کراچی
مور خہ 18نومبر 2025
کراچی18 نومبر۔سیکریٹری جنرل ایڈمنسٹریشن، ایس جی اے اینڈ سی ڈی، محمد علی کھوسو کی زیر صدارت پاکستان اور چین کے درمیان سفارتی تعلقات کے 75 سال مکمل ہونے کی تقریبات سے متعلق سفارشات کو حتمی شکل دینے کے لیے جائزہ اجلاس منعقد ہوا۔ اجلاس میں مختلف صوبائی محکموں کے نمائندوں نے شرکت کی۔ یہ اجلاس صوبہ سندھ میں اس تاریخی سنگِ میل کی مناسبت سے منعقد کی جانے والی سرگرمیوں کے سلسلے کا حصہ ہے۔سیکریٹری جی اے نے اس اہم موقع کی اہمیت اجاگر کرتے ہوئے کہا کہ تقریب میں متعدد پروگرامز اور سرگرمیاں شامل کی جائیں گی، جن میں ثقافتی سرگرمیاں، نمائشیں اور اعلیٰ سطحی ملاقاتیں شامل ہوں گی، تاکہ پاک چین کے مابین تعلقات کی تاریخ اور کامیابیوں کو نمایاں کیا جا سکے۔ 
انہوں نے مزید کہا کہ “تقریب میں سیمینارز کانفرنسز کا انعقاد، ثقافتی اور سفری نمائشیں اور جدید ٹیکنالوجی کے ذریعے دوستی کے فروغ کے پروگرام بھی شامل ہوں گے۔ڈی جی پبلک ریلیشنز محکمہ اطلاعات حکومت سندھ ڈاکٹر معیز الدین پیرزادہ نے صوبہ سندھ میں پاکستان اور چین کے درمیان سفارتی تعلقات کے 75 سال مکمل ہونے کی مناسبت سے منعقد کی جانے والی سرگرمیوں کی میڈیا کوریج سے متعلق مجوزہ میڈیا پلان پر بریفنگ دی۔ انہوں نے مزید بتایا کہ صحافیوں کے وفود کے تبادلے کا پروگرام بھی ترتیب دیا گیا ہے تاکہ دو طرفہ تعلقات کے حوالے سے تجربات و خیالات کا تبادلہ ہو سکے اور میڈیا و صحافیوں کے مابین تعاون کو فروغ دیا جا سکے۔
ہینڈآؤٹ نمبر1290۔۔۔
کراچی
مور خہ 18نومبر 2025
سندھ حکومت کا کراچی فش ہاربر کو یورپی معیار کے مطابق اپ گریڈ کرنے کا فیصلہ
صوبائی وزیر محمد علی ملکانی کی زیرصدارت اہم اجلاس
معیاری ہاربر کے ذریعے مچھلی کی برآمد بڑھا کر ملک کے لیے زرِمبادلہ لائیں گے، محمد علی ملکا̃نی
کراچی 18 نومبر ۔سندھ حکومت نے کراچی فش ہاربر کو یورپی یونین کے مقرر کردہ معیار کے مطابق اپ گریڈ کرنے کے لیے جامع منصوبہ بندی کا آغاز کر دیا ہے، تاکہ یورپی آڈٹ وفد کے دورے سے قبل ہاربر کو مکمل طور پر یورپی اسٹینڈرڈز پر ہم آہنگ کیا جا سکے۔ اس سلسلے میں ایک اہم اجلاس صوبائی وزیر لائیو اسٹاک اینڈ فشریز محمد علی ملکانی کی زیرصدارت منعقد ہوا جس میں فش ہاربر سے متعلق ترقیاتی اور تکنیکی امور پر تفصیل سے غور کیا گیا۔اجلاس میں سیکریٹری لائیو اسٹاک ڈاکٹر قاظم حسین جتوئی، ڈی جی میرین فشریز ڈاکٹر منصور وسان، ایم ڈی فش ہاربر ڈاکٹر زاہد کیمٹیو، ایڈیشنل سیکریٹری ٹیکنیکل ڈاکٹر علی محمد مستوئی، ڈپٹی سیکریٹری لائیو اسٹاک محمد عمران، ورکس اینڈ سروسز، پی اینڈ ڈی بلڈنگ ڈپارٹمنٹ اور فشریز کے دیگر انجینئرز و افسران نے شرکت کی۔اجلاس میں پونٹونز اور جیٹیز کے مسائل پر تفصیلی گفتگو ہوئی اور صوبائی وزیر نے متعلقہ حکام کو ہدایت کی کہ ان تکنیکی معاملات کو ترجیحی بنیادوں پر حل کیا جائے تاکہ ہاربر کی سرگرمیاں متاثر نہ ہوں۔ فش ہاربر کی اسٹریٹ لائٹس کی خرابی کا سخت نوٹس لیتے ہوئے صوبائی وزیر نے واضح ہدایت دی کہ تمام اسٹریٹ لائٹس کی تنصیب اور بحالی کا کام دو ماہ کے اندر مکمل کیا جائے۔اجلاس میں صفائی کے ناقص انتظامات، ریڈ زون میں تجاوزات اور ناکارہ لانچوں کی موجودگی پر بھی تشویش کا اظہار کیا گیا۔ وزیر نے ہدایات جاری کرتے ہوئے کہا کہ ہاربر کی صفائی روزانہ کی بنیاد پر یقینی بنائی جائے، ریڈ زون سے قبضہ ختم کیا جائے، نااہل اور ناکارہ لانچوں کی فوری بیدخلی کرنے کے احکامت دیتے ہوئے بوٹس کی رجسٹریشن اور وائرلیس سسٹم اپ گریڈ کرنے کی ہدایت دی ۔فشنگ بوٹس کی رجسٹریشن، لائسنسنگ کے معیار اور وائرلیس سسٹم کی اپ گریڈیشن کو بھی فوری توجہ کا مستحق قرار دیتے ہوئے ہدایات جاری کی گئیں۔صوبائی وزیر نے اجلاس کو بتایا کہ یورپی یونین کا آڈٹ وفد جلد کراچی فش ہاربر کا دورہ کرے گا، اس لیے تمام محکمے اپنی ذمہ داریاں بروقت اور مکمل طور پر ادا کریں۔ انہوں نے خبردار کیا کہ جس ادارے نے اپنا کام مقررہ وقت پر مکمل نہ کیا، اس کے خلاف کارروائی کی جائے گی۔محمد علی ملکانی نے کہا کہ فش ہاربر کی اپ گریڈیشن نہ صرف فشریز سیکٹر بلکہ کراچی کی معاشی سرگرمیوں کے لیے بھی اہم ہے۔ انہوں نے امید ظاہر کی کہ یورپی یونین سے کلیئرنس ملنے کے بعد مچھلی کی یورپی ممالک سمیت دیگر ممالک کو برآمد میں نمایاں اضافہ ہوگا، جس سے ملک کے زرِمبادلہ کے ذخائر بہتر ہوں گے۔
ہینڈآؤٹ نمبر1291۔۔۔
ڈائریکٹوریٹ آف پریس انفارمیشن
محکمہ اطلاعات حکومت سندھ فون۔99204401
کراچی
مور خہ 18نومبر 2025
کراچی18 نومبر ۔سندھ کے سینئر وزیر شرجیل انعام میمن نے آزاد کشمیر کے نومنتخب وزیر اعظم فیصل ممتاز راٹھور سے فون پر رابطہ کیا اور آزاد کشمیر کا وزیر اعظم منتخب ہونے پر انہیں دل کی گہرائیوں سے مبارکباد دی۔ انہوں نے کہا کہ آزاد کشمیر میں پیپلز پارٹی کی کامیابی نہ صرف پارٹی کی جیت ہے بلکہ یہ کشمیری عوام کی حقیقی فتح بھی ہے، کیونکہ عوام نے ہمیشہ پیپلز پارٹی کے ترقی، امن اور استحکام کے ایجنڈے کو ترجیح دی ہے۔ شرجیل انعام میمن نے کہا کہ پیپلز پارٹی کی کامیابی دراصل کشمیری عوام کی کامیابی ہے، جبکہ پارٹی کی قیادت نے ہمیشہ کشمیر کے حقوق اور عوامی فلاح و بہبود کو اولین ترجیح دی ہے۔ انہوں نے کہا کہ شہید بھٹو، شہید بے نظیر بھٹو، صدر آصف علی زرداری اور چیئرمین بلاول بھٹو نے ہمیشہ کشمیر کے مسائل اور عوام کی بہتری کو اپنی ترجیحات میں شامل رکھا ہے,، آزاد کشمیر میں پیپلز پارٹی کی فتح کشمیر کی سیاسی آزادی اور عوامی ترجیحات کے احترام کی علامت ہے۔
ہینڈآؤٹ نمبر1292۔۔۔
ڈائریکٹوریٹ آف پریس انفارمیشن
محکمہ اطلاعات حکومت سندھ فون۔99204401
کراچی
مور خہ 18نومبر 2025
کراچی18 نومبر ۔حکومت سندھ نے عوام کے لیے ایک اور خوشخبری کا اعلان کرتے ہوئے کراچی میں آئندہ ہفتے سے ڈبل ڈیکر بسیں اور نئی ای وی بسیں سڑکوں پر لانے اور سندھ کے دیگر اضلاع میں پیپلز بس سروس کے نئے روٹس بھی شروع کیے جائیں گے۔ سندھ کے سینئر وزیر اور صوبائی وزیر برائے اطلاعات، ٹرانسپورٹ و ماس ٹرانزٹ شرجیل انعام میمن کی زیر صدارت محکمہ ٹرانسپورٹ و ماس ٹرانزٹ کا اہم اجلاس کراچی میں ہوا۔ اجلاس میں سیکریٹری ٹرانسپورٹ اسد ضامن، سندھ ماس ٹرانزٹ اتھارٹی کی ایم ڈی کنول نظام بھٹو، سی ای او ٹرانس کراچی فواد غفار سومر اور یلو لائن بی آر ٹی کے پروجیکٹ ڈائریکٹر ضمیر عباسی نے شرکت کی۔ اجلاس میں یلو لائن اور ریڈ لائن بی آر ٹی کے ترقیاتی کاموں پر بریفنگ دی گئی، ساتھ ہی شہر میں ای وی ٹیکسی سروس کے آغاز اور پنک اسکوٹیز اسکیم کے دوسرے مرحلے پر بھی آگہی دی گئی۔ اجلاس میں بات کرتے ہوئے سینئر وزیر شرجیل انعام میمن نے کہا کہ امید ہے کہ ڈبل ڈیکر بسیں اور ای وی بسیں آئندہ ہفتے تک کراچی پہنچ جائیں گی اور ان کے نئے روٹس بھی شروع کیے جا رہے ہیں۔ انہوں نے کہا کہ حکومت سندھ دسمبر تک ای وی ٹیکسی سروس شروع کرنے اور موجودہ مالی سال میں مزید پانچ سو بسیں شامل کرنے کا ارادہ رکھتی ہے۔ سینئر وزیر شرجیل انعام میمن نے کہا کہ سندھ کے دیگر اضلاع میں پیپلز بس سروس کے نئے روٹس جلد شروع کیے جا رہے ہیں۔ سینئر وزیر شرجیل انعام میمن نے حکام کو ہدایت کی کہ نئے روٹس کے لیے تمام آپریشنل تیاریاں مکمل کی جائیں اور تمام ڈویژنل ہیڈکوارٹرز میں خواتین اور طالبات کے لیے اسکوٹیز چلانے کی تربیت کا سلسلہ شروع کیا جائے۔ انہوں نے یلو لائن بی آر ٹی کے کام میں مزید تیزی، ڈیپوز کی جلد تکمیل اور یوٹیلٹیز کی بروقت منتقلی کی ہدایات بھی دیں تاکہ منصوبے پر کام کی رفتار متاثر نہ ہو۔ شرجیل انعام میمن نے کہا کہ تاج حیدر پل کے دوسرے حصے کا کام جلد شروع ہوگا اور پل پر آج سے دو طرفہ ٹریفک شروع کردی گئی ہے۔
