کراچی 08نومبر ۔ محکمہ صحت سندھ نے صوبے بھر میں ڈینگی کے مصدقہ کیسز سے متعلق تازہ رپورٹ جاری کر دی ہے جس کے مطابق سندھ بھر میں گزشتہ 24 گھنٹوں کے دوران مجموعی طور پر ڈینگی کے 5 ہزار 150 ٹیسٹ کیے گئے جن میں 999 کیسز مثبت آئے ہیں۔کراچی ڈویژن میں 3 ہزار 827 ٹیسٹ کیے گئے جن میں 535 مثبت کیسز کی تصدیق ہوئی۔حیدرآباد ڈویژن میں 1 ہزار 323 ٹیسٹ کیے گئے جن میں سے 464 کیسز مثبت آئے۔ سیکریٹری محکمہ صحت ریحان بلوچ نے واضح کیا کہ حیدرآباد میں ڈینگی کے مثبت کیسز میں نمایاں کمی، گزشتہ ہفتے کی شرح 46 فیصد سے کم ہوکر 35 فیصد رہ گئی ہے۔ حکومت دن رات ڈینگی کی صورتحال کو مانیٹر کر رہی ہے اور موثر حکمت عملی اپنائے ہوئے ہے۔ گزشتہ 24 گھنٹوں کے دوران صوبے بھر کے سرکاری اسپتالوں میں 105 نئے کیسز داخل ہوئے جبکہ پرائیویٹ اسپتالوں میں 87 نئے مریض داخل ہوئے۔صوبے بھر کے سرکاری اسپتالوں سے 121 مریض جبکہ پرائیویٹ اسپتالوں سے 97 مریض صحتیاب ہوکر گھر گئے۔گزشتہ 24 گھنٹوں کے دوران صوبے بھر سے کوئی ہلاکت رپورٹ نہیں ہوئی۔سیکریٹری ریحان بلوچ نے بتایا کہ رواں ماہ ڈینگی سے صوبے بھر میں متاثرہ افراد کی تعداد 6 ہزار 199 ریکارڈ ہوئی۔رواں سال صوبے بھر میں ڈینگی سے متاثرہ افراد کی تعداد 11 ہزار 763 ہے۔اس وقت صوبے بھر کے سرکاری اسپتالوں میں داخل مریضوں کی تعداد 226 جبکہ پرائیویٹ اسپتالوں میں داخل مریضوں کی تعداد 203 ہے۔ کراچی کے سرکاری اسپتالوں میں ڈینگی کے مریضوں کے لیے 256 بیڈ مختص جبکہ حیدرآباد میں 165 اور اندرون سندھ میں 562 ہے جبکہ صوبے بھر میں ڈینگی کے مریضوں کےلیے 983 بیڈ مختص کیے گئے ہیں۔کراچی کے پرائیویٹ اسپتالوں میں ڈینگی کے مریضوں کے لیے 200 بیڈ مختص جبکہ حیدرآباد میں 209 اور اندرون سندھ میں 66 ہے جبکہ صوبے بھر میں ڈینگی کے مریضوں کےلیے 475 بیڈ مختص کیے گئے ہیں۔ صوبے بھر میں اس وقت 56 لیباریٹریز سے ڈیٹا وصول کیا جارہا ہے۔کراچی میں کل 38 لیبارٹریز ڈینگی ٹیسٹنگ کر رہی ہیں جن میں 12 سرکاری اور 26 نجی لیبارٹریز شامل ہیں۔حیدرآباد میں ڈینگی ٹیسٹنگ کے لیے 18 لیبارٹریز سرگرم ہیں جن میں 7 سرکاری اور 11 نجی لیبارٹریز شامل ہیں۔
ہینڈآؤٹ نمبر 1254۔۔۔ایم ڈبلیو
