رپورٹ۔۔۔ ظہیر ہمایوں
سپیشل ایجوکیشن گوجرانوالہ ڈویژن کے زیرِ اہتمام سالانہ ڈویژنل اسپشل ایجوکیشن سپورٹس گالا 2025 ایک پُروقار تقریب کے ساتھ گوجرانوالہ تعلیمی بورڈ کی گراؤنڈ میں انعقاد کیا گیا
گوجرانوالہ و گجرات ڈویژن کے اسپیشل ایجوکیشن کے اداروں میں زیر تعلیم سینکڑوں خصوصی طلبہ نے اپنے اساتذہ کی زیر نگرانی میں سپورٹس گالا میں مختلف کھیلوں میں بھر پور حصہ لیا اور اپنی صلاحیتوں جوش و خروش اور عزم کا شاندار مظاہرہ کیا۔ سپورٹس گالا 2025 کی رنگارنگ تقریب نہ صرف کھیلوں کا مقابلہ تھی بلکہ حوصلے، محنت اور انسانیت کے خوبصورت امتزاج کا ایک زندہ ثبوت بھی بنی۔
سپورٹس گالا میں میں اسد اللہ ڈی ای او سپیشل ایجوکیشن، منور حسین ڈپٹی ڈائریکٹر تعلقاتِ عامہ، طارق نذیر سابق ڈپٹی ڈائریکٹر اسپیشل ایجوکیشن، ،محمد طیب ڈپٹی ڈسٹرکٹ اسپشل ایجوکیشن آفیسر گوجرانوالہ، شفاعت حسین نقوی ڈویثرنل فوکل پرسن/ کوآرڈینیٹر گوجرانوالہ, مہوش اعوان ڈوثرنل سپورٹس فوکل پرسن گوجرانوالہ ،ماریہ بٹ ڈپٹی ڈویژنل سپورٹس فوکل پرسن ،پرنسپل صاحبان اساتذہ کرام ،طلبا و طالبات اور مختلف افسران نے بھی شرکت کی۔
شہزاد ھارون بھٹہ سابقہ ڈائریکٹر اسپشل ایجوکیشن پنجاب اور ظہیر ہمایوں جنرل سیکرٹری اسپشل ایجوکیشن ویلفئر ایسوسی ایشن آف پروفیشنلز نے بھی اسپشل ایجوکیشن سپورٹس گالا میں خصوصی طور پر شرکت کی اور خصوصی طلبہ و طالبات کی خوشیوں میں شریک ہوئے
ڈویژن بھر کے مختلف خصوصی تعلیمی اداروں کے طلبہ وطالبات نےمختلف ریس، کرکٹ،وھیل چئیر اور دیگر کھیلوں میں بھرپور حصہ لیا۔ سپورٹس گالا کے اختتام پر مختلف کھیلوں میں نمایاں کارکردگی دکھانے پر خصوصی کھلاڑیوں میں انعامات تقسیم کیے گئے
اسداللہ ڈی ای او اسپشل ایجوکیشن گوجرانوالہ نے اس موقع پر خطاب کرتے ہوئے مہمانان گرامی کو خوش آمدید کہتے ہوئے کہا کہ خصوصی طلبہ ہمارے معاشرے کا قیمتی سرمایہ ہیں۔ ان کی تربیت اور حوصلہ افزائی ہم سب کی مشترکہ ذمہ داری ہے۔ آج کے یہ مقابلے اس بات کا ثبوت ہیں کہ خصوصی بچے کسی بھی میدان میں پیچھے نہیں۔
اسد اللہ نے مزید کہا کہ کھیلوں سے تربیت برداشت قوت فیصلہ اتحاد ٹیم ورک ھار جیت کا جذبہ پیدا ھوتا ھے جسم میں قوت مدافعت پیدا ھوتی ھے جو ھر طرح کی مصیبت کا مقابلہ کرنے کے لیے لازمی ھے اس لئے ھر سکول و کالجز میں جسمانی تربیت و کھیلوں کا انعقاد لازمی ھونا چاھئے اور طلبہ کا مختلف گمیز میں حصہ لینے ضروری ھو بلکہ اسپشل سکول و کالجز میں اسکاؤٹس و گرلز گائیڈ اور این سی سی کی تربیت لازمی ھونی چاہیے
اسد اللہ نے مختلف کھیلوں میں پوزیشن حاصل کرنے والے تمام خصوصی طلبہ کو شاندار کارکردگی پر مبارکباد دیتے ہوئے کہا کہ اس کامیابی کے پیچھے ھمارے پرنسپل صاحباں اساتذہ خصوصاً فزیکل ایجوکیشن انسڑکٹرز کا ھاتھ ھے
منور حسین ڈپٹی ڈائریکٹر تعلقات عامہ گوجرانوالہ نے کہا کہ خصوصی تعلیم کا مقصد صرف کتابی علم دینا نہیں بلکہ طلبہ کی پوشیدہ صلاحیتوں کو ابھارنا ہے تاکہ وہ معاشرے کے فعال اور باعزت شہری بن سکیں انہوں نے اسد اللہ ڈی او اسپشل ایجوکیشن گوجرانوالہ اور ان کی ٹیم کو سپورٹس گالا کے کامیاب انعقاد پر مبارکباد دی
شہزاد بھٹہ مشہور ماہر خصوصی تعلیم و سابقہ ڈائریکٹر اسپشل ایجوکیشن پنجاب نے بھی سپورٹس گالا میں خصوصی طور پر شریک ہوئے اور طلبہ و اساتذہ کی محنت اور استعداد کو سراہتے ہوئے اسد اللہ ڈی او اسپشل ایجوکیشن گوجرانوالہ اور ان کی انتھک ٹیم کو سپورٹس گالا کے کامیاب انعقاد پر مبارکباد دیتے ہوئے کہا کہ امید ھے کہ اسپشل ایجوکیشن کے اداروں میں سال بھر ریگولر بنیادوں پر کھیلوں و دیگر ھم نصابی سرگرمیوں کا سلسلہ جاری رھے گا
پروفیسر عرفان مغل کوآرڈینیٹر کھیل سپیشل ایجوکیش پنجاب نے بھی لاہور سے خصوصی شرکت کی اور تقریب کے نظم و ضبط کو سراہا
پروفیسر رشید بھٹی سیکرٹری بورڈ آف انٹرمیڈیٹ اینڈ سیکنڈری ایجوکیشن گوجرانوالہ نے صبح سپورٹس گالا 2025 کا باقاعدہ افتتاح نے کیا انہوں نے کہا کہ سپیشل بچوں کی کھیلوں کا شاندار انعقاد قابل تعریف ھے اور خصوصی طلبہ وطالبات کی عمدہ پرفارمینس یقیناً قابل مبارکباد ہے۔
سپورٹس گالا کے اختتام پر پروفیسر رشید بھٹی، شہزاد بھٹہ اسد اللہ، منور حسین، طارق نزیر ،ڈاکٹر رانا رضوان ،سہیل بشیر شفاقت حسین نقوی، ماریہ بٹ، امتیاز علی، عرفان مغل، ظہیر ہمایوں نے کامیاب اور پوزیشن حاصل کرنے والے خصوصی کھلاڑیوں میں انعامات تقسیم کیے
اسد اللہ ڈی او اسپشل ایجوکیشن کی جانب سے مہمانان گرامی کو یادگاری شیلڈز دی گئی
