ہتھوڑے کے وار سے ایک شخص کے قتل میں ملوث باپ اور 2 بیٹے گرفتار
14 نومبر ، 2025FacebookTwitterWhatsapp
کراچی (اسٹاف رپورٹر )شاہ لطیف پولیس نے گذشتہ روز ہتھوڑے کے وار سے ایک شخص کو قتل کرنے میں ملوث 3 ملزمان کو گرفتار کرلیا،ملزمان توقیر اور تنویر سگے بھائی جبکہ شبیر ان کا والد ہے ،پولیس کے مطابق ملزمان نے مقتول عامر کو 15 لاکھ سے زائد رقم دینی تھی،ملزمان نے مقتول عامر کو گھر بلایا، رقم دینے کا بہانہ بنایا اور دوران گفتگو اسے ہتھوڑے کے وار سے ہلاک کر دیا،واقعہ کے بعد ملوث ملزمان نے پولیس کو گمراہ کرنے کی کوشش کی اور جھوٹی اطلاع دی کہ کچھ نامعلوم افراد ایک شہری کو اغوا کر کے لے گئے ہیں،پولیس ٹیم نے ٹیکنیکل شواہد اور معلومات کی مدد سے چند گھنٹوں میں ملزمان کو گرفتار کرلیا،دوران تفتیش ملزمان نے اعتراف کیا کہ انہوں نے رقم کے تنازع پر عامر کو قتل کیا اور لاش کو گھر کے ایک خفیہ کمرے میں چھپا دیا۔
======================
سینیٹ میں آرمی، ایئر فورس اور نیوی ایکٹ ترمیمی بل 2025ء منظور
27ویں آئینی ترمیم کے بعد قوانین میں ترمیم کی ضرورت تھی، نائب وزیر اعظم اسحاق ڈار
سینیٹ میں آرمی، ایئر فورس اور نیوی ایکٹ ترمیمی بل 2025ء منظور
اسلام آباد۔ 14 نومبر2025ء) سینیٹ میں آرمی، ایئر فورس اور نیوی ایکٹ میں ترامیم کے بل منظور، سینیٹ اجلاس کی صدارت چیئرمین سینیٹ یوسف رضا گیلانی نے کی اور اہم قانون سازی کا عمل مکمل کیا۔ ڈپٹی وزیراعظم اسحاق ڈار نے بل پیش کرتے ہوئے کہا کہ 27ویں آئینی ترمیم کے بعد قوانین میں ترمیم کی ضرورت تھی۔ جے یو آئی (ف) کے رکن کامران مرتضیٰ نے بل کی مخالفت کرتے ہوئے کہا کہ اس بل کو کمیٹی میں بھجوایا جائے، پی ٹی آئی کے رکن ہمایوں مہمند نے بھی بل کمیٹی کے بھجوانے کا مطالبہ کیا۔
پاکستان ایئر فورس ایکٹ ترمیمی بل 2025 کثرت رائے سے منظور کر لیا گیا، پاکستان ایئر فورس ایکٹ ترمیمی بل 2025 میں اہم تبدیلیاں کی گئیں۔ پاکستان ایئر فورس ایکٹ 1953 میں سے سیکشن 10 ڈی، 10 ای اور 10 ایف حذف کرنے کی ترمیم منظور کر لی گئی، سیکشن 202 میں ترمیم چیئرمین جوائنٹ چیف آف اسٹاف کمیٹی کے الفاظ حذف کرنے کی ترمیم بھی منظور کی گئی۔
پاکستان نیوی ایکٹ ترمیمی بل 2025 وزیر دفاع خواجہ آصف نے پیش کیا۔
سینیٹر دنیش کمار نے کہا کہ ہم یہاں جو سوالات کرتے ہیں ان کا جواب نہیں دیا جاتا، ہم سے تفصیلات چھپائی جاتی ہیں۔ دنیش کمار نے کہا کہ وزارت خزانہ کی ایس او ایز کے افسران کی مراعات کے حوالے سے میرا سوال تھا، جس کا صرف یہ جواب دیا گیا ہے کہ گریڈ 21 کے افسر کے برابر مراعات دی جا رہی ہیں۔ وزیر مملکت خزانہ بلال کیانی نے کہا کہ ممبران کی سوالات کا مکمل جواب دیا جاتا ہے، اگر کہیں کوئی تشنگی رہ گئی ہے تو ہم وہ بھی دینے کو تیار ہیں، یہ معاملہ کمیٹی میں جائے گا تو ہم وہاں بھی تفصیلات دینے کو تیار ہیں۔
بلال کیانی نے بتایا کہ وزارت خزانہ سے منسلک ایس او ایز کے افسران کی تعداد 21 ہے، حکومت اہل اور قابل افسران کا ان پوسٹوں پر تقرر کرتی ہے۔ سینیٹر دنیش کمار نے کہا کہ بلوچستان میں کوئی اہل افسر نہیں ہے جو وہاں سے کسی افسر کو تعینات نہیں کیا گیا۔
