وزیراعلیٰ پنجاب مریم نواز شریف نے معاشرتی شمولیت اور باوقار روزگار کے عزم کو آگے بڑھاتے ہوئے ٹرانسجینڈر کمیونٹی کے لیے ‘چیف منسٹر سکل ڈویلپمنٹ پروگرام’ کا اعلان کیا ہےجس کا آغاز یکم جنوری 2026 سے ہوگا۔یہ پروگرام ٹرانسجینڈر افراد کو معاشی طور پر خود مختار بنانے اور معاشرے میں ان کا باوقار مقام یقینی بنانے کی عملی کوشش ہے۔ پنجاب کے ہر ضلع سے 18 سال یا اس سے زائد عمر کے ٹرانسجینڈر افراد داخلے کے اہل ہوں گے۔ انہیں مفت تربیت اور دورانِ کورس 5 ہزار روپے ماہانہ وظیفہ دیا جائے گا تاکہ وہ سیکھنے کے عمل میں مالی مشکلات سے محفوظ رہیں۔
یہ اقدام ہر شہری کو مواقع، عزت اور ہنر تک رسائی دینے کے وژن کی عکاسی کرتا ہے۔ یہ پروگرام حقیقی مساوات اور جامع معاشرے کی جانب ایک مضبوط قدم ہے۔
