گورنر خیبر پختون خواہ سردار فیصل کریم خان کندی نے چیف سردار علی گوہر خان مہر سے اُن کی والدہ مرحومہ مغفورا کی وفات پے فاتحہ خوانی کی سابق ایم پی اے سینئر نائب صدر مسلم لیگ نون چودھری محمود الحسن چیمہ ساتھ موجود ہیں
===================
جسٹس امین الدین خان 3 سال کےلئے وفاقی آئینی عدالت کے چیف جسٹس مقرر
جسٹس امین الدین خان کو 3 سال کےلئے وفاقی آئینی عدالت کا چیف جسٹس مقرر کردیا گیا، تقرری کا نوٹیفکیشن جاری کردیا گیا۔
صدرمملکت آصف علی زرداری نے جسٹس امین الدین خان کی بطور چیف جسٹس آئینی عدالت تقرری کی منظوری دی، وزارت قانون کی جانب سے جسٹس امین الدین خان کی تقرری کا باقاعدہ نوٹیفکیشن جاری کردیا گیا ہے۔
جسٹس امین الدین خان وفاقی آئینی عدالت کے پہلے چیف جسٹس ہوں گے، صدر مملکت نے جسٹس امین الدین خان کی تقرری کی منظوری وزیراعظم کی ایڈوائس پر دی۔
مزید پڑھیں: پریکٹس اینڈ پروسیجر ترمیمی بل 2025 کے مندرجات سامنے آگئے
وفاقی حکومت کے ذرائع نے اس سے قبل ہی امکان ظاہر کردیا تھا کہ آئینی عدالت کے سربراہ سے آج رات کو بھی ایوان صدر میں حلف لیا جاسکتا ہے۔
ایوان صدر میں چیف جسٹس آئینی عدالت کے حلف کی تیاریاں جاری تھیں، صدر آصف علی زرداری نے آئینی عدالت کے سربراہ سے حلف لیا۔
ذرائع وفاقی حکومت کا کہنا تتھا کہ چیف جسٹس آئینی عدالت کے حلف لینے کے حوالے سے وزیراعظم، اسپیکر، چیئرمین سینیٹ اور وفاقی وزرا سمیت اہم شخصیات کو آگاہ کردیا گیا تھا۔
====================
آئینی عدالت کے 6 ججوں کی تقریب حلف برداری کیلئے انتظامات جاری
آئینی عدالت کے 6 ججوں کی تقریبِ حلف برداری کے لیے انتظامات کیے جا رہے ہیں۔
ذرائع کے مطابق تقریبِ حلف برداری کے لیے اسلام آباد ہائی کورٹ کے ججز اور ایڈمن بلاک کے درمیان اوپن ایریا میں انتظامات کیے گئے ہیں جہاں آئینی عدالت کے 6 ججز حلف اٹھائیں گے۔
ذرائع کا کہنا ہے کہ آئینی عدالت کے سربراہ جسٹس امین الدین دیگر ججز سےحلف لیں گے، حلف برداری تقریب کے لیے ممکنہ وقت 11 بجے مقرر کیا گیا ہے۔
ذرائع کے مطابق اس سےقبل آئینی عدالت کے سربراہ جسٹس امین الدین ایوان صدر میں حلف اٹھائیں گے، صدرآصف علی زرداری آئینی عدالت کے سربراہ سے حلف لیں گے۔
