خاتونِ اول بی بی آصفہ بھٹو زرداری سے ڈبلن سٹی کونسلر عمار علی کی ملاقات،پاکستان اور آئرلینڈ کے درمیان جمہوریت و مشترکہ اقدار کے فروغ پر گفتگو
اسلام آباد:خاتونِ اول بی بی آصفہ بھٹو زرداری سے ڈبلن سٹی کونسلر عمار علی نے اسلام آباد میں ملاقات کی۔ ملاقات میں جمہوریت کے استحکام، مشترکہ اقدار کے فروغ اور پاکستان و آئرلینڈ کے درمیان قریبی تعلقات کو مزید مضبوط بنانے پر تبادلۂ خیال کیا گیا۔
کونسلر عمار علی نے پاکستان پیپلز پارٹی کے بانی رہنماؤں، بالخصوص شہید ذوالفقار علی بھٹو، شہید محترمہ بینظیر بھٹو اور چیئرمین بلاول بھٹو زرداری کی قیادت کو زبردست خراجِ تحسین پیش کیا۔ انہوں نے شہید ذوالفقار علی بھٹو کی جمہوریت اور سماجی انصاف کے لیے خدمات پر اپنی تحقیق سے بھی آگاہ کیا۔
خاتونِ اول بی بی آصفہ بھٹو زرداری نے کونسلر عمار علی کو ڈبلن کے ڈپٹی میئر کے آئندہ انتخابات کےلئے نیک تمناؤں کا اظہار کیا۔
===================
نیب نے 21 کروڑ سے زائد مالیت کے ضبط شدہ اثاثے نیلام کر دیے
نیب نے 21 کروڑ سے زائد مالیت کے ضبط شدہ اثاثے نیلام کر دیے
اسلام آباد(رپورٹ حنیف خالد)قومی احتساب بیورو (نیب) راولپنڈی نے مفتی احسان کیس سے منسلک ضبط شدہ اور رضاکارانہ طور پر سرینڈر کیے گئے اثاثوں کی کامیاب نیلامی مکمل کر لی، جس سے 21کروڑ 40لاکھ روپے سے زائد رقم حاصل ہوئی۔ نیلام شدہ املاک میں گاڑی، تین کمرشل و صنعتی پلاٹ پلاٹ رہائشی گھر شامل ہیں نیلامی میں نمایاں فروخت ہونے والے اثاثوں میں شامل ہیں گاڑی (ماڈل 2003) ایک کمرشل پلاٹ راوٹ انڈسٹریل ایریا میں دو صنعتی پلاٹس نیو لالہ زار کالونی، راولپنڈی میں واقع رہائشی جائیداد شامل ھیں۔
======================
شاہراہ فیصل پر حد رفتار 60 کلومیٹر مقرر، سائن بورڈ لگا دیئے گئے
شاہراہ فیصل پر حد رفتار 60 کلومیٹر مقرر، سائن بورڈ لگا دیئے گئے
کراچی( افضل ندیم ڈوگر) کراچی میں ای چالان کا سلسلہ شروع ہونے کے بعد شاہراہ فیصل پر حد رفتار کے سائن بورڈ لگا دیئے گئے ہیں۔ ڈی ایس پی ایڈمن کاشف ندیم کے مطابق شاہراہ فیصل پر کار جیپ وغیرہ کیلئے حد رفتار 60 کلومیٹر رکھی گئی ہے جبکہ ہیوی وہیکل بس ٹرک وغیرہ کے لیے حد رفتار 30 کلومیٹر مقرر ہے۔ حد رفتار سے زائد سفر کرنے والی گاڑیوں کے کیمروں سے خود کار چالان ہوں گے۔
