25 نومبر 2024
عمران خان کی کال پر برطانوی ریاست نارتھ آئرلینڈ میں بھی احتجاجی مظاہرہ کیا گیا
تمام ورکرزکو رہا کیا جائےعمران شہزاد، آخری سانس تک بانی کے ساتھ کھڑے ہیں یاسین فاروق
نارتھ آئرلینڈ(مجاہد حسین وسیر) بانی پی ٹی آئی کی طرف سے 24 نومبر کو احتجاجی کال پر پاکستان بھر کی طرح دوسرے ممالک میں مقیم پاکستانی کمیونٹی کے تحریک انصاف سے وابسطہ لیڈرز کی زیر قیادت برطانیہ بھر میں مظاہرین نے شرکت کی۔ برطانوی ریاست نارتھ آئر لینڈ کے شہر بیلفاسٹ میں بھی سٹی ہال کے سامنے احتجاجی مظاہرہ کیا گیا جس میں فوکل پرسن عمران شہزاد چیمہ کا کہنا تھا پاکستان میں رہنے والے پاکستانی اور بیرون ملک مقیم پاکستانی عمران خان سے والہانہ پیار کرتے ہیں مگر اس حکومت نے پی ٹی آئی کے کارکنوں کے گھروں پر چھاپے مار کر ان کے اندر خوف و ہراس پیدا کر دیا ہے جس کی وجہ سے اب لوگ گھروں سے نکلتے ہوئے ڈرتے ہیں اس سب کے باوجود عمران خان کی ایک کال پر عوام کی اکثریت سڑکوں پر نکل آتی ہے۔
عمران شہزاد چیمہ کا مزید کہنا تھا کہ میرے دو بھائیوں کے بچے احتجاج میں شرکت کرنے پر نا حق پابند سلاسل ہیں لیکن اس سب کے باوجود ہم پورے برطانیہ میں کہیں بھی احتجاج ہو تو بھر پور انداز میں شرکت کرتے ہیں کیوں کہ ہم نے خوف کے بت توڑ دئیے ہیں۔یاسین فاروق کا کہنا تھا اس وقت ملک میں آئین و قانون کی حکمرانی کہیں نظر نہیں آ رہی ، انسانی حقوق کی سنگین خلاف ورزیاں ہو رہی ہیں جن کا عالمی برادری کو فی الفور نوٹس لینا چاہیے۔عمران خان پر تمام مقدمات بے بنیاد ہیں جن کی ہم بھر بور مذمت کرتے ہیں اور پاکستان کی اعلی عدلیہ سے گزارش کرتے ہیں کہ تمام مقدمات کو میرٹ کو مد نظر رکھتے ہوئے عمران خان کو رہا کیا جائے۔ہمیں ایک ذمے دار شہری بن کر پاکستان کی خاطر باہر نکلنا ہو گا تاکہ ہم اپنی آنے والی نسلوں کو ایک محفوظ اور مضبوط پاکستان دے سکیں
