علیگڑھ انسٹیٹیوٹ علم کی روشنی سے منور
علیگڑھ انسٹیٹیوٹ آف ٹیکنالوجی (AIT) میں سینئر علیگیرین اور بین الاقوامی شہرت یافتہ استاد محترم حنیف خان صاحب نے اپنی علمی روشنی سے انسٹیٹیوٹ کو منور کر دیا۔
محترم حنیف خان، جو علیگڑھ مسلم یونیورسٹی انڈیا کے فارغ التحصیل ہیں، کئی ممالک میں انگریزی کے استاد کی حیثیت سے خدمات انجام دے چکے ہیں۔ علیگڑھ انسٹیٹیوٹ کی خوش قسمتی ہے کہ وہ یہاں کے طلبہ کو انگریزی زبان کی مہارتوں سے آراستہ کرنے کے لیے سرگرم ہیں، تاکہ وہ بین الاقوامی سطح پر اپنی شناخت قائم کر سکیں۔
محترم حنیف خان صاحب کے مطابق، تکنیکی علوم کے طلباء کے لیے درسی کتابوں میں موجود انگریزی مضامین کافی نہیں، بلکہ عملی اور تخلیقی انداز میں زبان پر عبور حاصل کرنا ضروری ہے۔ ان کا ماننا ہے کہ علیگڑھ انسٹیٹیوٹ کے فارغ التحصیل طلباء کو دنیا کے کسی بھی ادارے میں نمایاں مقام حاصل ہونا چاہیے، کیونکہ یہی سرسید احمد خان کا خواب تھا۔
وہ علیگڑھ میں طلباء کو لائبریری میں موجود سرسید احمد خان اور دیگر مفکرین کے نظریات سے روشناس کراتے ہیں، تاکہ وہ نہ صرف تعلیم بلکہ اپنی عملی زندگی میں بھی ان اصولوں کو اپنائیں
حنیف خان صاحب جیسے استاد نہ صرف علیگڑھ کے لیے بلکہ ملک کے لیے قیمتی اثاثہ ہیں جنہوں نے اپنی پوری زندگی ملک کے معماروں کے لیے وقف کر دی ہے ۔
علیگڑھ انسٹیٹیوٹ اپنی اقدار کو قائم رکھتے ہوئے طلبہ کو مسلسل نت نئی علمی روشنی سے متعرف کروا رہا ہے جو اسے دیگر تعلیمی اداروں سے ممتاز بناتا ہے۔
میڈیا کوآرڈینیٹر AIT
