شاہ چارلس نے دولت مشترکہ ممالک کو متحد کرنے میں اہم کردار ادا کیا،وزیراعظم
November 13, 2025
shehbaz sharif
وزیراعظم شہبازشریف نے کہا ہے کہ شاہ چارلس نے دولت مشترکہ ممالک کو متحد کرنے میں اہم کردار ادا کیا ہے ۔
اسلام آباد میں برطانیہ کے کنگ چارلس سوم کی سالگرہ کی تقریب منعقد ہوئی ،وزیراعظم شہباز شریف نے تقریب میں شرکت کی ۔
اس موقع پر برطانوی ہائی کمشنرجین میریٹ نے کہا کہ برطانیہ اور پاکستان کے درمیان گہرے دوستانہ تعلقات ہیں،برطانیہ پاکستان میں ہونےوالےدہشت گرد واقعات کی شدید الفاظ میں مذمت کرتاہے۔
اسلام آباد خود کش حملے کی تحقیقات میں بڑی پیشرفت؛ موٹرسائیکل رائیڈر گرفتار
دہشت گردی میں جاں بحق ہونے والے افراد کے لواحقین سے اظہار تعزیت کرتےہیں،برطانیہ مشکل کی اس گھڑی میں پاکستانی عوام کے ساتھ کھڑاہے۔
وزیراعظم شہبازشریف نے اپنے خطاب میں کہا کہ سالگرہ کی تقریب میں شرکت باعث اعزاز ہے،دہشت گردی دنیا کے امن کے لیے بڑا خطرہ ہے۔
دہشت گردی کے خلاف مسلح افواج اور قوم متحد ہے،برطانوی تعاون سے تعلیم،صحت اور ہنرمندی کے تاریخی منصوبے مکمل کیے۔
============================
وزیراعظم شہباز شریف کی زیر صدارت وفاقی کابینہ کا اجلاس ،متعلقہ قوانین کو27 ویں آئینی ترمیم سے ہم آہنگ کرنے کے حوالے سے اہم فیصلے
نیوز ڈیسک
November 13, 2025
اسلام آباد: وزیراعظم محمد شہباز شریف کی زیر صدارت وفاقی کابینہ کا اجلاس آج پارلیمنٹ ہاؤس ، اسلام آباد میں منعقد ہوا ۔اجلاس میں متعلقہ قوانین کو ستائیسویں آئینی ترمیم سے ہم آہنگ کرنے کے حوالے سے اہم فیصلے کئے گئے۔
وفاقی کابینہ نے پاکستان آرمی ایکٹ، پاکستان ایئر فورس ایکٹ اور پاکستان نیوی ایکٹ میں ترامیم کی منظوری دے دی۔ ان ترامیم کا مقصد افواج پاکستان سے متعلق قوانین کو ستائیسویں آئینی ترمیم سے ہم آہنگ کرنا ہے۔ آئین کے آرٹیکل 243 میں جو ترامیم کی گئی ہیں ان کی بنیاد پر ضروری قانون سازی کی گئی ہیں جس میں چیف آف ڈیفنس فورسز کے عہدے کی میعاد بھی شامل ہے۔
ان ترامیم کے تحت چیئرمین جوائنٹ چیف آف اسٹاف کمیٹی کا عہدہ موجودہ چیئرمین کی ریٹائرمنٹ کے بعد ختم ہو جائے گا۔اسی طرح سے ان قوانین میں فیلڈ مارشل، مارشل آف دی ایئر فورس، ایڈمرل آف دی فلیٹ کے عہدے بھی شامل کئے گئے ہیں ۔یہ اسکیم اور متعلقہ قوانین میں ترمیم ہمعصر اور جدید جنگی تقاضوں کو سامنے رکھ کر تجویز کی گئیں ہیں۔
وفاقی کابینہ نے فیڈرل کانسٹی ٹیوشنل کورٹ (پروسیجر اینڈ پریکٹس) ایکٹ, 2025 کے مسودے کی بھی منظوری دے دی۔ وفاقی کابینہ نے اقتصادی رابطہ کمیٹی کے 7 نومبر 2025 کو ہونے والی اجلاس میں کئے گئے فیصلوں کی توثیق کر دی ۔
=======================
آرمی، ائیرفورس، نیوی بلز اور پریکٹس اینڈپروسیجرایکٹ میں ترامیم 27ویں آئینی ترمیم کے تحت کی گئی ہیں، اعظم نذیرتارڑ
جمعرات 13 نومبر 2025 20:00
آرمی، ائیرفورس، نیوی بلز اور پریکٹس اینڈپروسیجرایکٹ میں ترامیم 27ویں ..
اسلام آباد (اُردو پوائنٹ اخبارتازہ ترین – اے پی پی۔ 13 نومبر2025ء) وفاقی وزیرقانون اعظم نذیرتارڑ نے کہاہے کہ آرمی، ائیرفورس، نیوی بلز اور پریکٹس اینڈپروسیجرایکٹ میں ترامیم 27 ویں آئینی ترمیم کے تحت کی گئی ہیں۔
جمعرات کوقومی اسمبلی میں وضاحتی بیان دیتے ہوئے انہوں نے کہاکہ آرمی، ائیرفورس، نیوی بلز اور پریکٹس اینڈپروسیجرایکٹ میں ترامیم کا مقصدانہیں 27ویں آئینی ترمیم کے ساتھ ہم آہنگ کرناہے، آرمی ایکٹ میں جوترمیم کی گئی ہے اس کے تحت آرمی چیف کا عہدہ اب چیف آف ڈیفنس فورسز سے تبدیل ہواہے،چیئرمین جائنٹ چیفس آف سٹاف کاعہدہ موجودہ چیئرمین جائنٹ چیفس آف سٹاف کی ریٹائرمنٹ پر ختم ہوگا،چیف آف ڈیفنس فورسز کے عہدے کی مدت 5سال ہوگی اورتعیناتی کی تاریخ سے مدت شمارہوگی۔
اسی طرح ائیرفورس اورنیوی کے بلوں میں بھی ضروری تبدیلیاں کی گئی ہے، سپریم کورٹ پریکٹس اینڈپروسیجرایکٹ میں بھی تبدیلیاں کی گئی ہے، آئینی بینچز نہیں رہے ہیں اور آئین کے تحت کورٹ قائم کر دی گئی ہے، اس میں پہلی تعیناتی چیف جسٹس صاحب کی ہونی ہے، اس حوالہ سے وزیراعظم سمری جاری کریں گے، جہاں جہاں آئینی بینچز کا ذکرتھا وہ حذف کرلی گئی ہے، میں اس حوالہ سے پورے ایوان کاشکریہ اداکرنا چاہتاہوں۔
