17 دسمبر 2024
راولپنڈی
ڈولفن کمیونیکیشن اور مائیلز سٹون کی مشترکہ کاوشوں سے راولپنڈی پریس کلب میں کرسمس کے موقع پر مسیحی برادری کے ساتھ اظہار یک جہتی کے لئے ایک شاندار تقریب کا اہتمام کیا گیا۔مسیحی برادری کے لیے بہترین تقریب کے انعقاد میں اسلام آباد نیشنل پریس کلب اور دیگر تنظیموں کا تعاون شامل حال رہا۔اس موقع پر ڈولفن کمیونیکیشن کی چئیرپرسن محترمہ عاصمہ بٹ اور مائیلز سٹون کے ڈائیریکٹر محمد حسین نے چھ سو سے زائد مسیحی خاندانوں میں تحائف تقسیم کیے،جب کہ مسیحی برادری اور بالخصوص ان کے بچوں کے لیے رنگا رنگ تقریب بھی منعقد کی گئی۔ مہندی،چوڑیوں،ملبوسات کے سٹالز بھی لگائے گئے ،میجک شو سے بچے خوب محضوظ ہوئے اور انھوں نے دل کھول کر عاصمہ بٹ کی مسیحی برادری کے لیے انجام دی گئی کاوشوں کو بے حد سراہا۔اس موقع پر ڈولفن کمیونیکیشن کی چیئرپرسن محترمہ عاصمہ بٹ کا کہنا تھا کہ پاکستان ایک مسلم ریاست ہے۔جو بھائی چارہ کا درس دیتی ہے۔اس تقریب کے توسط سے یہ پیغام دوں گی کہ ہمارے پاکستان میں مذہبی تفریق نہیں پائی جاتی۔ہم اقلیتوں کے ساتھ مل کر چلنے والی قوم ہیں۔ہم نے ہمیشہ اپنے عمل سے یہ ثابت بھی کیا ہے کہ پاکستان پیار ،محبت اور امن کا گہوارہ ہے۔عاصمہ بٹ کا کہنا تھا کہ معذور افراد پر ترس کھانے کے بجائے ان کا حوصلہ بنیں۔عاصمہ بٹ نے صدر پاکستان یونین آف جرنلسٹس افضل بٹ،صدر نیشنل پریس کلب اظہر جتوئی، ایس ایس پی سٹی پولیس راجہ حسیب , لیڈیز پولیس افسران اور دیگر مہمانوں کی آمد پر ان کا شکریہ ادا کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
