فیض حمید نے “فٹ پرنٹ “تلف کردیئے؟اب کتنی سزا ہوگی؟فیض اور اطہر من اللہ کی ویڈیو کا انکشاف،مرادسعید کا سراغ مل گیا۔منصور شاہ جھانسے میں آگئے؟کیا جنرل ساحر شمشاد ریٹائر نہیں ہونگے؟ ایک ظلم کی کہانی،مقتول کو انصاف کب ملے گا؟
فیض حمید نے “فٹ پرنٹ “تلف کردیئے؟اب کتنی سزا ہوگی؟فیض اور اطہر من اللہ کی ویڈیو کا انکشاف،مرادسعید کا سراغ مل گیا۔منصور شاہ جھانسے میں آگئے؟کیا جنرل ساحر شمشاد ریٹائر نہیں ہونگے؟ ایک ظلم کی کہانی،مقتول کو انصاف کب ملے گا؟
=====================
نوجوانوں کو پالیسی سازی میں برابر کا شریک بنایا جائے گا: رانا مشہود احمد
کوالالمپور: کامن ویلتھ یوتھ منسٹریل ٹاسک فورس کے اجلاس سے خطاب میں چیئرمین وزیراعظم یوتھ پروگرام رانا مشہود احمد نے کہا کہ پاکستان نوجوانوں کی قیادت میں عالمی سطح پر فعال کردار ادا کرتا رہے گا۔
رانا مشہود احمد نے کہا کہ نوجوان ہماری سب سے بڑی طاقت ہیں اور پاکستان نوجوانوں کو جدید ڈیجیٹل مواقع فراہم کرنے کے لیے پرعزم ہے۔ انہوں نے مزید کہا کہ نوجوانوں کو پالیسی سازی میں برابر کا شراکت دار بنایا جانا چاہیے اور ڈیجیٹل تقسیم کو ختم کرنا دولتِ مشترکہ کی ترجیح ہونی چاہیے۔
چیئرمین وزیراعظم یوتھ پروگرام نے کہا کہ پاکستان نوجوانوں کی تعلیم اور روزگار کی فراہمی کے لیے اقدامات جاری رکھے گا تاکہ ملک کی ترقی میں نوجوان بھرپور حصہ ڈال سکیں۔
==================
پاکستان نے سری لنکا کو وائٹ واش کر دیا
ریحان خان
راولپنڈی (16 نومبر 2025): پاکستان نے سیزیر کے تیسرا اور آخری ایک روزہ میچ 6 وکٹوں سے جیت کر سری لنکا کو وائٹ واش کر دیا۔
پنڈی اسٹیڈیم میں کھیلے گئے تیسرے ایک روزہ میچ میں پاکستان نے سری لنکا کو 6 وکٹوں سے با آسانی شکست دے کر آئی لینڈرز کو تین ون ڈے میچوں کی سیریز میں وائٹ واش کر دیا۔
سری لنکا کی جانب سے جیت کے لیے دیے گئے 212 رنز کے ہدف کو پاکستان ٹیم نے چار کے نقصان پر صرف 44.4 اوورز میں حاصل کر لیا۔
میچ کی خاص بات وکٹ کیپر بیٹر محمد رضوان کی ناقابل شکست نصف سنچری تھی۔ انہوں نے اپنے 100 ون ڈے انٹرنیشنل کو 61 رنز کی ناٹ آؤٹ اننگ کھیل کر یادگار بنایا۔ یہ ان کی 19 ویں نصف سنچری تھی۔
حسین طلعت نے 42 رنز ناٹ آؤٹ بنا کر رضوان کا بھرپور ساتھ نبھایا۔
ہدف کے تعاقب میں حسیب اللہ خان رنز کا کھاتہ کھولے بغیر آؤٹ ہوئے۔ تاہم فخر زمان نے جارحانہ انداز اختیار کرتے ہوئے 45 گیندوں پر 55 رنز کی شاندار اننگ کھیلی۔ دوسرے میچ کے ہیرو بابر اعظم 34 رنز پر آؤٹ ہوئے۔
سری لنکا کی جانب سے جیفری وندرسے نے 3 جب کہ مہیش تھکشانا نے ایک کھلاڑی کو آؤٹ کیا۔
اس سے قبل پاکستان نے ٹاس جیت کر پہلے فیلڈنگ کا فیصلہ کیا اور سری لنکا کی پوری ٹیم کو 45.1 اوورز میں صرف 211 رنز پر پویلین بھیج دیا۔
سری لنکا کی جانب سے کوئی بھی بلے باز نصف سنچری نہ کر سکا۔ سدیرا سمارا وکرما 48 رنز کے ساتھ ٹاپ اسکورر رہے۔ کپتان کوشل مینڈس 34 اور پاوان رتھنائیکے 32 رنز کے ساتھ نمایاں بلے باز رہے۔
پاکستان کی جانب سے سب سے کامیاب بولر محمد وسیم جونیئر رہے جنہوں نے 10 اوورز کے کوٹے میں 47 رنز دے کر تین کھلاڑیوں کو آؤٹ کیا۔
حارث رؤف نے 38 اور لیفٹ آرم اسپنر فیصل اکرم نے 42 رنز دے کر دو دو وکٹیں حاصل کیں۔ کپتان شاہین شاہ آفریدی اور فہیم اشرف کے ہاتھ ایک ایک وکٹ آئی۔
محمد وسیم کو تین وکٹیں لینے پر میچ کا بہترین کھلاڑی قرار دیا گیا جبکہ حارث رؤف تین میچوں میں 9 وکٹیں لے کر سیریز کے بہترین کھلاڑی قرار پائے۔
