وفاقی آئینی عدالت کے 6 ججز کی تقرری، 3 نے حلف اٹھا لیا
وفاقی آئینی عدالت کے تین ججز نے اپنے عہدے کا حلف اٹھا لیا۔
پہلے مرحلے میں وفاقی آئینی عدالت کے تین ججز نے حلف اٹھایا، جسٹس حسن اظہر رضوی، جسٹس باقی نجفی اور جسٹس عامرفاروق نے عہدوں کا حلف لیا۔
چیف جسٹس وفاقی آئینی عدالت جسٹس امین الدین خان نے تینوں ججز سے حلف لیا۔ اسلام آباد ہائیکورٹ کے چیف جسٹس سرفراز ڈوگر بھی حلف برداری کی تقریب میں موجود تھے۔
نوٹیفکیشن کے مطابق وفاقی آئینی عدالت کے 6 ججز ہوں گے، جس میں جسٹس حسن اظہر رضوی، جسٹس عامر فاروق، جسٹس علی باقرنجفی، جسٹس کےکے آغا اور بلوچستان سے جسٹس روزی خان آئینی عدالت کے جج ہوں گے۔
نوٹیفکیشن کے مطابق پشاور ہائیکورٹ سے جسٹس ارشد حسین شاہ آئینی عدالت کےجج ہوں گے۔
یاد رہے کہ 27 ویں آئینی ترمیم پر تحفظات کے باعث سپریم کورٹ کے جسٹس منصور علی شاہ اور جسٹس اطہر من اللہ نے گزشتہ روز اپنے عہدوں سے استعفیٰ دے دیا تھا۔
=========================
سپیکر قومی اسمبلی کی جسٹس امین الدین خان کو وفاقی آئینی عدالت کے پہلے چیف جسٹس کا حلف اٹھانے پر مبارکباد
نیوز ڈیسک
November 14, 2025
News Image
اسلام آباد: سپیکر قومی اسمبلی سردار ایاز صادق نے جسٹس امین الدین خان کو وفاقی آئینی عدالت کے پہلے چیف جسٹس کے طور پر منصب سنبھالنے پر مبارکباد دی اور ان کے لیے نیک خواہشات کا اظہار کیا۔
سردار ایاز صادق نے کہا کہ چیف جسٹس وفاقی آئینی عدالت کا منصب سنبھالنا ایک بڑا اعزاز ہے اور جسٹس امین الدین خان ایک نامور قانون دان ہیں۔ انہوں نے امید ظاہر کی کہ چیف جسٹس کی سربراہی میں وفاقی آئینی عدالت انصاف کی فراہمی میں بھرپور کردار ادا کرے گی اور آئین و قانون کے مطابق عدالتی نظام کو مزید مضبوط بنایا جائے گا۔
سپیکر نے مزید کہا کہ منصفانہ اور مؤثر نظامِ انصاف مضبوط جمہوریت اور ملکی ترقی کی بنیاد ہے اور وہ جسٹس امین الدین خان کی کامیابی کے لیے دعاگو ہیں۔
