لاڑکانہ میں بھی بجلی کی تقسیم کار کمپنیوں کی ممکنہ نجکاری کے خلاف سیپکو مزدور سڑکوں پر نکل آئے، احتجاجی ریلی نکال کر مختلف راستوں سے ہوکر جناح باغ چوک پر دھرنا دے دیا
آل پاکستان واپڈا ہائیڈرو الیکٹرک ورکرز لیبر یونین کی ملک گیر کال پر لاڑکانہ میں بھی سیپکو مزدوروں نے بجلی کے اداروں کی نجکاری کے خلاف احتجاجی ریلی نکالی، ہائیڈرو یونین کے ریجنل چیئرمین نثار شیخ کی قیادت میں نکالی گئی ریلی سپرنٹینڈنٹ انجینئر آفس لاڑکانہ سے شروع ہوئی اور شہر کے مختلف راستوں کا گشت کرتی جناح باغ چوک پہنچی جہاں محنت کشوں نے دھرنا دے دیا، اس موقع پر رہنماؤں نثار شیخ ، عبداللہ سومرو ، محمود پٹھان ، ہادی بخش جتوئی ، ریاض سانگی ، خرم میمن ، وسیم جتوئی و دیگر نے خطاب کرتے ہوئے کہا کہ ملک آئی ایم ایف کے ہاتھوں یرغمال ہو چکا، ملک دوست پالیسیز خواب بن گئیں ہیں اب تو ہر صرف مہنگائی، بے روزگاری، منافہ بخش ملکی وسائل اور اداروں کی فروخت کا سلسلہ تیزی اختیار کر چکا ہے، بجائے حوش کے ناخن لینے کے حکومت مزدور دشمن پالیسیز پر آنکھیں بند کر کے عملدرآمد کرتی جا رہی ہے لیکن مزدور اپنا حق چھیننے نہیں دیں گے، نجکاری سے مہنگائی، بے روزگاری فاقہ کشوں کا نیا طوفان جنم لے گا جس سے ملک کے لاکھوں غریب مزدوروں کا استحصال ہوتا رہے گا جو کسی طور منظور نہیں، رہنماؤں نے اک مرتبہ پھر پرزوت مطالبہ کیا کہ حکومت نجکاری کے فیصلے کو فی الفور واپس لے بصورت دیگر احتجاجی تحریک کا علان کرتے ہیں،
