بشریٰ بی بی پر لگائے گئے الزامات کی حقیقت کیا ہے؟ کھرا سچ مبشر لقمان کے ساتھ |
What’s the Truth Behind Allegations Against Bushra Bibi? Khara Sach with Mubasher Lucman |
بشریٰ بی بی پر لگائے گئے الزامات کی حقیقت کیا ہے؟ کھرا سچ مبشر لقمان کے ساتھ |
====================
وفاقی وزیرداخلہ محسن نقوی نے کہا ہے کہ غیر قانونی امیگریشن قطعاً برداشت نہیں ہوگی، ملک کی بدنامی کا باعث بننے والے کسی مسافر کو سفر کی اجازت ہرگز نہیں دی جائے، ضروری دستاویزات کے بغیر کسی بھی مسافر کو سفر کی اجازت ہرگز نہ دی جائے، ایف آئی اے یا کسی بھی ادارے کے ملوث اہلکاروں کے خلاف سخت ایکشن لیا جائے گا۔ ان خیالات کا اظہار انہوں نے علامہ اقبال ائیرپورٹ کا اچانک دورہ کے موقع پر کیا ۔ اس موقع پر انکے ساتھ وفاقی وزیر اوورسیز پاکستانیز چوہدری سالک حسین تھے۔ دونوں وزرا 2گھنٹے تک ائیرپورٹ پر موجود رہے اور امیگریشن پراسیس کا مشاہدہ کیا۔وزیر داخلہ محسن نقوی نے امیگریشن کاونٹرز پر رش دیکھ کر ناراضگی کا اظہار کیا اور پراسیس جلد نمٹانے کے احکامات دیئے۔دونوں وزرا نے بیرون ممالک جانے والے مسافروں سے بات چیت کی اور امیگریشن پراسیس کے بارے میں پوچھا۔
=================
کوئٹہ میں ایک کلو چینی 230 روپے کی ہوگئی
کوئٹہ میں ایک کلو چینی 230 روپے کی ہوگئی
کوئٹہ میں فی کلو چینی کی قیمت 230 روپے تک پہنچ گئی ہے۔ کراچی، لاہور اور پشاور میں کہیں 190 اور کہیں 200 روپے کلو میں دستیاب ہے۔
وفاقی حکومت نے شوگر سیکٹر کو مکمل ڈی ریگولیٹ کرنے کا فیصلہ کرلیا ہے، خصوصی کمیٹی کی تیار سفارشات وزیراعظم کو پیش کی جائیں گی۔
وفاقی وزیرِ غذائی تحفظ رانا تنویر کا کہنا ہے کہ مارکیٹ فورس فیصلہ کرے گی کہ چینی درآمد کرنی ہے یا برآمد۔
ادھر پنجاب میں 41 میں سے 27 ملوں نے کرشنگ شروع کردی، وہ 14 شوگر ملیں جنہوں نے اب تک کرشنگ شروع نہیں کی ان کے خلاف ایکشن پلان تیار کرلیا گیا، مانیٹرنگ کے لیے ٹیمیں تشکیل دے دی گئیں۔
کین کمشنر کے مطابق جو مل کرشنگ شروع نہیں کرتی اس پر 10 لاکھ روپے یومیہ جرمانہ عائد ہوگا۔
====================
وفاقی آئینی عدالت میں آج سے مقدمات کی سماعت کا آغاز ہوگیا، چیف جسٹس امین الدین خان نے وفاقی آئینی عدالت کے لیے 3بینچ تشکیل دے دیے جبکہ مزید 2 ججز نے اپنے عہدے کا حلف اٹھالیا۔
ڈان نیوز کے مطابق وفاقی آئینی عدالت میں آج سے مقدمات کی سماعت شروع ہوگئی، چیف جسٹس امین الدین خان نے 3 بینچ تشکیل دے دیے۔
بینچ نمبر ایک میں چیف جسٹس امین الدین خان، جسٹس علی باقر نجفی، جسٹس ارشد حسین شامل ہیں جبکہ بینچ نمبر 2 جسٹس حسن رضوی اور جسٹس کے کے آغا پر مشتمل ہے۔
بینچ نمبر 3 میں جسٹس عامر فاروق اور جسٹس روزی خان بریچ شامل ہیں۔
دریں اثنا، وفاقی آئینی عدالت کے دو مزید ججز نے حلف اٹھا لیا، جسٹس روزی خان اور جسٹس ارشد حسین شاہ نے وفاقی آئینی عدالت کے جج کا حلف اٹھا لیا، وفاقی آئینی عدالت کے چیف جسٹس امین الدین خان نے ججز سے حلف لیا، وفاقی آئینی عدالت کے جج کی تقریب حلف برداری اسلام آباد ہائی کورٹ کے کانفرنس روم میں ہوئی۔
چیف جسٹس امین الدین خان سمیت وفاقی آئینی عدالت کے 7 ججز پہلے ہی اپنے عہدوں کا حلف اٹھا چکے ہیں۔
دریں اثنا، آئینی عدالت کےاسلام آباد ہائیکورٹ بلڈنگ آنےکے بعد کورٹ رومز کی منتقلی کا عمل جاری ہے۔
اسلام آباد ہائیکورٹ کے چیف جسٹس سرفراز ڈوگر بدستور کورٹ ون میں سماعت کریں گے، چیف جسٹس آئینی عدالت جسٹس امین الدین خان کورٹ ٹو میں بیٹھیں گے،کورٹ ٹو سے جسٹس محسن اختر کی عدالت جسٹس میاں گل اورنگزیب کی عدالت میں منتقل کردی گئی ہے۔
آئینی عدالت کے ججز جسٹس عامر فاروق ،جسٹس حسن اظہر رضوی سیکنڈ فلور پر بیٹھیں گے، اسلام آباد ہائی کے جسٹس محمد آصف اور جسٹس خادم حسین سومرو کی عدالتیں بھی سیکنڈ فلور پر قائم کی گئی ہیں۔
عدالتوں کی منتقلی کے باعث اسلام آباد ہائیکورٹ کے دو ججز کی سماعت کی کازلسٹ منسوخ کردی گئی، جسٹس محمد آصف اور جسٹس خادم حسین سومرو کی عدالتوں میں آج مقدمات کی سماعت نہیں ہوگی۔
