بلوچستان بھر میں 3 روز کیلئے مسافر بس سروس معطل، صوبائی ٹرانسپورٹ اتھارٹی کی جانب سے جاری کردہ نوٹیفکیشن میں مسافر بس سروس معطلی کی وجوہات سے آگاہ کر دیا گیا۔ تفصیلات کے مطابق بلوچستان حکومت کی جانب سے اعلان کیا گیا ہے کہ امن وامان کی صورتحال کے پیش نظر بلوچستان بھر میں 3 روز کے لیے مسافربس ٹرانسپورٹ معطل رہےگی۔
اس حوالے سے صوبائی ٹرانسپورٹ اتھارٹی کی جانب سے نوٹیفکیشن بھی جاری کیا گیا ہے۔ صوبائی ٹرانسپورٹ اتھارٹی کی جانب سے جاری کردہ نوٹیفکیشن کے مطابق بلوچستان بھر میں تین روز کے لیے مسافربس ٹرانسپورٹ معطل رہےگی۔ نوٹیفکیشن کے مطابق صوبے میں 12 تا 14 نومبر تک تمام بس ٹرانسپورٹس بند رہیں گی۔ ٹرانسپورٹ بند رکھنےکا فیصلہ امن وامان کی صورتحال کے پیش نظرکیا گیا، صوبےکی تمام ریجنل ٹرانسپورٹ اتھارٹیز کو ہدایت کی گئی ہےکہ وہ اس حکم نامے پر عملدرآمدکو یقینی بنائیں۔
یہاں واضح رہے کہ امن وامان کی صورتحال کے پیش نظر بلوچستان سے چلنے والی جعفر ایکسپریس کی سروس بھی متعدد مرتبہ معطل کی جا چکی۔ جبکہ صوبے کی شاہراہوں پر رات کے وقت سفر سے متعلق بھی پابندیاں عائد ہیں۔
=================
نئی دہلی میں گیس سلنڈر دھماکہ، بھارتی میڈیا نے پاکستان پر الزامات کی بوچھاڑ کر دی
بھارتی میڈیا نے فوراً پاکستان مخالف فالس فلیگ مہم چلا دی، چند گھنٹوں میں بیانیہ بدل کر پاکستان پر الزامات کی بوچھاڑ شروع کر دی
نئی دہلی میں گیس سلنڈر دھماکہ، بھارتی میڈیا نے پاکستان پر الزامات کی ..
نئی دہلی 10 نومبر2025ء) نئی دہلی میں گیس سلنڈر دھماکہ، بھارتی میڈیا نے پاکستان پر الزامات کی بوچھاڑ کر دی بھارتی میڈیا نے فوراً پاکستان مخالف فالس فلیگ مہم چلا دی، چند گھنٹوں میں بیانیہ بدل کر پاکستان پر الزامات کی بوچھاڑ شروع کر دی، بھارتی ٹی وی چینلز نے ناظرین کو گمراہ کرنے کے لیے بیسیوں جعلی کہانیاں نشر کیں۔
تفصیلات کے مطابق بھارت کا دارالحکومت نئی دہلی پیر کی شب کو زور دار دھماکے سے لرز گیا۔ بھارتی میڈیا کے مطابق نئی دہلی کے لال قلعہ میٹرو اسٹیشن کے قریب دھماکہ ہوا جس سے بڑے پیمانے پر جانی و مالی نقصان ہوا ہے۔ بھارتی میڈیا کے مطابق لال قلعہ میٹرو اسٹیشن کے گیٹ نمبر 1 کے قریب کھڑی گاڑی میں زور دار دھماکہ ہوا جس کے بعد ہر جانب افرا تفری مچ گئی۔
دھماکے کے بعد کئی گاڑیوں میں آگ بھڑک اٹھی، جبکہ آخری اطلاعات تک دھماکے کے بعد 9 افراد ہلاک اور 12 زخمی ہوئے ہیں۔ بعد ازاں نئی دہلی میں ہونے والے دھماکے کے بارے میں ابتدائی رپورٹ سامنے آ گئی۔ نئی دہلی پولیس کمشنر نے کہا کہ لال قلعہ میٹرو سٹیشن کے قریب کار میں دھماکہ ہوا، دھماکہ سفید رنگ کی کار کے اندر ہوا، دھماکے کی تحقیقات کی جا رہی ہیں۔ بھارتی میڈیا کے مطابق دہلی کے لال قلعہ کے قریب دھماکے کی وجہ سی این جی سلنڈر پھٹنا بتائی جا رہی ہے، عینی شاہدین کے مطابق دھماکہ اچانک ہوا جس سے علاقے میں خوف و ہراس پھیل گیا۔ سکیورٹی ٹیموں نے موقع پر پہنچ کر علاقے کو گھیرے میں لیا، دہلی این سی آر کو احتیاطی طور پر ہائی الرٹ کر دیا گیا ہے۔
==========================
جنوبی وزیرستان میں کیڈٹ کالج وانا پر دہشت گردانہ حملہ،2 خوارج ہلاک
نیوز ڈیسک
November 10, 2025
راولپنڈی :بھارتی سرپرستی میں کام کرنے والے فتنہ الخوارج کے دہشت گردوں کا جنوبی وزیرستان میں وانا کیڈٹ کالج پر حملہ ناکام بنا دیا گیا ہے ۔
آئی ایس پی آر کے مطابق سکیورٹی فورسز کی بروقت کارروائی میں دو حملہ آور خارجی دہشت گرد موقع پر ہی جہنم واصل کر دیئے گئے جس کے بعد حملہ آوروں نے مایوس ہو کر بارود سے بھری گاڑی کیڈٹ کالج کے مرکزی دروازے سے ٹکرا دی جس کے نتیجے میں مرکزی دروازہ اور اس سے ملحقہ عمارت کو نقصان پہنچا۔اس دوران تین خارجی دہشت گرد کالج کے احاطے میں داخل ہونے میں کامیابی ہو گئے جنہیں سکیورٹی فورسز نے کالج کے انتظامی بلاک میں گھیر لیا ہے ۔
آئی ایس پی آر کاکہناہے کہ کالج کے احاطے میں چھپے ہوئے یہ خارجی دہشت گرد افغانستان میں موجود اپنے آقاؤں اور ہینڈلرز سے رابطے میں ہیں اور وہیں سے ہدایات حاصل کر رہے ہیں ۔پاکستان افغانستان میں موجود دہشت گردوں اور ان کی قیادت کے خلاف جوابی کارروائی کا حق محفوظ رکھتا ہے ۔
آئی ایس پی آر کاکہناہے کہ بھارتی سرپرستی میں کام کرنے والے فتنہ الخوارج سے تعلق رکھنے والے یہ دہشت گرد ایک بار پھر 2014میں آرمی پبلک سکول پشاور میں کیے گئے وحشیانہ دہشت گردی کے عمل کو دہرانے کی کوشش کر رہے ہیں ۔ اس بربریت کا مقصد سابق قبائلی علاقوں کی نئی نسل کے دلوں میں خوف و ہراس پیدا کرنا ہے جو زندگی میں کامیاب ہونے اور اپنے بہتر مستقبل کے لیے اپنے گھر کے قریب ہی معیاری تعلیم حاصل کر رہے ہیں ۔ بچے کھچے بھارتی سرپرستی میں کام کرنے والے خارجی دہشت گردوں کے خلاف کلیئرنس آپریشنز جاری ہیں ۔
آئی ایس پی آر کاکہناہے کہ سکیورٹی فورسز مادر وطن سے بیرونی حمایت یافتہ ان دہشت گردوں کے مکمل خاتمے کے لیے پرعزم ہیں۔
اس پوسٹ کو شیئر کریں
