اسلام آباد
فیڈرل بورڈ کے بی او جی (کالج لیول) کے انتخابات میں آل پاکستان پرائیویٹ سکولز اینڈ کالجز ایسوسی ایشن کی جانب سے پروفیسرایم کے مغل کو اپنا امیدوار نامزد کردیا۔
گزشتہ روز ایسوسی ایشن کے مرکزی صدر ڈاکٹر ملک ابرارحسین کی زیرصدارت منعقدہ مرکزی ایگزیکٹیو کونسل کے اجلاس میں پروفیسر ایم کے مغل کے نام کی منظوری متفقہ طورپر دی گئی۔پروفیسر ایم کے مغل عالمی شہرت یافتہ ماہر تعلیم ہیں جنہوں نے اومان، یو کے اوریو اے ای میں پاکستانی سکولوں اور دیگر اداروں میں تدریسی و انتظامی خدمات انجام دی ہیں،گزشتہ چوبیس سال سے شعبہ تعلیم سے وابستہ ہیں۔اس وقت پروفیسر ایم کے مغل خورشید انٹرنیشنل کالج چکوال کے پرنسپل کے طورپر خدمات انجام دے رہے ہیں، آل پاکستان پرائیویٹ سکولز اینڈ کالجز ایسوسی ایشن ضلع چکوال کے پیٹرن ان چیف ہیں جنہوں نے پوری زندگی تعلیمی وترقی کے لیے فعال کردار ادا کیا ہے۔ آل پاکستان پرائیویٹ سکولز اینڈ کالجز ایسوسی ایشن کے مرکزی صدر ملک ابرار حسین نے پروفیسر ایم کے مغل کی کامیابی کی امید کا اظہارکرتے ہوئے ان کی کامیابی کو نجی شعبہ تعلیم کے لیے بہتر قرار دیاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
