محمود غزنوی سے متعلق بیان سے لگتا ہے خواجہ آصف تاریخ سے بالکل نابلد ہیں، بیرسٹر سیف

محمود غزنوی سے متعلق بیان سے لگتا ہے خواجہ آصف تاریخ سے بالکل نابلد ہیں، بیرسٹر سیف
پاکستان تحریک انصاف (پی ٹی آئی) کے رہنما بیرسٹر محمد علی سیف کا کہنا ہے کہ خواجہ آصف شاہ سے زیادہ شاہ کے وفادار بننے کے چکر میں بے تکی باتیں کر رہے ہیں۔

اپنے بیان میں بیرسٹر سیف نے کہا کہ محمود غزنوی سے متعلق بیان سے لگتا ہے کہ خواجہ آصف تاریخ سے بالکل نابلد ہیں، انہوں نے یہ نہیں سوچا کہ ہمارے ایک میزائل کا نام بھی غزنوی ہے۔

بیرسٹر سیف نے کہا کہ خواجہ آصف کے منہ سے کبھی بھی شائستہ بات کی توقع نہیں کی جا سکتی، خواجہ آصف غیر سنجیدہ شخص ہیں جو کسی اہم عہدے کے قابل نہیں۔
=======================

ٹی 20 ٹرائی نیشن سیریز، زمبابوے کا پاکستان کو 148 رنز کا ہدف
تازہ ترینکھیلوں کی خبریں18 نومبر ، 2025
ٹی 20 ٹرائی نیشن سیریز کے پہلے میچ میں زمبابوے نے پاکستان کو 148 رنز کا ہدف دے دیا ہے۔

راولپنڈی کرکٹ اسٹیڈیم پر کھیلے جارہے میچ میں پاکستان نے ٹاس جیت کر پہلے زمبابوے کو بیٹنگ کی دعوت تھی۔

زمبابوے کی ٹیم مقررہ 20 اوورز میں 8 وکٹ پر 147 رنز تک محدود رہی اور پاکستان کےلیے 148 رنز کا ہدف سیٹ کیا۔

برائن بنیٹ 49 رنز کے ساتھ نمایاں بیٹر رہے جبکہ کپتان سکندر رضا 24 گیندوں پر 34 رنز بناکر ناقابل شکست اننگز کھیلی۔

گرین شرٹس کے محمد نواز نے 2، شاہین آفریدی، ابرار احمد، سلمان مرزا اور صائم ایوب نے 1،1 وکٹ حاصل کی۔

عبدالصمد انجرڈ، حسن نواز کی ٹیم میں واپسی

میچ کی ٹاس کےلیے سلمان علی آغا اور زمبابوے کے کپتان سکندر رضا میدان میں اترے۔

سلمان علی آغا کا کہنا تھا کہ یہ عام پنڈی کی پچ جیسی نہیں لگ رہی، امید ہے کہ بعد میں بولنگ کے ذریعے اوس سے بچا جا سکے گا۔

سکندر رضا نے کہا کہ وہ سیریز کےلیے واقعی پرجوش ہیں، وکٹ معمول سے سسٹ دکھائی دے رہی ہے۔

پاکستان الیون میں صاحبزادہ فرحان، صائم ایوب، بابر اعظم، سلمان علی آغا، عثمان خان، فخر زمان، محمد نواز، فہیم اشرف، شاہین شاہ آفریدی، محمد سلمان مرزا اور ابرار احمد شامل ہیں۔

پچ سے متعلق بازید خان کا کہنا ہے کہ عام طور پر پچ میں ہلکی سی چمک ہوتی ہے، یہ ایسی نہیں لگ رہی، ہوسکتا ہے گیند ایک سطح پر رک جائے، سردی کافی ہے، اگر اوس پڑی تو گیند بلے پر کافی بہتر طریقے سے آئے گی۔
========================

پاکستان کے اسجد اقبال اسنوکر ورلڈ کپ کے کوارٹر فائنل میں پہنچ گئے
پاکستانی اسنوکر اسٹار اسجد اقبال آئی بی ایس ایف اسنوکر ورلڈ کپ کے کوارٹر فائنل میں پہنچ گئے جبکہ محمد آصف شکست کے بعد ایونٹ سے باہر ہوگئے۔

عمان کے دارالحکومت مسقط میں جاری چیمپئن شپ کے پری کوارٹر فائنل میں اسجد اقبال نے مصری کھلاڑی منیٰ اعواد کو 4-1 فریم سے ہرا کر لاسٹ ایٹ میں جگہ بنالی۔ انہوں نے ٹورنامنٹ میں دوسرا سنچری بریک کھیلا۔

پری کوارٹر فائنل میں پاکستان کے محمد آصف کو فرانسیسی کھلاڑی نکولس نورٹریوکس نے سخت مقابلے میں چار، دو فریم سے شکست کر ٹورنامنٹ سے باہر کر دیا۔

قبل ازیں کھیلے گئے میچوں میں محمد آصف نے یو اے ای کے خالد کمالی کو تین، دو فریم سے قابو کیا تھا۔