لاڑکانہ: نیشنل ڈس ایبلٹی اینڈ ڈوالپمنٹ فورم (این ڈی ایف) نے ڈپارٹمینٹ آف ایمپاور مینٹ آف پرسنز وتھ ڈس ایبلٹیز حکومت سندھ، نیشنل ڈس ایبلٹی الائنس اور ایج ڈس ایبلٹی اینڈ ڈائیورسٹی ٹاسک فورس کے تعاون سے 3 دسمبر عالمی یوم افراد باہم معذوری کے سلسلے میں ایک تقریب این ڈی ایف ری ہیبلیٹیشن سینٹر لاڑکانہ میں انعقاد کیا۔ اس موقع پر این ڈی ایف کے صدر عابد لاشاری نے کہا کہ یہ دن معذور بچوں کی پوشیدہ صلاحیتوں کو اجاگر کرنے کے لئے منایا جاتا ہے اور یہ دن اس طبقے کی اہمیت کو اجاگر کرتا ہے۔ معذور افراد مختلف نہیں ہیں بلکہ معاشرے کا برابر حصہ ہیں، انہیں ہر سطح پر حوصلہ افزائی کی جانی چاہیے۔عابد لاشاری نے مزید کہا کہ این ڈی ایف لاڑکانہ میں ریھیبلیٹیشن سینٹر میں جامع زندگی کی تھراپی خدمات فراہم کرتا ہے جن میں فزیوتھراپی، اسپیچ تھراپی، آکیوپیشنل تھراپی اور سائیکو تھراپی شامل ہیں۔ سینٹر پر تھراپی حاصل کرنے والے بچوں کے والدین نے
این ڈی ایف ری ہیبلیٹیشن سینٹر کی جانب سے فراہم کی جانے والی مفت بحالی معاونت پر شکریہ ادا کیا جو DEPD حکومت سندھ کے تعاون سے فراہم کی جا رہی ہے۔ اس موقع پر سعید جتوئی، ڈپٹی ڈائریکٹر DEPD حکومت سندھ نے این ڈی ایف پاکستان کی کاوشوں اور محنت کی تعریف کی اور محکمہ کے ایک فعال خدمت فراہم کرنے والے اور قابل اعتماد شراکت دار کے طور پر این ڈی ایف کی اہمیت کو اجاگر کیا۔ انہوں نے سندھ حکومت کے معذوری سے متعلق زندگیوں کو بہتر بنانے کے اقدامات کی حمایت کی تصدیق کی۔طارق حسین چنڑ، پروگرام منیجر این ڈی ایف نے سندھ حکومت کی جامع وژن کی اہمیت کو اجاگر کیا، جس میں معذوری کو ترقیاتی ایجنڈے میں شامل کیا گیا ہے۔ “این ڈی ایف لاڑکانہ سینٹر میں مفت بحالی خدمات کو یقینی بنانے کے لئے کوشاں ہے۔” انہوں نے کہا، “اگرچہ معذوری کا مکمل علاج ممکن نہیں، لیکن مستقل بحالی کی کوششوں کے ذریعے اسے مؤثر طریقے سے منظم کیا جا سکتا ہے۔” اس سیمینار نے سندھ حکومت کے معذوری کے حامل افراد کو بااختیار بنانے اور این ڈی ایف جیسے اداروں کے ساتھ شراکت داری کو مضبوط کرنے کے عزم کو اجاگر کیا تاکہ سب کے لئے قابل رسائی اور معیاری خدمات فراہم کی جا سکیں
