پاکستان کی الیکٹرک بائیکس بنانے والی پہلی کمپنی جولٹا الیکٹرک نے تھری وہیلر الیکٹرک گاڑیاں بھی متعارف کروا دیں، تھری ویلیرز الیکٹرک گاڑیوں کی تعارفی تقریب میں وزیر صنعت و تجارت پنجاب چوہدری شافع حسین اور وزیراعلی سندھ محمد طارق حسن نے باقاعدہ افتتاح کیا۔ جولٹا الیکٹرک کے چیئرمین ڈاکٹر محمد امجد اور منیجنگ ڈائریکٹر شاہزیب امجد نے چوہدری شافع حسین کو اپنی تیار کردہ الیکٹرک بائیکس کا معائینہ کروایا ، چوہدری شافع حسین کو الیکٹرک بائیکس کی تیاری کے مختلف مراحل سے آگاہ کیا گیا۔ افتتاحی تقریب سے چوہدری شافع حسین، محمد طارق حسن ، ڈاکٹر محمد امجد اور شاہزیب امجد نے خطاب کیا۔ اپنے خطاب میں انہوں نے ملک کو درپیش توانائی کے بحران اور ماحولیاتی آلودگی کے پیش نظر 
الیکٹرک گاڑیوں کی اہمیت اور ضرورت کو اجاگر کیا۔ چوہدری شافع حسین نے تھری وہیلر الیکٹرک گاڑی میں بیٹھ اس کا معائینہ بھی کیا۔ اپنے خطاب میں انہوں نے جولٹا الیکٹرک کی انتظامیہ کو ماحول دوست گاڑیوں کی پیداوار پر شاندار الفاظ میں خراج تحسین پیش کیا۔ آخر میں ڈاکٹر محمد امجد، جہانزیب امجد اور شاہزیب امجد نے چوہدری شافع حسین کو یادگاری شیلڈ پیش کی۔
#MuhammadTariqHassan #Pakistan #PMLQ #SecretaryGeneral #Sindh #punjab #Balochistan #KPK #gilgitbaltistan
