کراچی ( اسٹاف رپورٹر ) معروف کباب ریسٹورنٹ میں آگ لگنے سے ریسٹورنٹ میں مزدوری کرنے والا نوجوان جھلس کرجاں بحق ہوگیا،تفصیلات کے مطابق فیروز آباد تھانہ کی حدود طارق روڈ پر واقع کباب ریسٹورنٹ میں اتوار کی شام زور دھار دھماکہ کے بعد آگ بھڑک اٹھی جس کے باعث ریسٹورنٹ میں موجود صارفین اور ملازمین میں خوف کی وجہ سے بھگدڑ مچ گئی،دھماکہ کی آواز مارکیٹ میں دور تک سنائی دی گئی جس نے پورے علاقے میں خوف کی فضاء قائم کردی ،واقعے کی اطلاع پر پولیس اور ریسکیو اہلکارو ںنے موقع پرپہنچ کر فائربریگیڈ حکام کو آگ پر قابو پانے کے لئے طلب کیا ،موقع پر پہنچ کرفائر فائٹرز نے فوری طور پر آگ پر قابو پانے کے لیےریسیکوآپریشن شروع کیا۔ آگ کی شدت میں اضافہ کے باعث آگ پر قابو پانے کے لئے فائر بریگیڈ کی مزید 2 گاڑیاں طلب کی گئیں۔ آگ پر قابو پانے کے عمل کے دوران فائر فائٹرز نے واقعے میں جھلس کر زخمی ہونے والے ریسٹورنٹ کے ملازم 23سالہ سجاد ولدصدیق کو ریسکیو کرنے کے بعد فوری طورایمبولنس کی مدد سے سول اسپتال کے برنس وارڈ منتقل کیا گیا تاہم وہ زخموں کی تاب نہ لاتے ہوئے رستے میں دم توڑ گیا ۔ فائر فائٹرز نے تین گھنٹے کی جدوجہد کے بعد آگ پر قابو پالیا اور کولنگ کا عمل مکمل کرلیا۔
=============
یاسین آباد میں رہائشی عمارت کے فلیٹ میں آگ ،سا مان جل کر خاکستر ہوگیا
17 نومبر ، 2025FacebookTwitterWhatsapp
کراچی (اسٹاف رپورٹر) عزیز آباد تھانہ کی حدود فیڈرل بی میں واقع 4منزلہ رہائشی عمارت میں اچانک آگ بھڑک اٹھی، عمارت سے دھواں نکلتے دیکھنے پر علاقہ مکینوں نے فوری طور پر فائر برگیڈکو اطلاع دی، آگ کی اطلاع ملتے ہی فائر بریگیڈ کی ایک گاڑی موقع پر پہنچ گئی اور عملے نے فوری طور پر آگ بجھانے کا کام شروع کیا۔
============
مختلف علاقوں میں ٹریفک حادثات ، 2 افراد جاں بحق
17 نومبر ، 2025FacebookTwitterWhatsapp
کراچی (اسٹاف رپورٹر)شہر کے مختلف علاقوں میں ٹریفک حادثات میں 2 افراد جاں بحق ہوگئے ،تفصیلات کے مطابق سائٹ سپرہائیوے صنعتی ایریا تھانے کی حدود پر ہائی وے معمارموڑ اٹک پمپ کے قریب ٹریفک حادثے میں ایک شخص جاں بحق ہو گیا جس کی لاش قانونی کارروائی کے لیے عباسی شہید اسپتال منتقل کی گئی جہاں متوفی کی شناخت 30 سالہ ارجن ولد جانوکے نام سے ہوئی ،پولیس کے مطابق متوفی شخص راہ گیر تھا اور حادثہ تیزرفتار گاڑی کی ٹکرکے باعث پیش آیا ، پولیس نے مذکورہ تیز رفتار گاڑی کی تلاش شروع کردی،دریں اثناء زمان ٹائون تھانہ کی حدود کورنگی ایک نمبر مین روڈ کے قریب ٹریفک حادثے نوجوان جاں بحق ہوگیا جس کی لاش ایدھی کے رضا کاروں نے جناح اسپتال منتقل کی ، ریسکیو حکام کا کہنا ہے متوفی راہگیر تھا جبکہ حادثہ تیز رفتار گاڑی کی ٹکر سے پیش آیا ہے ، متوفی کی فوری طور پر شناخت نہیں ہوسکی اور اس کی عمر 26 سال کے قریب بتائی جاتی ہے تاہم پولیس حادثے کی مزید تحقیقات اور متوفی کی شناخت کے حوالے کوششیں کر رہی ہے۔
===============
حیدر آباد دھماکا ایم کیو ایم کی مذمت
17 نومبر ، 2025FacebookTwitterWhatsapp
کراچی(اسٹاف رپورٹر)متحدہ قومی موومنٹ پاکستان کے اراکینِ سندھ اسمبلی نے حیدرآباد میں پٹاخہ فیکٹری میں آتشزدگی اور ہلاکتوں پر شدید تشویش کا اظہار کرتے ہوئے کہا ہے کہ افسوس ناک حادثہ سراسر انتظامی غفلت کا شاخسانہ ہے رہائشی علاقوں میں آبادی کے درمیان موجود اس طرز کے کارخانے شہریوں کی جانوں کو خطرے میں ڈالے ہوئے ہیں اور شہری انتظامیہ خواب غفلت میں مبتلا ہے، حق پرست اراکینِ سندھ اسمبلی نے مطالبہ کیا کہ فی الفور معاملے کی شفاف تحقیقات ملوث کرداروں کو قرار واقعی سزا دی جائے
