واٹر کارپوریشن ملازمین کے مسائل حل کرنا اور انہیں بہتر سہولیات فراہم کرنا ہماری اولین ترجیحات میں شامل ہے اور اس ضمن میں انتظامیہ کی جانب سے مؤثر اقدامات کیے جائیں گے

ایم ڈی واٹر کارپوریشن انجینئر اسداللہ خان سے پیپلز لیبر بیورو کراچی کا وفد ملاقات کر رہا ہے

کراچی( )واٹر کارپوریشن ملازمین کے مسائل حل کرنا اور انہیں بہتر سہولیات فراہم کرنا ہماری اولین ترجیحات میں شامل ہے اور اس ضمن میں انتظامیہ کی جانب سے مؤثر اقدامات کیے جائیں گے اگلے ماہ سے ریٹائرڈ ملازمین کے واجبات کی مزید ادائیگیاں شروع کی جائیں گی اور 1 سے 15 گریڈ تک سینئر ملازمین کو اگلے گریڈ میں ترقی دینے کے لیے ڈپارٹمنٹل پروموشن کمیٹی جلد تشکیل دی جائے گی ان خیالات کا اظہار ایم ڈی واٹر کارپوریشن انجینئر اسداللہ خان نے صدر پیپلز لیبر بیورو کراچی ڈویژن اسلم سموں کی قیادت میں آنے والے وفد سے ملاقات کے دوران کیا اس موقع پر جنرل سیکرٹری پیپلز لیبر بیورو کراچی امین بلوچ ڈی ایم ڈی ایچ آر محمد ثاقب اور صدر انجینئرز و آفیسرز ایسوسی ایشن ندیم کرمانی موجود تھے وفد نے ایم ڈی واٹر کارپوریشن کو ملازمین کے مختلف مسائل سے اگاہ کرتے ہوئے کہا کہ تمام مسائل ترجیحی بنیادوں پر حل کیے جائیں انکا مزید کہنا تھا کہ ریٹائرڈ ملازمین کے واجبات اور پینل پر موجود ہسپتالوں کی فوری ادائیگیاں کی جائیں ایم ڈی واٹر کارپوریشن نے وفد کو تمام مسائل جلد حل کرنے کی مکمل یقین دھانی کروائی۔