پشاور
گورنر خیبرپختونخوا فیصل کریم کنڈی سے نیشنل ڈیموکریٹک موومنٹ کے چیئرمین محسن ڈاور نے گورنر ہاؤس میں ملاقات کی، ملاقات میں خیبرپختونخوا اسمبلی میں امن جرگہ میں صوبہ کی تمام سیاسی قیادت کیجانب سے شرکت اور دہشتگردی کے خاتمہ، صوبائی حقوق کیلئے متفقہ لائحہ عمل اختیار کرنے کو خوش آئیند قرار دیا گیا، اس موقع پر گورنر خیبرپختونخوا نے کہا کہ وہ بحیثیت گورنر خیبرپختونخوا شروع دن سے صوبائی حکومت اور تمام صوبائی سیاسی قائدین کیساتھ ملکر صوبہ کے حقوق کیلئے متحد ہو کر چلنے کیلئے پرعزم ہیں، اسی سلسلے میں گورنر ہاؤس میں پہلی دفعہ انکی سربراہی میں کل جماعتی کانفرنس بھی منعقد کی گئی تاکہ باہمی مشاورت سے صوبہ کی ترقی اور پائیدار امن کو یقینی بنایا جا سکے-
#standwithkp #KhyberPakhtunkhwa #GovernorKP #Pakistan #PPP
========================
کرک، سی ٹی ڈی سے مقابلے میں مطلوب دہشت گرد ہلاک
تازہ ترینقومی خبریں14 نومبر ، 2025
کرک، سی ٹی ڈی سے مقابلے میں مطلوب دہشت گرد ہلاک
کرک کے علاقے میر کلام بانڈہ میں پولیس اور دہشت گردوں کے درمیان فائرنگ کے تبادلے میں مطلوب دہشت گرد ہلاک ہوگیا۔
ترجمان سی ٹی ڈی پولیس کے مطابق تحصیل بانڈہ داؤد شاہ کے علاقے میر کلام بانڈہ میں دہشت گردوں کی موجودگی کی اطلاع پر پولیس نے کارروائی کی۔
کوہاٹ، پولیس کارروائی میں 3 دہشت گرد ہلاک
اس موقع پر دونوں جانب سے شدید فائرنگ کا سلسلہ جاری رہا، فائرنگ کے تبادلے میں ایک دہشت گرد مارا گیا۔
پولیس کا کہنا ہے کہ ہلاک دہشت گرد سوئی ناردرن گیس پائپ لائن کی تنصیبات پر حملے سمیت کئی دیگر دہشت گردانہ کارروائیوں میں ملوث تھا۔
============================
سہیل آفریدی کی زیر صدارت کے پی حکومت کا پہلا کابینہ اجلاس آج ہوگا
14 نومبر ، 2025
پشاور: وزیر اعلیٰ خیبرپختونخوا سہیل آفریدی کی زیر صدارت کے پی حکومت کا پہلا کابینہ اجلاس آج ہوگا۔
کابینہ اجلاس کیلئے 63 نکاتی ایجنڈا تیار کرلیا گیا، اجلاس سول سیکرٹریٹ پشاور میں منعقد ہوگا، کابینہ سے آرمز رولز 2014ء میں ترمیم کی منظوری لی جائے گی۔
ہائیکورٹ کیلئے بلٹ پروف گاڑیوں کی فراہمی کی منظوری کابینہ دے گی، کابینہ گورنر خیبرپختونخوا کیلئے لگژری گاڑیوں کی خریداری کی منظوری اور یونیورسٹی ایکٹ 2022ء میں ترمیم کی منظوری بھی دے گی۔
