ٹکرز برائے نشر/ سندھ کابینہ کی فنانس کمیٹی کا اہم اجلاس
سندھ کابینہ کی فنانس کمیٹی کا اہم اجلاس صوبائی وزراء سید ناصر حسین شاہ، سعید غنی اور ضیاء الحسن لنجار کی زیر صدارت منعقد ہوا۔
اجلاس میں تمام محکموں کے سیکریٹریز موجود تھے۔
اجلاس میں سیکرٹری فنانس نے مختلف محکموں کو ڈویلپمنٹ اور نان ڈویلپمنٹ فنڈز کی فراہمی کے حوالے سے ان محکموں کی درخواستوں سے اجلاس کو آگاہ کیا۔
اجلاس میں عوامی ریلیف کے منصوبوں میں مختلف سرکاری اداروں کو فنانس کے حوالے سے درپیش مسائل کا تفصیلی جائزہ لیا گیا۔
چیئرمین بلاول بھٹو زرداری کے وژن کے مطابق عوام کو ریلیف کی فراہمی کے لئے تمام اقدامات بروئے کار لائے جائیں۔ صوبائی وزراء
اجلاس میں اسکول ایجوکیشن کے تحت سینٹ پیٹرک ہائی اسکول میں اسٹیڈیم کی تعمیر کے ایجنڈے کو سیکرٹری ایجوکیشن کی غیر موجودگی پر موخر کردیا گیا۔
اجلاس میں خواتین کے لئے الیکٹرانک بائیک کی خریداری کے لئے محکمہ ٹرانسپورٹ کو 299 ملین روپے نان اے ڈی پی اسکیم کے تحت خریداری کی منظوری دی گئی۔
اجلاس میں گڈاپ ٹاؤن ڈسٹرکٹ ملیر کے 35 دیہاتوں کو ایم نائین سپر ہائی وے کے پاس سے پانی کی فراہمی کی اسکیم کی منظوری دی گئی۔
اجلاس میں ریسکیو 1122 کے سیلاب زدہ علاقوں میں متعین کئے گئے ملازمین کی تنخواہوں کی ورلڈ بینک فنڈز سے ادائیگی کی منظوری دی گئی۔
اجلاس میں محکمہ صحت کے تحت ویکسینس کی خریداری کی منظوری دی گئی۔
اجلاس میں نوابشاہ سے سعید آباد تک سڑک کی تعمیر اور اس میں نوابشاہ تک سیم نالے کی تعمیر میں لاگت میں اضافے پر اے ڈی پی کی اسکیم 3332 میں منظوری دی گئی۔
اجلاس میں کے ڈی اے کے تحت کراچی میں انفراسٹرکچر کی بہتری، نئی سڑکوں کی تعمیر، واٹر اینڈ سیوریج کے مختلف منصوبوں کے حوالے سے 2899 ملین روپے کی منظوری دی گئی۔
اجلاس میں محکمہ ورکس، کلچر اینڈ ٹوریزم، محکمہ قانون، انوائرمنٹ کلائمیٹ چینجز اینڈ کوسٹل ڈویلپمنٹ کے محکموں کی مختلف اسکیموں کی منظوری دی گئی۔
اجلاس میں جن محکموں کے سیکریٹریز موجود نہیں تھے ان کے ایجنڈے کو آئندہ اجلاس تک موخر کرکے ہدایات دی گئی کہ جس محکمہ کا ایجنڈے میں شامل ہو اس کا سیکرٹری اجلاس میں لازمی موجود ہو۔
جاری کردہ : زبیر میمن ، میڈیا کنسلٹینٹ وزیر محنت و افرادی قوت و سماجی تحفظ سندھ سعید غنی 03333788079
