کراچی (اسٹاف رپورٹر)بجلی چوری کے خلاف مؤثر اور پیشگی اقدامات کے سلسلے میں کے الیکٹرک نے حال ہی میں بن قاسم اور سائٹ ایریا میں بڑے پیمانے پر کنڈا ہٹاؤ آپریشنز کیے، جنہیں مقامی مافیا کی سخت مزاحمت کا سامنا کرنا پڑا یہ آپریشن یار محمد گوٹھ اور سمر گارڈن (بن قاسم) اور باوانی چھالی سینٹرل اسٹور (سائٹ) کے صنعتی علاقے میں کیے گئے۔ کے الیکٹرک اعلامیے کے مطابق ان علاقوں میں کافی طویل عرصے سے نقصانات کی شرح زیادہ رہی ہے اور یہ غیرقانونی کنکشنز شہر کے بجلی کے نظام پر شدید بوجھ کا باعث بنتے ہیں۔مقامی مافیا کی جانب سے آپریشن میں خلل ڈالنے کے باوجود کے۔ الیکٹرک کی ٹیموں نے 1,300 کلوگرام سے زائد غیرقانونی تاریں (کنڈے) ہٹا دیں۔ اس کارروائی کے نتائج نہایت موثر رہے، جس کے تحت ماہانہ تقریباً 120,200 یونٹس کی چوری روکی گئی، جو کہ سالانہ 1,560,000 یونٹس بنتی ہے یہ چوری شدہ یونٹس 120 ملین روپے سے زائد کے مالی نقصان کا باعث بنتے تھے۔ کے الیکٹرک کے ترجمان عمران رانا نے کہا کہ “مقامی مافیا کی منظم اور مربوط شمولیت کے باعث یہ آپریشنز انتہائی چیلنجنگ تھے۔ تاہم مقامی قانون نافذ کرنے والے اداروں کی قیمتی معاونت سے یہ کارروائیاں ممکن ہوئیں، جنہوں نے مزاحمت کا مقابلہ کرنے میں ہمارا ساتھ دیا۔
======================
کراچی: بدر کمرشل فیز 5 میں خاتون کی موت کیسے ہوئی؟ گُتھی نہ سلجھی
ذیشان شاہ
کراچی: بدر کمرشل فیز 5 میں خاتون کی موت کیسے ہوئی؟ گُتھی نہ سلجھی
کراچی کے علاقے ڈیفنس بدر کمرشل فیز فائیو میں خاتون کی موت کیسے واقع ہوئی؟ گُتھی نہ سلجھ سکی۔
وزیر ترقی نسواں سندھ شاہینہ شیر علی نے خاتون کی مشکوک موت پر تشویش کا اظہار کرتے ہوئے پولیس سے واقعے کی مکمل تفصیلات طلب کرلیں۔
انہوں نے واقعے کی تمام پہلوؤں سے انکوائری کی ہدایت کرتے ہوئے کہا کہ رپورٹ کے مطابق واقعہ مشکوک ہے اور قتل کا شبہ ظاہر ہوتا ہے، ہر زاویے سے مکمل اور شفاف تحقیقات کی جائیں۔
کراچی: ڈیفنس میں نئی نویلی دلہن کی موت پر شوہر کا کزن زیرِ حراست
پولیس کے مطابق ابتدائی معلومات اور تفتیش سے معلوم ہوا ہے کہ خاتون کی گزشتہ ماہ شادی ہوئی تھی، ہلاکت کے وقت وہ اپنے شوہر کے رشتہ دار کے گھر بدر کمرشل میں گھومنے کے لیے رہائش پذیر تھی۔
پولیس حکام کا کہنا ہے کہ خاتون کا شوہر اس وقت کوٹری میں اپنی ٹریننگ کے سلسلے میں موجود تھا، والد بھی محکمہ پولیس سے وابستہ ہیں اور تھانہ ایئرپورٹ میں تعینات ہیں۔
پولیس کے مطابق خاتون کے شوہر کے رشتہ دار نے ہی والد کو فون کرکے واقعے سے آگاہ کیا تھا۔
