اسپین میں میٹرو سروس کے 100 سال مکمل ہونے پر انوکھی ریس کا انقعاد کیا گیا ، رنرز کو زیر زمین دوڑ لگاناپڑی۔
ٹرانسپورٹس میٹروپولیٹنز دی بارسلونا کی جانب سے ایک منفرد دوڑ کا اہتمام کیا گیا۔ جو شہر کے زیرزمین سرنگوں میں منعقد ہوئی۔اس انڈر گراؤنڈ خصوصی دوڑ میں 275 رنرز نے حصہ لیا، جنہیں ہر 20 سیکنڈ کے وقفے سے دوڑنے کی اجازت دی گئی۔ یہ دوڑ 5.2 کلومیٹر کے فاصلے پر مشتمل تھی اور اسے رات کے اوقات میں اس لیے رکھا گیا تاکہ میٹرو کے معمول کے نظام میں کوئی خلل نہ پڑے۔
ایونٹ کا مقصد بارسلونا میٹرو کی ایک صدی مکمل ہونے کا جشن منانا تھا ۔ دوڑ سے حاصل ہونے والی تمام رجسٹریشن فیس اعصابی خلیات ’’موٹر نیورونز‘‘ کو نقصان پہنچانے والے ایمیوٹروفک لیٹرل اسکلروسس جیسے مہلک مرض کے خلاف تحقیق اور علاج کے لیے عطیہ کی جائے گی۔دوڑ کے اختتام پر شرکاء کو میڈلز دیے ۔
