لاڑکانہ(بیورورپورٹ) آئی جی سندھ غلام نبی میمن نے ایس ایس پی آفس لاڑکانہ کا دورہ کیا جہاں انہوں نے تزئین و آرائش کے بعد تعمیر کیے گئے دفاترکا دورہ کرکے عملہ سے ملاقات کی، دورے کے دوران ڈی آئی جی لاڑکانہ، ایس ایس پی لاڑکانہ، جیکب آباد، قمبرشہدادکوٹ، کشمور، شکارپور اور دیگر پولیس افسران بھی موجود تھے، اس موقع پر ایس ایس پی لاڑکانہ نے آئی جی سندھ کو لاڑکانہ کے کچہ اور دیگرعلاقوں میں واقع پولیس چوکیوں اور دفاتر کی تزئین و آرائش، سی سی ٹی وی مانیٹرنگ، آئی ٹی برانچ و دیگرسہولیات پربریفنگ دی اور کہا کہ لاڑکانہ شہر کے مختلف مقامات پر سی سی ٹی وی کیمروں نصب کیے گئے ہیں، کیمرے چہرہ شناس اور ہائی کوالٹی کے ہیں، دفتری امور اور روزمرہ کے معمالات کے لئے آئی ٹی برانچ کو بہتربنایا جارہا ہے، لاڑکانہ میں پولیس 15 کو مکمل فعال کردیا گیا ہے، پولیس اہلکار موٹرسائیکلوں پر نہ صرف پیٹرولنگ کررہے بالکہ شہری کی کال پر رسپانس بھی کررہے ہیں، اس موقع پر آئی جی سندھ نے دفتر کی تزئین و آرائش اور عوام دوست عملہ تعینات کرنے پر ایس ایس پی لاڑکانہ کو شاباشی دی اور کہا کہ دفاتر اور پولیس سروس عوام کی خدمت کے لئے ہیں، شہریوں کو خوشگوار ماحول کے ساتھ تحفظ فراہم کرنا ہماری اولین ذمہ داری ہے۔
