اٹک ( مہتاب منیرخان سے)صدر پی ایف یو جے افضل بٹ کی کال پر ملک گیر احتجاج کے سلسلہ میں میڈیا کے کالے قانون پیکا کو مسترد کرتےہوئے اٹک کے تاریخی فوارہ چوک اٹک میں تحریک آزادی صحافت کے آغاز پر اٹک پر یس کلب رجسٹرڈ ، پاکستان جرنلسٹ ایسوسی ایشن اٹک ، الیکٹرونک میڈیا ایسوسی ایشن اٹک اورریجنل یونین آف جرنلسٹس پاکستان اٹک کے زیر اہتمام احتجاج کیا جس کی قیادت چرنومین اٹک پر یس کلب رجسٹرڈ ندیم رضا خان ،بانی چرشنمین الیکٹرونک میڈیا ایسوسی ایشن اٹک لالہ محمد صدیق ، ضلعی صدر پاکستان جرنلسٹ ایسوسی ایشن اٹک طارق محمود ، ضلعی صدرریجنل یونین آف جرنلسٹس پاکستان اٹک شہزاد انجم بٹ نے کی،احتجاج سے ندیم رضا خان ، شہزاد انجم بٹ ،جنرل سیکرٹر ی الیکٹرونک میڈیا ایسوسی ایشن اٹک لیاقت عمر اور سینئر صحافی جاوید کشمیری نے خطاب کیا ، احتجاج میں سینئر صحافیوں فہیم نعمت خٹک،ملک کامران اختر،ملک نوید ممتاز ،جاوید خان ، مہتاب منیر خان ، محمدسعید صدیقی ،راشد اویس ،حر عباس اور دیگر نے شرکت کی ،صحافیوں نے اپنے مطالبات کے حق اور پیکا قانون ،حکومت کے خلاف نعرہ بازی کی ، صحافیوں نے خطاب کرتے ہوئے کہا کہ اس قانون سے بانی چراشمین پی پی پی ذوالفقار علی بھٹو شہید کی روح بھی تڑپ اٹھی ہوگی اور قائد مسلم لیگ(ن) محمد نواز شریف کی خاموشی معنی خیز ہے ،تحریک کے آخری مرحلے میں پارلیمنٹ ہاوس کے باہر صدر پی ایف یو جے افضل بٹ کی قیادت میں اٹک کے صحافی دھرنا دیں گے، ہم پیکا کے کالے قانون کو یکسر مسترد کرتے ہیں حکومت سمجھتی ہے کہ دھونس دھاندلی کے ذریعے میڈیا کو بلڈوز کر لے گی لیکن یہ ان کی بھول ہے، تحریک آزادی صحافت کے اگلے مرحلے میں اٹک کی وکلاء برادری، سول سوسائٹی، انسانی حقوق کمیشن اور دیگر شعبہ زندگی کوتحریک میں شمولیت کی دعوت دیں گےجس کے بعد ٹریڈ یوننیز کو بھی تحریک میں شامل کیا جائے گا ،اگر پھر بھی ہمارے مطالبات نہ مانے گئے تو اٹک میں تمام جماعتوںکی آل پارٹیز کانفرنس بلائیں گےاورآخری کال پارلیمنٹ ہاوس کے باہر دھرنے کی ہو گی،صحافیوں نے میڈیا پر پابندیوں کے کالے قانون کو تاریخ کابد ترین قانون قرار دیا،احتجاج کا دائرہ کار حضرو، فتح جنگ، پنڈی گھیب ، حسن ابدال ،کامرہ کینٹ ، کھوڑ، جنڈ تک پھیل گیا۔
اٹک (مہتاپ منیر خان سے)نہم کلاس کے بچے کے ساتھ بدفعلی کر کے ویڈیو بنانے والا ملزم گرفتار، تفصیلات کے مطابق محمد ارشاد ولد محمد صادق سکنہ تراپ نے تھانہ انجراء میں ایف آئی آر درج کرائی ہے کہ محمد شاہزیب ولد محمد زاہد میرا حقیقی بھانجا ہے جو کہ نہم کلاس کا طالب علم ہے میرے بھانجے نے بتایا کہ سکول سے چھٹی کر کے واپس آیا تو حسب معمول بکریاں چرانے کے لیے گھر کے قریب جنگل میں گیا اسی دوران ابرار احمد ولد عبدالغفار سکنہ تراپ جنڈ اور ایک نامعلوم شخص میرے پاس آئے اور پسٹل دکھا کر ڈرا دھمکا کر بدفعلی کی،جبکہ اسی دوران نامعلوم شخص نے ابرار کے موبائل سے میری ویڈیو بنائی ،بدفعلی کے بعد دونوں نے مجھے ڈرایا دھمکایا کہ گھر میں کسی کو بتایا یا ہمارے خلاف کاروائی کی تو ویڈیو وائرل کر دیں گٓے، پولیس نے مقدمہ درج کر کے ملزم ابرار احمد کو گرفتار کر لیا ہے ۔
اٹک ( مہتاب منیر خان سے)بھابھی کو زدوکوب کر کے عفت میں خلل ڈالنے والا ملزم گرفتار، تفصیلات کے زوجہ محمد فیاض نے تھانہ فتح جنگ میں ایف آئی آر درج کرائی ہے کہ میرا دیور کاشف ولد محمد تاج سکنہ فتح جنگ جو کہ آئے روز میرے ساتھ توں تکرار کرتا رہتا ہے مجھے تنگ و پریشان کرتا ہے، میری ساس اور دیورانی لڑائی جھگڑا کر رہی تھیں کہ میرا خاوند خاموش کرانے کے لیے پاس گیا کہ میرے دیور نے مجھے بالوں سے پکڑ کر گھسیٹتے ہوئے اپنے کمرے میں لے گیا اور لاتوں مکوں سے مجھے مارا پیٹا جس سے میں زخمی ہو گئی،تھانہ فتح جنگ پولیس نے مقدمہ درج کر کے ملزم کاشف کو گرفتار کر لیا۔
===================
اٹک (مہتاب منیر خان سے)پشاور ہائیکورٹ سے اومنی ضمانت ہونے کے باوجود ڈی پی او اٹک سردار غیاث گل خان کی خصوصی ہدایت پر ایس ایچ او اٹک سٹی ملک مجاہد عباس کی زیر نگرانی اٹک پولیس کی بھاری نفری نے چوہدری شجاعت حسین ،چوہدری پرویز الہیٰ کی بھانجی ،پنجاب کی معروف عسکری شخصیت ،سابق رکن قومی اسمبلی و سابق امیدوار پی ٹی آئی حلقہ این اے 49 میجر طاہر صادق کی صاحبزادی سابق امیدوار قومی اسمبلی محترمہ انبساط طاہر صادق کوضمانت کے باوجود اسلام آباد میں ان کی رہائش گاہ سے گرفتار کرکے گھر میں توڑ پھوڑ،اور بچوں کو ہراساں بھی کیا گیا ،بعدازاں انہیں اسلام آباد پولیس کے متعلقہ تھانے لے جایا گیا اور وہاں پشاور ہائیکورٹ کے احکامات دکھانے پر پولیس نے انہیں چھوڑ دیا ان کی گرفتاری کی خبر پاکستان سمیت دنیا بھر میں جنگل میں آگ کی طرح پھیل گئی ، تحریک انصاف کے مرکزی میڈیا سیل کی جانب سے جاری کردہ پریس ریلز کے مطابق پنجاب پر مسلط جعلی وزیراعلی اور اس کے ہینڈلرز کی فسطائیت جاری, اٹک سے رہنما تحریک انصاف میجر ریٹائرڈ طاہر صادق کی بیٹی انبساط کو پولیس نے گھر سے گرفتار کرلیا،سابق رکن قومی اسمبلی و سابق چیئر پرسن سابق امیدوار پی ٹی آئی حلقہ این اے 50 محترمہ ایمان طاہرنے اس گرفتاری کی شدید الفاظ میں مذمت کرتے ہوئے کہا کہ بانی پی ٹی آئی سابق وزیر اعظم عمران خان کے ساتھ کھڑے رہنے کیلئے ہم نے اور ہمارے خاندان نے پہلے بھی سب ظلم، جبر، فسطائیت، برداشت کی اب بھی کرینگے، نہ پہلے ڈرے، نہ جھکے ،نہ بکے، نہ اب کوئی ہمیں جھکا سکتا ہے اللّہ کے فضل و کرم سے ان فضول چھاپوں سے آپ کو کوئی فائدہ نہ پہلے حاصل ہوا اور نہ اب ہوگا،انکی ہمشیرہ انبساط طاہر صادق کا سیاست سے کوئی تعلق نہیں، پھر بھی پشاور ہائیکورٹ کی اومنی ضمانت کے باوجود گرفتار کیا گیا، اس سے پہلے ایف آئی آرز دیں، گھروں پر ریڈ بھی جاری ہیں، وقت گزر جائے گا لیکن چہرے یاد ہیں، کچھ بھی نہیں بھولے گا، ہم جہاں ہیں وہیں ہیں،میڈیا سے بات چیت کرتے ہوئے محترمہ انبساط طاہر صادق نے کہا کہ ان کے والد میجر طاہر صادق ،ہمشیرہ ایمان طاہر صادق اور بھائی محمد زین الہی عمران خان کے ساتھ چٹان کی طرح کھڑے تھے ،کھڑے ہیں اور اللہ کے فضل و کرم سے کھڑے رہیں گے ان سمیت میجر طاہر صادق کے تمام گھرانے کو نہ کوئی پہلے ڈر اور خوف تھا اور نہ اب ہے ، ان کی پشاور ہائیکورٹ سے اومنی ضمانت موجود ہے اور اگر خدانخواستہ نہ بھی ہوئی ہوتی تو کوئی مسئلہ نہیں ،پی ٹی آئی اور میجر گروپ کے ہزاروں بے گناہ رہنما اور کارکنان جیلوں میں اسیر ہیں یا ضمانتوں پر ہیں اب ہمیں بھی تھانے کچہری اور جیل کا کوئی ڈر خوف نہیں اللہ کے علاوہ کسی کا ڈر بھی نہیں قانون کو اپنے ہاتھ میں لینے والے اور اٹک سمیت پنجاب ہر اضلاع میں پولیس کو اپنے مذموم مقاصد کے لئے استعمال کرنے والے کے پاس نہ تو عقل ہے نہ شعور اور نہ ہی انہیں کسی ماں ،بہن ،بیٹی کی عزت اور حرمت کا پاس ہے ، ان کے اور ان کے خاندان کے خلاف درج ہونے والے 26 نومبر کے مقدمات جھوٹے بے بنیاد اور حقائق کے منافی ہیں وہ دھرنامیں موجود نہیں تھیں ،انکے والد میجر طاہر صادق امریکہ میں علاج کے سلسلے میں مقیم ہیں ان سمیت خاندان کے تمام افراد کو ان مقدمات میں ملوث کر دیا اللہ تعالی ان کو ہدایت دے اور جو اٹک میں تعینات افسران اپنی حدود سے تجاوز آئین اور قانون کو جوتی کی نوک پر رکھ رہے ہیں یہ دن بھی گزر جائیں گے ۔
========
اٹک (مہتاب منیر خان سے )اٹک کے عوامی اور سماجی حلقوں نے ڈسٹرکٹ ہیڈ کوارٹر ہسپتال اٹک میں تعینات لیڈی ڈنٹیل سرجن لبنیٰ کوثر جو مریضوں کی مکمل دیکھ بھال کرکے علاج کر رہی ہیں ،وہ دانتوں کی صفائی سے لے کرروٹ کنیال،دانتوں کے نکالنے کے سارے عمل کی خودنگرانی کرتی ہیں ،تمام دانتوں کے مرض میں مبتلا مر د و خواتین ان کے شفٹ میں ہی چیک اپ کرانے کو ترجیح دیتے ہیں ،کیونکہ تسلی سے مکمل چیک اپ کرکے ہی مریض کا علاج کرتی ہیں جس پر مریض انتہائی مطمئن ہوتے ہیں ، مریضوں نے بتایا کہ ڈاکٹر لبنی کی تعیناتی سے نہ صرف محکمہ صحت کے وقار میں اضافہ باعث بلکہ دانتوں کے مریض پرائیویٹ ہسپتالوں میں ہزاروں روپے خرچ کرنے سے بچ گئے ہیں اور تسلی بخش علاج سے مستفید بھی ہو رہے ہیں ۔
====================
اٹک (مہتاب منیرخان سے)وزیراعلی پنجاب کے ویژن کے مطابق آئی جی پنجاب کی ہدایت پر ڈی پی او ڈاکٹر سردارغیاث گل خان 25 جنوری بروز ہفتہ صبح گیارہ بجے صدراٹک میں کھلی کچہری اور بعد ازاں دن دو بجے تھانہ سٹی حسن ابدال میں کھلی کچہری لگائیں گے جس میں شہری اپنے مسائل اور شکایات کے حل کے لیے تحریری اور زبانی طور پر اپنی شکایات درج کرا سکتے ہیں۔
اٹک(مہتاب منیرخان سے )سگی ماں کو چھری دکھا کر جان سے مارنے کی دھمکیاں دینے والا ناحلف بیٹا گرفتار، تفصیلات کے مطابق مسماۃ (ک) زوجہ مشتاق احمد نے تھانہ فتح جنگ میں ایف آئی آر درج کرائی ہےکہ میرا بیٹا شعیب شہزاد مجھے ہر وقت مارتا پیٹتا ہے 18 جنوری کو مجھے مارنا پیٹنا شروع کر دیا اور مجھ پر چھری تان لی اور مجھے جان سے مارنے کی دھمکیاں دیں جو مجھے میرے داماد نے بچایا ، پولیس نے مقدمہ درج کر کے ملزم شعیب شہزاد ولد مشتاق احمد سکنہ محلہ صادق آباد فتح جنگ کو گرفتار کر لیا ہے ۔
