چیئرمین ڈسٹرکٹ کونسل سکھر سید کمیل حیدر شاہ نے سکھر کے سٹی اسکول میں منعقدہ دو روزہ Autumn Fest (خزاں میلہ ) تقریب میں بطور مہمانے خصوصی شرکت کی۔ اس موقع پر انہوں نے تقریب سے خطاب کرتے ہوئے کہا کہ ایسی ہم نصابی سرگرمیاں طلبہ کی صلاحیتوں کو نکھارنے میں اہم کردار ادا کرتی ہیں۔تقریب میں Thaam-e-Qawwali اور Rust & Rhythm سمیت خوبصورت پرفارمنسز پیش کی گئیں جنہیں حاضرین نے بےحد سراہا۔”
#SyedKumailHyderShah #ChairmanDistrictCouncilSukkur #SKHS #PPP #sukkur
========================
پاکستان نے اقوام متحدہ کے ہائی کمشنر برائے انسانی حقوق کے بےبنیاد بیان کو مسترد کردیا: دفتر خارجہ
ترجمان دفتر خارجہ کا کہنا ہے کہ پاکستان نے اقوام متحدہ کے ہائی کمشنر برائے انسانی حقوق کے بےبنیاد بیان کو مسترد کر دیا۔
ترجمان نے کہا کہ پاکستان کی پارلیمنٹ کی منظور کردہ 27ویں آئینی ترمیم پر اقوام متحدہ کی بےجا تشویش ناقابل فہم ہے، آئینی ترامیم عوام کے منتخب نمائندوں کا مکمل اختیار ہے، جمہوری طریقہ کار کا احترام ہونا چاہیے۔
دفتر خارجہ کے ترجمان کا کہنا ہے کہ پاکستان انسانی حقوق، انسانی وقار، بنیادی آزادیوں، قانون کی حکمرانی کے تحفظ کے عزم پر قائم ہے، افسوس ہے پاکستان کا مؤقف اور زمینی حقائق اقوام متحدہ کے بیان میں شامل نہیں کیے گئے۔
ترجمان نے کہا کہ ہائی کمشنر خودمختار فیصلوں کا احترام کریں اور سیاسی تعصب اور غلط معلومات پر مبنی تبصروں سے گریز کریں۔
واضح رہے کہ اقوامی متحدہ کے انسانی حقوق کے کمشنر نے جمعے کو کہا تھا کہ پاکستان میں جلد بازی میں منظور کی گئی آئینی ترمیم عدلیہ کی آزادی کو کمزور کرتی ہے۔
اقوام متحدہ کے انسانی حقوق کے کمشنر نے کہا کہ گزشتہ سال 26ویں آئینی ترمیم کی طرح یہ ترمیم بھی وکلاء برادری اور سول سوسائٹی سے بڑے پیمانے پر مشاورت اور بحث کے بغیر کی گئی۔
