہ کرنے کے لئے میٹریل کا خاص خیال رکھتے ہوئے معیاری میٹریل استعمال کیا جائے تاکہ مظبوط پائیدارگلیوں اور راہ گزر کی تعمیر کی جاسکے۔ اور عوام لمبے عرصے تک ان سے استفادہ حاصل کر سکیں۔دوسری جانب چیئر مین فراز حسیب نے ڈاکحانہ سے آخری اسٹاپ تک گرین بیلٹس کی تعمیر کے حوالے سے دورہ کیا، چیئر مین نے متعلقہ افسران کو کام کی رفتار تیز کرنے کی ہدایت دیتے ہوئے کہا کہ گرین بیلٹ کی تزین و آرائش کا کام جلد از جلد مکمل کیا جائے تاکہ عوام کو خوشگواراور صحت مند ماحول کی فراہمی ممکن ہوسکے،انہوں نے کہا کہ لیا قت آ با دٹاون کی تمام گرین بیلٹس کو خوشنما بنانے کیلئے ٹاون کی نرسریز میں تیار کئے گئے نایاب نسل کے پھول دار پودے لگائے جائیں۔ واضع رہے کہ لیا قت آ با د ٹاون کی انتظامیہ بہترین حکمت عملی کے تحت ٹاون کی مختلف یونین کمیٹیوں میں مرحلہ وار ترقیاتی کام سر انجام دے رہی ہے جن میں صفائی ستھرائی، سڑکوں کی استر کاری کے ساتھ فٹ پاتھوں پر رنگ و روغن اور گرین بیلٹس پر خوشنما اور پھولدار پودے لگانے کاکام تیزی سے جاری ہے۔بعد ازاں چیئرمین فراز حسیب نے ڈاکخانہ لیاقت آ باد میٹرنٹی ہوم وڈسپنسری کا دورہ کیا اور وہاں جاری ترقیاتی کام کا جائزہ لیا۔
فہیم مصطفی
ڈائریکٹر انفارمیشن
لیاقت آباد ٹاون